مشكلة فى اوبل فيكترا 2002

[YahiaAshraf]

يا جماعة انا مبنصحش اى واحد يشترى اوبل فيكترا نهائى دى عربية زبالة يعنى انا كان معايا واحده موديل 2002 يعنى منكرش انه عربية شيك بس من يوم مجبتها و بيطلعلى حاجة فيها يعتنى مرة كنت مسافر لاقيت العربية عطلت منى مرة كنت مسافر برده و لاقيت الدبرياج سقط و مرة لاقيت الفرامل باظت و مرة لاقيت الفيوزات ضربت ومرة لاقيت الكهرباء دخله فى بعضها و مرة كنت بغسل العربية فى المشحمه لاقيت جهاز الباور فى العربية ضرب صوت زى القنبلة مرة لاقيت العربية مش عايزه تدور ولما زهقت عملت عمرة للموتور و بعتها بصعوبة لغاية لما اتقرفات من امها و ابوها عربية تشل الواحد

[samirayad]

الأوبل مش زباله ولا حاجه

دى عربيات ممتازه ومعمره

بس العيب بيبقى فينا أحنا

لأن السياره لازم يتصرف عليها علشان تصونها

فهل تقدر تعيش من غير ماتاكل وتشرب وتلبس وتظبط أمورك

نفس القصه بالضبط

السياره محتاجه مصاريف بصفه دوريه علشان تبقى شده حيلها معاك على طول

سواء هى أوبل أو غيره

____________

لكن أنا معاك

إن الأوبل حاجته غاليه شويه ولكنها معمره

[elgazar71]

المشاركة الأصلية كتبت بواسطة samirayad الأوبل مش زباله ولا حاجه دى عربيات ممتازه ومعمره بس العيب بيبقى فينا أحنا لأن السياره لازم يتصرف عليها علشان تصونها فهل تقدر تعيش من غير ماتاكل وتشرب وتلبس وتظبط أمورك نفس القصه بالضبط السياره محتاجه مصاريف بصفه دوريه علشان تبقى شده حيلها معاك على طول سواء هى أوبل أو غيره ____________ لكن أنا معاك إن الأوبل حاجته غاليه شويه ولكنها معمره

أنامع رأى الباشمنهدس سمير الأوبل عربية محترمة جدآ بس المشكلة لما أسعارها نزلة شوية فى ناس أشترتها ولاتستطيع الانفاق عليها السيارة محترمة ومش زبالة بس لازم الا يركبها يكون أد مصارفها والعربية قطع غيارها مش غالية أوى زى ماالناس بتقول قارن بينها وبين السيارات الجديدة الأقل منها كفاءة وصناعة والسيارة ده لابد من صيانتها فى التوكيل وده عن تجربة..

[YahiaAshraf]

يا جماعة انا مش قصدي كدة هي عربية شيك بس قطع غيارها نار وهي مليانة عيوب بدليل ان الشركة وقفت انتاجها وكل الناس بتشتكي من الجديد و القديم

[samirayad]

أنا كان عندى

أوبل منطقه حره ( 1400 سى سى )

كاربوراتير موديل 1992

كانت وحش ( بمعنى الكلمه )

بس كنت دايما

إيدى فيها وبأغدق عليها ماديا

ولما بعتها

كسبت فيها حوالى 6 آلاف جنيه

_____________

ولكن للأمانه

تعبتنى كتير على ماخليتها عروسه

لأن فيه ناس كتيييييييييييييير أوى

بتحب تركب بس

ولما تنخ معاه العربيه

يقولك

أما أوزعها

أنا مش فاضى للف على الصنايعيه وخلافه