#1
|
|||
|
|||
ميتسوبيشى كريستالة 99
السلام عليكم ورحمة الله وبركاتة
قدامى عربية ميتسوبيشى كريستالة موديل 99 و1300 سىسى مانيول دلوقتى المفروض هاقابل البايع ومعايا ميكانيكى ونكشف عالعربية السؤال اركز على اية فى العربية وانا بفحصها ؟وهل اكتفى بالميكانيكى ولا اخد العربية التوكيل ؟وسعر العربية هيبقى حوالى كام تقريبا؟ جزاكم الله خيرا |
#2
|
||||
|
||||
رد: ميتسوبيشى كريستالة 99
بص ياباش اهم حاجة ترفع العربية وتتأكد ان العربية مش واخدة خبطة ومفيهاش تلحيم في الشاسية وتمشي ايدك على كل القوايم ميكونش في قايم معووج ( لو في حاجة حتحسها بأيديك ) وياريت لو العربية تكون فبريكة بالكامل .
بعد كدا تبص على العفشة والمساعدين والموتور وتقيس كبس الموتور في البنزينة ( لان كل دي حاجات انتا هتصرفها بعد كدا فتبقى عارف هتصرف في حدود كام ). بعد كدا تركب جوة وتتأكد ان كل الكماليات شغالة ( وأهم حاجة التكييف يعني ممكن يقولك دا محتاج شحن بس وبعد كدا تلاقية محتاج كمبروسور ولا سربنتينة وتخش في ارقام كبيرة ). بعد كدا باقي الكماليات زي الازاز الكهربة ( لو فيها ) والمرايات الكهربا تجربهم كلهم وتخالي الميكانيكي يسوقها او انتا تسوقها بنفسك وتتأكد ان كل العدادات شغالة وتسمع لو في صوت من العفشة او في صوت عالي من المكنة. والسعر انا مش عارف قوي بس متهيألي في حدود من ( 43.000 الي 48.000 ) حسب الحالة. بص ياباشا انا دا على حد علمي ولو في اي اضافة من اي عضو انشاء الله هيضفها والناس الي هنا كلهم زي الفل. وانشاء الله تبقى زي الفل وطمنا انشاء الله عملت اية .
__________________
الحمد لله والشكر لله.
|
#3
|
رد: ميتسوبيشى كريستالة 99
اهم حاجه تشوف سدر العربيه و لازم يكون مش مرشوش او واخد خبطه و مستعدل
لان سدر اللانسر بالذات قوي جدا و اي خبطه بتأثر فيه و محدش بيعرف يرجعه لاصله تاني و الباقي زي ما ميمو قال بالضبط. و عموما الانسر بالذات بتعرفها من جوانبها لان فيها شغل كتير و سوك فأي خبطه في الجوانب او استعدال بيبان فيها علي طول
__________________
حـازم خـضـر
|
#4
|
|||
|
|||
رد: ميتسوبيشى كريستالة 99
انا لسة شاريها من حوالى 3 اسابيع مانوال (تكيف وبور وسنتر مواصفات خليجى) من واحد زميلى فى الشغل وكانت معاة أول يد وبصراحة لا رفعتها ولا حاجة انا خد كلامة ثقة بس طبعا بصيت عليها عادى ياعنى
الراجل كان صريح معايا هى رشة اجزاء من برة (أى عربية بقالها 11 تقريبا لازم تترش من برة مش ممكن ما تكنش اتخبطت) بس الاساسيات سليمة والسقف والحوض والموتور حالتة كويسة بشهادة اللى شافوها (رغم ان العربية عاملة 350 الف ك) عموما انا ارتحتلها وارتحت من القرف اللى كنت بشوفة فى سوق الجمعة اللى نصة تجار والنص التانى سماسرة انا أخدها ب 46 الف والراجل غيرلى الكاوتشات والبطارية والفلاتر والسيور وروقهالى بصراحة وحلف لى انة صارف عليها 3500 عموما كان يهمنى فى المقام الاول انت اشتريها اول يد ومن واحد ثقة وربنا يبارك لك فيها |
#5
|
رد: ميتسوبيشى كريستالة 99
ربنا يبارك لك يا استاذ حسين و يديك خيرها و يحميك من شرها
__________________
حـازم خـضـر
|
|
|