الحقوني يا جدعان العربية معايا مكملتش 3 ايام و حصل كدا و مش عارف اتصررررررف :( :(

[zalantaheee]

السلام عليكم

يا ريت يا جماعة حد يفيدني افادة قاطعة.....انا جيب اوبل فيكترا اخر موديل 2000 ملحق 2001

2000 سي سي

فتيس اوتوماتيك

كانت زي الفل اول يومين

تالت يوم ظهرت خنقة في العربية عند سرعة ال 140

مش بتعديها يعتبر

رابع يوم بقا العربية بقت تبطل مني !!!!!!!!!!!

انا هاتجنن العربية انا عايز لما اقولها يلا تقولي يلا

مش موضوع اني بحب القرص و الحرق ع الموتور

بس كدا انا لو ماشي في وسط المدينة و الطريق اتفتح شوية يعني و دوست كيك داون او دوست يعني بنزين فجأة الغيار بيقرص و مبينقلش و غالبا بينقل لما بشيل رجلي من علي البنزين لأن قلبي مش بيطاوعني افضل حارق عليها بصراحة

انما ع الطريق بقا العربية مينفعش تكبسلها و الا هاتحس بدربكة و انها بتشاور نفسها انها تبطل و تدوسلها بنزين ع الفاضي فا تسيبها احسن تستعيد عافيتها و بعد كدا تكمل دوستك بحنية طبعاااااا

و لو كبست بنزين فجأة كمان بتحس ان العربية بتكلبش في الأرض او بتتخنق و تهدأ و تروح قايمة تاني و تكمل و انت و حظك دا لو مبطلتش منك

و كمان ممكن تفضل تقطعق و انت كابسلها البنزين

الكلام دا لسه موجود مع اني غيرت ليها امبارح فلتر هواء و بوجيهات و فلتر بنزين و قالولي ان منسوب الزيت في الفتيس كويس و شغال مش اللي يخيلها تعمل كداااا !!!

يا جدعان العربية مش عارف انام من كتر منا خايف يكون فيها حاجة بجدددددد

ارجو الافادة في اقرب وقت لو تفضلتم.....

[مهند سالم]

روح لمركز كاربيراتير ورشاشات كويس، وقول لهم على كل ده، وإن شاء الله خير

[geuvara_2010]

فعلا اكشف علي دوره الحريق ازا كانت كاربراتير او انجيكشن واتاكد علي كل حاجه بوجيهات و بوبنه و كده

[حسام البورسعيدى]

ممكن يكون من الرداخ ...

او فلتر البنزين او فلتر الهوا .. او مشكلة فى الرشاشات ...

للاسف اسباب الاعراض دى كتيرة ولازم تكشف عليها عن مختص ...

تحياتى ....

[najd]

يمكن من فلتر البنزين هوا حضرتك عملت صيانه لبها لما خدت العربيه ولا ايه ياباشا.؟