أفكار لتأمين النفس والأهل المنشأت في ظل الظروف الحالية

[sad-bird]

بعض طرق الدفاع عن النفس
اولا واخيرا واخرا الله معكم جميعا ويد الله مع الجماعة ويفضل بالطبع عدم السير فرادى لابد من السير في مجموعات على الاقل فردين حتى في الخدمات الليلية

1. اي شيء ساخن موجود امامك والقذف في الوجه مباشرة خاصة العينين لان سرعة رد الفعل لاي اصابة في العين اسرع من اي شيء اخر في الجسم لذا يكون لديك وقت للتصرف اثناء انهماك الخصم في تحسين الرؤية
2. تراب او رمل ناعم وتوجيهه مباشرة في العين
3. الحفاظ على مسافة بينك وبين المعتدي خاصة اذا كان معاه سلاح ابيض اما اذا كان معاه سلاح ناري فلا ينصح بالتعامل المباشرة اصلا ويفضل في هذه الحالة تشتيت الانتباه بين اتجاهين لذا لا بد من وجود فردين او اكثر في مثل هذا الموقف
4. في حال اقتراب المعتدي منك الضرب المباشر في الركبة وان تمكنت من الضرب بالزاوية الجانبية او من خلف الركبة يكون النتيجة افضل
5. استعمال العصي والشوم مع العلم العصاية المرنة تصيب بلسعه قوية تودي الي انهاك مؤقت للقوى اما الشوم او العصى الغليظة تؤدي إلى الى ألم مستمر لذا يفضل عند الضرب في البداية تكون عصا رفيعة ومرنة يمكن استعمال مواسير مياه بلاستيكيه على سبيل المثال ثم التكاتف في للسيطرة على الموقف
6. الفلفل الاسمر مطحون او مغلي في زجاجة مياه ورشه في العين عن طريق زجاجاة بغطاء مخروم او لو متوافر بخاخات او رشاشات المياه او العطور القابلة لاعادة الاستعمال
7. الضرب في المناطق لاضعيفة في الجسم وهي ( الوججه بشكل عام والعينين بشك خاص ، خلف الرأس، على جانبي الرقبة خاصة، الضرب بقوة مباشرة في منطقة الحجاب الحاجز او فم المعدة ، الضرب على جانبي القفص الصدري خاصة منطقة الابطين ، الضرب اسف المعدة بين الفخذين ، الضرب في الركبة ، الضرب على اطراف اصابع القدم خاصة اذا حاول المعتدي تكتيفك يمكنك بكعبك رجلك الضرب على اصابع القديم ثم ضربة سرعة بالكوع في المعدة )

8. توزيع العمل بينكم بالعدل ولا يفضل احدكم على الاخر حتى لا يحدث ضغائن اللهم الال في حدود مشاركة بعض الاشخاص ضعيفي القدرة فيتم تكليفهم بمهام ابسط وفيما يلي اقتراحات لتوزيع العمل
1. تشكيل فريق مسئول عن الاعاشة وهو مكون من النساء
2. تشكيل فريق للمتابعه النهارية وهو يتكون من مجموعة من الشباب الكبير القادر على التصرف ولكن بعدد قليل يكفي 2 فقط لكل منطقة بالاضافة للشباب الصغير وممكن تنضم فيه الفتيات وذلك لمتابعه الاحوال النهارية وفي حالة حدوث اي شيء يكفي صراخهم لهروب المعتدي وايقاظ النائمين
3. تشكيل مجموعات ليلية تكلف كل منها بالحراسة من 2 ألى 4 ساعات على حسب العدد المتوفر وفي حالة توفر عدد كبير يكون لكل مجموعة نوبة حراسة واحدة اما في حالة عدم توفر عدد حراسة كبير فيكون لكل مجموعة حراسة نوبتين
4. الحرص على عدم التدفئة الكاملة في نوبات الحراسة حتى لا تصاب بالخمول والكسل وتجد نفسك نائما
5. توفير اداة للحار اليقظ واخري للنائم بحيث اذا ما حدث شيء يقوم النائم ومعه اداته
6. التجمع في مجموعات منزلية حراسة منزل واحد افضل من حراسة 10 منازل مع الحرص على تأمين المنازل المغلقة واخفاء ما خف وزنه وغلا ثمنه مع كل مجموعة
7. الحرص على عدم اختفاء الاطفال عن الاعين ( يمكن تخصيص منزل او شقة يتم جمع فيها لااطفال وتقوم على رعايتهم مجموعة من الامهات او الفتيات مع مراعاة اشغالهم بايه اشياء مسلية ونافعه مثل الالعاب التعليمية او ما شابه ذلك حتى لا تترك الاحداث الحالية اثرا سيئا في نفوسهم ) ويمكن ان كان هناك دار حضانة او روضة اطفال في المنطقة السكنية ان يتم ذهاب الاطفال لها كأنهم في يوم دراسي مثلا ويتم تأمين الحراسة للروضة بمجموعة نهارية
8. احذرو من خوف وهلع الاطفال احذرو من خوف وهلع الاطفال احذرو من خوف وهلع الاطفال فخوف الطفل يترك رواسب نفسيه شديدة التأثير عليه في المستقبل
9 . يمكن تشكيل فريق عمل من الشباب لقضاء مصالح الاسر من شارء مواد تموينية وغذائية فتطلب كل اسرة ما تريد وتدفع للجنة المال للشراء ويتم المحاسبة بعد العودة ويمكن لاحد الاشخاص التطوع بسيارته في حال ابتعاد الاسواق او المحلات عن المنطقة السكنية
10 تشاركوا في ما لديكم من مخزون طعام حتى انتهاء الازمة او توفير بديل ويمكن توزيع ما يمكن الحصول عليه من مواد بالتسواي على عدد الاسر او عدد الافراد وتقسم تكلفته على الجميع


