ارجو الافاده !! كورسا 2005

[harpoonattack]

الساده زملاء المنتدى ,, تحياتى للجميع
انا عندى اوبل كورسا 2005 كل حاجه فيها ما شاء الله تمام ,
- بس فى الآونه الاخيره حسيت بعضه او تحجيره بسيطه فى الفرامل بمعنى انى وانا بدوس فرامل بحس بتكه فى بداية الدوسه تقريبا , على الرغم ان الفرامل زى الفل والموضوع ده لاحظت انه ما بيبانش الا وهى العربيه سخنه يعنى لما اروح مشوار طويل وتكون العربيه سخنت .

- النقطه التانيه ودى برضو لاحظتها قريب وهى انى وانا رايح الشغل الصبح وفى الجو البرد ده بحس ان العربيه (بتزيأ) من ورا وانا باخد مطبات وده حسيته وهو الجو برد والعربيه بتكون متلجه بس فى العادى او فى وسط النهار وانا راجع من الشغل مثلا وبيكون الجو شمس وكده ما بحسش بالموضوع ده ! يا ترى ده من البرد فعلا ؟

- سؤال اخير ,,, انا من المحاظين ع العربيه جداااااا واكتر حاجه بكرهها فى بلدنا المطبات لدرجة انى بمشى ع المطبات براااااحة جدا واللى ورايا بيبئى هيموت ههههه . ولي صديق نصحنى انى اركب عفشه رياضيه ( مساعدين , كبالن , سوست ) وقالى ان بعد ما اركبهم امشى فى المطبات بسرعه وماهديش على مطب خاااالص والعربيه هتبئى قويه . تبئى (jeep ) يعنى ههههههه . يا ترى الكلام ده صحيح ؟

واسف للأطاله وبارك الله فيكم

[aymangalal]

انا الصديق اللى نصحته باعفشة الاسبور عشان المطبات
حد عنده كلام تانى؟؟؟؟؟؟