ستفسار بخصوص سحب الاونو

[mr wagdy]

يا جماعة لو سمحتم عندي سؤال بخصوص الاونو انا لسة شاريها قريب من حوالي شهرين ودي اول عربية اركبها وانا بتعلم فيها السواقة
والعربية الحمد للة حالتها كويسة جدا (ميكانيكي ثقة كشف عليها) هي مو 1993 وعدادها 95000 كيلو طبعا 999cc

عندي شوية استفسارات ....


اولا .... سحب العربية مش عاجبني يعني بتجيب ال100 وبعد كدة صعب انها تجيب 110 او 120 مع العلم اني بحطلها بنزين 80
(هى المفروض تاخد 80 ولا 90؟)
ثم هل هي كاربيراتير ولا انجيكشن انا قريت الكتالوج بس مااقدرتش اوصل بالظبط للنقطة دي وفي كلام كتير عن حاجة اسمها (single point injection)
ودى برضة بتتعمل في الاونو ابتداءا من موديل قبل 1993


ثانىا .....العربيية علي الطرق المكسرة بتتعب وبتتبهدل واللي راكب جوة كمان بيحس انة مش مستريح وخاصة لو مش مركب حد معاك...العربية بتبقي خفيففة والسؤال هو... كل الاونو كدة ولا العربية محتا جة اكشف علي العفشة؟
ولا انا اللي مابعرفش اسوق؟



ثالثا .....عندي تكييف متركب فريون علي البارد شغال بس الهوا مش بارد قوي والميكانيكي اللي كان معايا وانا بشتريها قاللي انة محتاج شحن اية رايكم اشحنة ولا تكييف الاونو غير مجدي ؟
بالنسبة لان العربية 1000cc

ياريت حد يرد علي وخاصة ان دي اول عربية لي واول مرة اشارك في المنتدي...
ولكم جزيل الشكر

[احمد على 1999]

مرحبا بك فى المنتدى
انا مش خبير اونو بس ان شاء الله الاخوة خبراء الاونو يردوا

المشاركة الأصلية كتبت بواسطة mr wagdy اولا .... سحب العربية مش عاجبني يعني بتجيب ال100 وبعد كدة صعب انها تجيب 110 او 120 مع العلم اني بحطلها بنزين 80 (هى المفروض تاخد 80 ولا 90؟)

بالنسبة للسحب فبيبقى فيه اسباب كتير بس طبعا مش البنزين هو السبب ممكن :

1. ظبط كاربيرتير و التاكد ان لما الدواسة تكون على الاخر يكون برضه بوابة الكاربيرتير مفتوحة على الاخر
2. فلتر الهواء
3. ضغط البنزين (طرمبة - مواسير و خراطيم - فلتر او فلاتر لو فيها اكتر من فلتر )
4. ظبط كهرباء العربية (بوجيهات - سلوك بوجيهات - موبينة - طقم كهرباء ....الخ)
5. ظبط تاكيهات

بالنسبة للبنزين لو حتحط 80 يبقى لازم الميكلنيكى ياخر كهرباء المتور علشان ميسقفش

[/QUOTE]
ثم هل هي كاربيراتير ولا انجيكشن انا قريت الكتالوج بس مااقدرتش اوصل بالظبط للنقطة دي وفي كلام كتير عن حاجة اسمها (single point injection)
ودى برضة بتتعمل في الاونو ابتداءا من موديل قبل 1993[/QUOTE]

هى غالبا كاربيرتير لان الى فهمته من (single point injection) ان الحقن حيكون من نقطة واحدة يعنى جوه الكاربيرتير يعنى اكيد مفيهاش رشاشات مستقلة لكل سيلندر هو رشاش واحد جوة الكاربيرتير

[/QUOTE] ثانىا .....العربيية علي الطرق المكسرة بتتعب وبتتبهدل واللي راكب جوة كمان بيحس انة مش مستريح وخاصة لو مش مركب حد معاك...العربية بتبقي خفيففة والسؤال هو... كل الاونو كدة ولا العربية محتا جة اكشف علي العفشة؟
ولا انا اللي مابعرفش اسوق؟ [/QUOTE]

مش حتخسرحاجة اكشف على العفشة بس عامة معظم العربيات مبتريحش فى الطرق المكسرة

[/QUOTE] ثالثا .....عندي تكييف متركب فريون علي البارد شغال بس الهوا مش بارد قوي والميكانيكي اللي كان معايا وانا بشتريها قاللي انة محتاج شحن اية رايكم اشحنة ولا تكييف الاونو غير مجدي ؟
بالنسبة لان العربية 1000cc
[/QUOTE]

جرب اشحنه و شوف مجدى و لا لأ عن نفسى شايف ان 1000 cc كويس لان العربية خفيفة

[فادى]

بخصوص السحب أضيف الى استاذ احمد على بص على اسطوانة الدبرياج,
من مظاهر تلف اسطوانة الدبرياج:
- رجة عند الانطلاق بالسيارة خاصة لو كانت ساخنة.
- فقدان العزم فى المرتفعات الطويلة.
- رزعة عند تبديل السرعات و ترك الدبرياج.

الاونو بيتحطلها 92 او 90 بلاش ال80.

الsingle point injection مختلف عن الكاربيراتير, هو نظام حقن الكترونى لكن برشاش واحد,
حيث تقوم وحدة تحكم مركزية بالتحكم فى نسبة الوقود/الهواء مثل الحقن الاكترونى متعدد النقاط بالضبط, لكن الفرق الوحيد و النقطة السلببية الوحيدة فيه هو أنه لا يضمن توزيع متساوى للوقود على كل الاسطوانات.
الحقن احادى النقطة يخدع الكثيرين و يعتقدون انه كاربيراتير, نظرا لأن شكل ال"عمة" فيه متشابه مع عمة الكاربيراتير, لكنه لا يمت الى الكاربيراتير بصلة.

بخصوص التكييف فيجب العناية بصيانتة,
مبدئيا نضف السربنتينة (فى اى بنزينة) و غير فلتر التكييف (لو كان هناك فلتر) و اذا لم يتحسن الاداء اشحن فريون.

[احمد على 1999]

الله ينور يا استاذ فادى

[محمد فيصل]

استاذ فادى ذكر كل شىء
اتبع الخطوات التى ذكرها ثم احكى لنا عن النتيجة