جولييت 2 موديل 2000 - ارجوكم سرعة الرد لضيق الوقت

[الحمصانى]

السلام عليكم ورحمة الله
والله يا جماعة انا هشترى بكرة أو بعده بالكتير اوى جولييت 2 موديل 2000 وكنت محتاج اعرف معلومات عن العربية دى . انا بالتأكيد قريت كتير عنها وشفت ردود الخبراء واصحاب الخبرة بصراحة حاجة تفرح وتحببك فى العربية قبل ما تشتريها . لكن كنت عايز اعرف
هل الجولييت كله كورى فعلا ولا فيه منها تقفيل مصرى . وما هو افضل الزيوت للموتور بتاعها والبنزين المناسب ليها 80 ولا 90 ولا 92
بالمناسبة صحيح . انا خلصت العربية حسب اتفاقى مع البائع على 37.000 علماً بأن حالتها ممتازة - وهتستغربوا إن ده مخلينى قلقان شوية لان سعر الموديل ده من الجولييت رافع لل .. 39.000 و 40.000 ويمكن اعلى من كده كمان فأنا بجد مش عارف خايف يكون فيه عيب فى العربية مش ظاهر او مش مكشوف ممكن احتاس انا فيه بعد كده
______
ارجوكم الوقت ضيق جداً ومحتاج سرعة الرد
وربنا يبارك فيكم

[الحمصانى]

المشاركة الأصلية كتبت بواسطة الحمصانى السلام عليكم ورحمة الله والله يا جماعة انا هشترى بكرة أو بعده بالكتير اوى جولييت 2 موديل 2000 وكنت محتاج اعرف معلومات عن العربية دى . انا بالتأكيد قريت كتير عنها وشفت ردود الخبراء واصحاب الخبرة بصراحة حاجة تفرح وتحببك فى العربية قبل ما تشتريها . لكن كنت عايز اعرف هل الجولييت كله كورى فعلا ولا فيه منها تقفيل مصرى . وما هو افضل الزيوت للموتور بتاعها والبنزين المناسب ليها 80 ولا 90 ولا 92 بالمناسبة صحيح . انا خلصت العربية حسب اتفاقى مع البائع على 37.000 علماً بأن حالتها ممتازة - وعاملة 100.000 كم تقريباً وهتستغربوا إن ده مخلينى قلقان شوية لان سعر الموديل ده من الجولييت رافع لل .. 39.000 و 40.000 ويمكن اعلى من كده كمان فأنا بجد مش عارف خايف يكون فيه عيب فى العربية مش ظاهر او مش مكشوف ممكن احتاس انا فيه بعد كده ______ ارجوكم الوقت ضيق جداً ومحتاج سرعة الرد وربنا يبارك فيكم

واتمنى كمان لو سمحتم - واسف على طلبى ده - لو فيه روابط او صور على اى موقع لاكسسوارات الجولييت . اكون جزيل الشكر لو ساعدتونى فى الوصول اليها

[حسام البورسعيدى]

على حد علمى الجولييت فى منها موديلين ..

موديل جوليت وموديل جولييت SPORT

والموديل الاسبور بيكون فيه كماليات اعلى شوية (جنوط اسبور - عداد RPM - دريكسيون رياضى لونه احمر فى اسود - الفانوس الخلفى شكله اشيك - الوان الموديل ده بتبقى شبابية اكتر زى الفسفورى والاحمر)

وعلى حد علمى الانوس جولييت 2 بتكون تقفيل مصرى (بس مش متأكد 100 % )

دى صورة الجولييت العادية من الخلف



ودى صورة الجولييت SPORT (لاحظ الفرق فى الفانوس الخلفى)




لاحظ ايضا الدريكسيون الاحمر فى اسود وعداد RPM



ومبروك مقدما يا باشا ....

[m_elhdeny]

اولا كدة بسم الله الرحمن الرحيم

ثانيا ربنا يباركلك فيها ويكفيك شرها لو اخدها
ثالثا انا بعشق حاجة اسمها دايو جوليت عشان شكلها وناوى اجيبها
رابعا انا خبرتى قليلة اوى فى العربيات فمقدرش افيدك

بس فى استفسار هى عامة الدايو جوليت اخرها كام واية عداد rpm
هل العداد دا اللى بيقيس عدد لفات الموتور؟
ثانيا

[خالداعزالناس]

لو السياره حالتها ممتازه
توكل على الله

السعر ممتاز ,,,,, والسياره جميله