عربية كانت حتتحرق بسبب ورق فى الطريق

[احمد على 1999]

و انا ماشى فى الصحراوى فوجئت بورق بنى كبير خاص بالتغليف و كتير جدا مالى الطريق و الناس كانت بتدخل فيه عادى المهم بعدها ب100 متر لقيت اوبترا راكنة على اليمين و صاحبها و مراته و ست كبيرة نازلين من العربية و بيطفوا برجلهم ورق زى الى كان على الطريق كان تحت العربية فانا استغربت و لما استوعبت الموضوع لقيت ان التفسير المنطقى ان الورق التصق بباطن السيارة و اشتعل بسبب سوخونية الشاكمان

غير ان الورق او الكرتون او اكياس البلاستيك ممكن تسد فتحات التهوية بتاعة الشبكة

الاخطر انها تلامس الشاكمان و تشتعل و تتسبب فى احتراق السيارة لا قدر الله

[zoomaa&mizaa]

الحمد لله أنها جت على قد كدة بلدنا الاهمال أصبح فيها شىء عادى جدا

[m_elmasoudy]

فعلا دى مشكلة كبيرة وبتحصل كتير،، والأسوأ من موضوع الورق هو موضوع الأقماع الحمرا. فمثلاً كتير جدا بأكون سايق وماشى عادى جدا فى الطريق وفجأة ألاقى حارة معينة مثلا من الطريق كان فيها أعمال صيانة ( تخطيط أو رصف) المشكلة ان بعض الأقماع دى بتتحرك من مكانها وفجأة تلاقى نفسك بتعدى من فوق قمع وياعالم بقى هيفوت من تحتك ولا هيتزنق فى اى حاجة فى العربية من تحت ويفضل ماسك فيها لغاية ما يضطرك تقف فى نص الطريق عشان تشيله وطبعا ده ممكن يكون سبب لحادث..

[Badr Salah]

ربنا يسترها في حاجات كتير في الطريق بتبقة خطر والناس مش بتاخد بلها
بس في النهاية ربنا بيسترها

[AbOnOrA]

الف سلامة عليك يا احمد والحمد لله انها جت على قد كده وشكراً على التنبية