استفسار بخصوص سيتروين ax &zx

[elkhashab]

سلام عليكم يا جماعه
معلش يا جماعه انا في طريقي لشراء اول عربيه في حياتي
المشكله اني مش عارف اختار نوع عربيه معينه و خصوصا اني هضطر اسيبها للمدام توصل بيها الولاد للمدرسه الصبح و لسه هعلمها فيها السواقه و تكون برده عربيه كويسه
المهم بعد البحث و التمحيص لاقيت ان السيتروين كعربيه بيقولو حلوه اوي و انا كان معايا من 15 الف لعشرين الف
و لاقيت ادامي عرضين عايز اعرف رأي اصحاب العربيه السيتروين فيهم

1- عربيه سيتروين ax موديل 94: تمنها 22 الف بس متهيألي ممكن تنزل و فيها تكييف و سنتر و ازاز كهربا و العربيه انا جربتها و كويسه جدا

2- عربيه سيتروين zx موديل 98 : تمنها كاش 24 و ممكن ادفع عشرين و اقسط خمسه علي خمس شهور , المشكله ان العربيه ده مرفوعه تمن سنين و طبعا الحاجات المرفوعه بتبقي عايزه اغير تقريبا الخاطيم بتاعتها ؟؟

مش عارف اخد قرار و كنت عايز اخد رأيكم اشتري انهي ؟؟ و لا رأيكم ابعد عنها خالص و اشتري حاجه تانيه و لا ايه ؟؟

ياريت اهل الخبره يساعدوني عشان انا محتاس جدا و كل شويه اسمع كلام , اللي يقولي لأ ماتشتريها قطع غيارها غاليه و قليله و اما تيجي تبيعها مش هتعرف و اللي يقولي بلاش عشان لو اتخبطت من المدام هتكع فيها كتير و اللي يقولي هيه احسن عربيه بالتمن ده و ناس تقولي هات 128 , و انا الصراحه ماعنديش وقت كل شويه اروح لميكانيكي عشان انا برجع من شغلي علي عشره و بنزل بدري علي شبعه

[tejani]

طبعا zx افضل بشرط الحالة

[aymangalal]

على فكرة العربية المرفوعة برضة فيها ميزة(على الرغم من تغيير القطع اللى باظت من الركنة) وهى انها مش مستهلكة كتير يعنى لو هى موديل 98 ومرفوعة 8 سنين يبقى تقريبا موديل 2006 وهى دى الميزة بجانب ان العداد هتلاقية ماعدش كتير
ولو عندك امكانية خد الZX طبعا لانها اوسع وعلى حد علمى تزيد عن الـ AX بالباور اللى فيها