|
|||||||
| ريفيوهات ساحة لعقد المقارنات وكذلك مراجعة رفيوهات (تقارير) السيارات واختبارات التصادم |
 |
|
|
أدوات الموضوع |
|
|||||||
| ريفيوهات ساحة لعقد المقارنات وكذلك مراجعة رفيوهات (تقارير) السيارات واختبارات التصادم |
|
|
|
أدوات الموضوع |
|
#1
06-02-2011, 06:03 PM
|
||||
|
||||
المقارنة الصعبة جدا بين الهيونداى النترا والكيا سيراتو
 Vs تعتبر كل من الهيونداى النترا والكيا السيراتو من اقوى واكتر السيارات فى تلك الفئة السعرية انتشارا واثبت كل من السيارتين نجاحا منقطع التظير يتضح من خلال حجم المبيعات الملحوظ فى الشوارع المصرية الى جانب شهادة المستخدمين لكل من السياراتين بكفاءة وقدرتهم عل التحمل وخصوصا فى الشوارع والطرق المصرية التى تعتبر اقوى اختبار لاى سيارة فى العالم نبدأ بالشكل الخارجى   ومن الخلف   ومن الجانب   اما من الداخل   المجمل من حيث الشكل تتفوق الكيا السيراتو من حيث الشكل الخارجى والتصميم الداخلى حيث شكلها اقوى ورياضى اكتر من الالنترا وده امر طبيعى حيث ان شكل السيراتو احدث بسنتسن من الالنترا التى تم نزول الشكل الحالى 2007 اما السيراتو 2009 فطبيعى تطور السيراتو وتفوقها من حيث الشكل الخارجى والداخلى وده لا يقلل من شكل الالنترا بشئ لكن فى المفاضلة تتفوق السيراتو من حيث التصميم الخارجى والداخلى ---------------------------------------- الابعاد الخارجية الطول (النترا 4505 مم - السيراتو 4529 مم) السيراتو اطول من النترا بحوالى 24 مم العرض (النترا 1775 مم - السيراتو 1775 مم) لهما نفس العرض تماما الارتفاع (النترا 1490 مم - السيراتو 1461 مم) النترا اعلى من السيراتو بحوالى 29 مم قاعدة العجلات (النترا 2649 مم - السيراتو 2649 مم) السيارتين الفروقات فى الابعاد الخارجية ومش فروق محورية اى انها تقريبا متطابقتين المحرك الالنترا : محرك مكون من 4 سليندرات CVVT و16 صمام وسعته 1591 سى سى يولد 121 حصان عند 6200 RBM واقصى عزم له 152.8 عند 4200 RBM السيراتو : محرك مكون من 4 سليندرات CVVT و 16 صمام وسعته 1591 سى سى ويولد 124 حصان عند 6300 RBM واقصى عزم له 156 نيوتن متر عند 4200 RBM السيارتين لهم نفس المحرك والفرق الوحيد فى التصميم الخارجى الايروديناميك والوزن الخاص بالسيارة فقط فالاختلاف فى الاداء من ناحية المحرك تقريبا لايوجد --------------------------------------------- نظام التعليق تتفوق النترا فى التعليق الخلف حيث انه منفصل متعدد النقاط ممايعطى اداء افضل من السيراتو التى تعتمد على
---------------------------------------------------- اهم العيوب والجزئية دى بتتناول اهم العيوب التى ذكرت فى العموم عن السيارة البعض صحيح والبعض خاطئ ولكن حتناول الجزئية بوجه عام الالنترا الباور الكهربى الخفيف جدا مافيهاش صاج خالص بتحك فى المطبات وخصوصا مع الاوزان والتحميل المساعدين مش قويين وخصوصا الاماميين (مش عارف ليه؟) اهم عيوب السيراتو ونالت نصيب الاسد من الاشاعات العيوب التى تقترب من الحقيقة العفشة ناشفة شوية صوت المحرك عالى مع السرعات العالية(الكلام ده مااتقالش على الالنترا ليه ) السيارة ثقيلة وخصوصا فى الجرى (والكلام ده مااتقال على الالنترا ليه