هذا ما وفقني الله أليه وان تذكرت شيئا اخر ساكتبه
اعاننا الله واياكم

[cheetosmini]

ربنا يبارك فيك على النصايح الغالية دى
وربنا يعديها على خير

[MIDO-SPICY]

انا عايز اقول انى لسه شايف على التليفزيون المصرى دلوقتى مداخلهمن شاب اسمه تامر مقدرتش اعمل او اقول حاجه بعدها غير انى اخد سيجارتى واخرج اقف فى البلكونه علشان ادارى دموعى وحرقة قلبى واللى مقدرتش انى اوقفهم ..

الشاب بيتوسل للتليفزيون وهو منهار تماما من كتر البكاء انه يتواصل مع الشباب قبل بكره ويقولهم يروحوا

هو واحد من اللى بقالهم 10 يام فى الشارع ولما احتكم لصوت العقل روح هربان علشان ماحدش يقول عليه انهخاين

ومعرفش قرار الحربيه بامكانية انهم يروحوا غير لما راح عند اقارب ليه فى غمره

وبيتوسل للتليفزيون انه يوصل التحرير دلوقتى ويبلغ الشباب بالقرار دا

فين ناس كتير جدا عايزه تروح وخايفه من امن الدوله

بيقسم بالله العظيم اكثر من مره ان فيه ناس مش مصريين دلوقتى جوه المظاهرات وكانوا معاهم من اول يوم بيتكلموا معاهم وكانوا بيتظاهروا معاهم وبيجيبولوهم وجبات وشاى وسجاير وبيعملولهم اللافتتات اللى هما عايزينها وقاعدين ياثروا عليهم طول الليل

وقال انهم قالولهم ان بكره جمعه الوداع .. وداع لمين ؟؟؟

وانهى مكالمته وهو فى حالة اعياء من كتر البكاء

بالماسبة مزيع القناه طلب منه انه يجى دلوقتى على التليفزيون علشان يتكلم معاه وحولوا الخط على الكنترول علشان ينسق معاهم هيجى ازاى بس الولد مابداش قبول او رفض

_________________________ _________________________ ____

انا حاسس يا جماعه ان مصر بتسقط .. مصر تعدت مرحلة الثورة واصبحت فى حالة حرب .........

وحرب على مين ... حرب علينا احنا مش على شويه مبانى ولا على شويه فلوس نقدر بتعبنا وعرقنا اننا نعوضهم واحنا فخورين باللى عملناه

دى حرب ابادة للشباب اللى انا فى قمه حزنى انى ماكنتش معاهم علشان افضل فخور بنفسى باقى عمرى ادام نفسى وادام بنتى وادام عيلتى وبلدى

حرب اباده للشباب اللى رفعوا اسم مصر فوق قوى .

حرب اباده للشباب اللى ماحدش قدر يعمل زيهم مش من 30 سنه لا يمكن من 50 سنه او اكتر

حتى ثوره يوليو الشهيره اللى عملها مش شويه شباب عزل .. لا دى قياده جيش ليهم سلطه ونفوذ فى البلد ومعاهم سلاح ثقيل

مش عارف اعمل ايه للناس دى علشان احاول اجنبهم ولو ا % من اللى ممكن يحصلهم بكره

دمهم هيروح هدر

مش لاقى غير انى اقوم اتوضى دلوقتى واصلى وادعى ليهم ان ربنا يحميهم بكره من عنده ويبعد عنهم اى شر ويبيد الظالمين

الناس دى مش عايزه حاجه اكتر من انها تحس انها ليها كرامه فى بلدها ودى ابسط حقوقهم وكون ان الحكومه تنفذلهم دا فدا مش تفضل منهم وانما دا واجب عليهم

يارب حافظ علينا وعلى بلدنا وابعد عنا اى شر ..

اللهم اضرب الظالمين بالظالمين واخرجنا منهم سالمين

يارب رجع لاخواتنا فى ميدان التحرير دلوقتى رشدهم وعقلهم قبل ما تحصل الكارثه اللى كلنا هتسيب جوانا شرخ كبير

وبطلب من جميع الاعضاء اللى فى المنتدى انهم بكره فى صلاه الجمعه ان امام المسجد يدعوا فى صلاته ليهم وان ربنا يخرجنا من اليوم دا سالمين

يارب

انا بكتب المشاركه دى فى اكتر من موضوع دلوقتى علشان اكبر عدد من الاعضاء يقروها ويدعوا معايا للشباب دى ويدعوا وهما بيصلوا من دلوقتى لبكره فى صلاة الجمعه

[MOUSTAFA_SAAD]

جزاك الله خيرا

[karem ali]

شكرا sad-bird على النصاتح