هيونداى ماتريكس ولا سوزوكى فيتارا؟

[احمد بدر1978]

اية رايكم هيونداى ماتريكس ولا سوزوكى فيتارا؟؟؟؟؟؟؟؟؟؟

[Abu_mazen]

الاستاذ الفاضل احمد بدر أنا من أحد ملاك الهيونداى ماتركس أقدر أقول لحضرتك رأى فيها بصراحة أولا الماتركس اللى معايا موديل 2006 كورى اتوماتيك وبمنتهى الصراحة فهى عربية عائلية صالون واسع جداُ يعنى تقدر تمدد رجلك فيها وانت مستريح فيها أوبشنز اللى ممكن تحتاجة زى زجاج كهرباء +مرايات كهرباء+سنتر لوك + قفل مركزى للابواب+حوامل اكواب كتيير +تكييف معقول جداً+ تتحمل السفر لمسافات طويلة + موتور 1600سي سي ، وكمان حاجة مهمة أوى زي الصيانة وقطع الغيار متوفرة جداُ وكمان سعرها مناسب ومعقول، أما بالنسبة لموضوع اللى الناس بتقول ان الاوتوماتيك بتاعها مش أد كده والتسارع بطىء ومادرى ايه هو يعنى المفروض أجيب من صفر الى 100 فى 3 ثواني ، طيب ايه رأى حضرتك أن أخى هو يمتلك كورورلا 2006 معجب جداً بعربيتى وبيقول أن تجميعها كويس ومعقول مش زاى ما الناس بتقول انها بطىء وسحب زى الزفت ، أنا عن نفسي معجب بيها جداً وبحبها ومش ناوى أغيرها الا بماتركس برضه لما ينزل الشكل الجديد ، وللعلم أنا كنت بعمل فى السعودية لفترة كبيرة وركبت هناك أحدث العربيات وسوقت الاكورد والكامرى، والمكسيما والكابرس والجمس وانواع كتيرة ماعدا الفيتارا بصراحة، وشايف ان الماتركس مناسبة للعائلتك ، بس أكيد الفيتارا برضه عربية جامدة واكيد صيانة وقطع غيار جامدة برضة ولا ايه ؟

ولك مني خالـــص التقديــر والاحتــرام

[احمد بدر1978]

المشاركة الأصلية كتبت بواسطة Abu_mazen الاستاذ الفاضل احمد بدر أنا من أحد ملاك الهيونداى ماتركس أقدر أقول لحضرتك رأى فيها بصراحة أولا الماتركس اللى معايا موديل 2006 كورى اتوماتيك وبمنتهى الصراحة فهى عربية عائلية صالون واسع جداُ يعنى تقدر تمدد رجلك فيها وانت مستريح فيها أوبشنز اللى ممكن تحتاجة زى زجاج كهرباء +مرايات كهرباء+سنتر لوك + قفل مركزى للابواب+حوامل اكواب كتيير +تكييف معقول جداً+ تتحمل السفر لمسافات طويلة + موتور 1600سي سي ، وكمان حاجة مهمة أوى زي الصيانة وقطع الغيار متوفرة جداُ وكمان سعرها مناسب ومعقول، أما بالنسبة لموضوع اللى الناس بتقول ان الاوتوماتيك بتاعها مش أد كده والتسارع بطىء ومادرى ايه هو يعنى المفروض أجيب من صفر الى 100 فى 3 ثواني ، طيب ايه رأى حضرتك أن أخى هو يمتلك كورورلا 2006 معجب جداً بعربيتى وبيقول أن تجميعها كويس ومعقول مش زاى ما الناس بتقول انها بطىء وسحب زى الزفت ، أنا عن نفسي معجب بيها جداً وبحبها ومش ناوى أغيرها الا بماتركس برضه لما ينزل الشكل الجديد ، وللعلم أنا كنت بعمل فى السعودية لفترة كبيرة وركبت هناك أحدث العربيات وسوقت الاكورد والكامرى، والمكسيما والكابرس والجمس وانواع كتيرة ماعدا الفيتارا بصراحة، وشايف ان الماتركس مناسبة للعائلتك ، بس أكيد الفيتارا برضه عربية جامدة واكيد صيانة وقطع غيار جامدة برضة ولا ايه ؟ ولك مني خالـــص التقديــر والاحتــرام

اشكرك على الرد الوافى وانا مش من هوات السرعة العالية

[بدر بسيونى]

ابو حميد انت عاوز فيتارا استعمال ولا جديد والماتريكس ايه وضعها كمان فهمنا واشترى بقى وريحنا عشان انا قربت اشتريهالك واريحك واريح نفسى لا ياعم احمد بهذر طبعا

[احمد بدر1978]

المشاركة الأصلية كتبت بواسطة بدر بسيونى ابو حميد انت عاوز فيتارا استعمال ولا جديد والماتريكس ايه وضعها كمان فهمنا واشترى بقى وريحنا عشان انا قربت اشتريهالك واريحك واريح نفسى لا ياعم احمد بهذر طبعا

تقريبا استعمال لان خلاص اللى معايا بقوا 55000 فا مقداميش غير كدة لانى بعد كدة ممكن اشترى توكتوك