برغم من انهم واحد) ناقل الحركة قديم وبطئ (والكلام ده مااتقال على الالنترا ليه برغم من انهم واحد) الجنط ال17 بوصة مشاكله كتير العيوب الغير واقعية بتقلب لوحدها والابواب بتطير وانت ماشى والموتور بيقع من العربية والجنوط بتطير من العربية وانت ماشى و....... واكتبوا اللى انتم عاوزين ------------------------------------------------- الصيانة وقطع الغيار تكسب الالنترا من حيث رخص قطع الغيار لكن الفرق مش كبير للدرجة لكن بحكم وجود الالنترا من 2007 فانتشرت بقوة وثبات مستوى غبور على مدار كام سنة ونتيجة للتغيرات فى وكيل كيا الحالى لكن فى الوقت الحالى وكيل كيا افضل من غبور ويكفى ان ضمان السيراتو 100 الف كم او 5 سنوات فى حين غبور 60 الف او 3 سنوات وكمان على صعيد مستوى التعامل داخل التوكيل فوكيل كيا افضل لكن فى الصيانة فى الورش والميكانيكية خارج التوكيل الالنرتا تتفوق ---------------------------------------- الاسعار الالنترا ارخص من السيراتو بفارق يعتبر بسيك يتراوح من 3 الاف الى 6 الاف بدون الخوض فى الاسعار الحالية عشان الاسعار قابلة للتغير بصورة دائمة ففى الغالب الالنترا ارخص من السيراتو ------------------------------------- سعر اعادة البيع تقريبا متساوى لكن كفة الالنترا تميل اكتر وخصوصا بسبب العيوب الوهمية والاشاعات التى احاطت بالسيراتو ------------------------------------------ الخلاصة لو عاوز عربية باستخدام شاق وبهدلة فى اى مكان فى مصر ولو عطلت منك فى اى حته حتلاقى قطع الغيار بسهولة يبقى الالنترا (الاكثر عملية ) لو عاوز عربية استيل وانيقة واستخدام محترم بس الصيانة اصعب قليلا من الالنترا يعنى (الاكثر اناقة وفخامة ) وكل واحد بتختلف متطلباته من شخص الى اخر وشكرا
|
|
#2
06-02-2011, 06:28 PM
|
|||
|
|||
رد: المقارنة الصعبة جدا بين الهيونداى النترا والكيا سيراتو
يسلام عليك يا بدر يا بسيوني يا ملك الالنترا يا كبير برنس من يومك واللي يقول غير كدا اديني اسمه بس وانا هتصرف معاه
ايه الحلاوه ديه يا بدور ده انا هعيط من المقارنه الجميلة ديه بس انا مصدوم من حاجتين في الموضوع ده وحاسس اني اعمي النظر اولا الطول انا شايف ان الالنترا اطول من السيراتو بكتير ثانيا الارتفاع انا شايف ان السيراتو اعلي من الالنترا بمراحل ابوس ايدك رسيني اروح اكشف نظر ولا انا بتكلم صح
|
|
#3
06-02-2011, 06:32 PM
|
||||
|
||||
|
رد: المقارنة الصعبة جدا بين الهيونداى النترا والكيا سيراتو
استاذ استاذ استاذ بجد عظيم يابدر باشا ايه الحلاوه دى ياكبير بس انت منحاز للألنترا شويه طبعا مين يشهد للعروسه
__________________
لّا إِلَهَ إِلاَّ أَنتَ سُبْحَانَكَ إِنِّي كُنتُ مِنَ الظَّالِمِينَ
|
|
#4
06-02-2011, 06:42 PM
|
||||
|
||||
|
رد: المقارنة الصعبة جدا بين الهيونداى النترا والكيا سيراتو
والله انا بقول ان انت مش من هنا اصلا بس محدش مصدقنى, بس انا طبعا هروح على السيراتو وانا مغمض مع كامل احترامى للالنترا
__________________
 Komy
|
|
#5
06-02-2011, 08:20 PM
|
||||
|
||||
رد: المقارنة الصعبة جدا بين الهيونداى النترا والكيا سيراتو
|
|
| الكلمات الدليلية |
| مقارنة بين السيراتو والنترا |
|
|
