فيات البرجوازية

[luckyman]

يا ترى يا جماعة فاكرين فيات ريجاتا خليفة فيات 131 لكن بمفهوم السيارات العصرية الحديثة الخفيفة وبدفع امامى انتجت فى الفترة بين 1983 حتى 1990 عالميا مش عارف اتوقف انتاجها فى مصر لانى فى الفترة دى كنت خارج مصر لكن بدا انتاجها بالتوازى مع الانتاج الايطالى فى مصانع شركة النصر طبعا انا كنت منبهر فى 1984 اول ما شفتها وكانت اول مرة لى فى ليبيا بالنسبة لشكل العربيات اليابانى فى وقتها كانت متقدمة جدا وشيك وتعتبر بداية سيرات فيات الهادية فى التشغيل وكانت بالنسبة لوقتها المحرك بينتج طاقة حصانية جيدة جدا لدرجة كان بكتب جنب اسمها فيات ريجاتا 85 نسبة الى القوة الحصانية المستخرجة من المحرك اظن كان محرك 1500 او 1600 مش فاكر لكن كانت طاقة ممتازة وكانت من اول السيارات اللى بتستخدم اسلوب عمودين كامة فى وقت كان المنتشر العمود المفرد ومدفون فى بلوك الاسطوانات كانت بعمود او عمودين على وش السلندر ودة اللى بيفسر النقله النوعية فيها وفى فيات اونو فى الفترة دى وخلى صوت مواتير الفيات هادى زى اليابانى طبعا الفيات الاونو نازله من 1984 و83 كمان واحنا كان معانا واحدة ايامها لكن مكنتش معروفة فى مصر ولما نزلنا بها مصر جمرك نوبيع سنة 1987 قالوا انها فى الجمرك انا فاكر ريجاتا هاتش باك لكن بعد كدة اتعرفت الاونو فى مصر فى فترة التسعنيات وكانت مش ايطالى زى اللى معانا واللى يركز فى الاونو كان شكلها كدة من 1984 بالزجاج الامامى الكبير المايل بالطريقة دى يعرف ان فيات كانت الرائدة فى الشكل دة وكان سابقة وقتها مش اقل من 15 سنة بفئة الهاتش باك وكانت ممكن تنافس الجولف بشدة لكن بحجمها الصغير كان سبب انها تكون فى الفئة الاقل معلش انا كنت بتكلم عن الريجاتا ودخلت فى الاونو لكن اتذكرتها لاننا كنا بنملك واحدة واكتسحت العالم كله الاونو والريجاتا لدرجة انها اخدت افضل عربية فى اوروبا سنة 1984 ومرسيدس انا فاكر اشترت نماذج طلعت الاخبار علشان تدرسها لانها قررت تدخل سوق السيارات الصغيرة فئة الاونو وفعلا بدات فى التسعينات المشروع لكن بمقايس عصر اخر وكانت فى الفترة دى كانت مجموعة فيات اكبر واغنى مجموعة فى العالم زى تويوتا الان كانت بتمتلك فيرارى ولانسيا والفاروميو واتوبيانيكى وايفيكو وعامله انتاج مشترك مع الساب السويدية

[كيان]

اشكرك جدا على المعلومات القيمة

[كيان]

luckyman فقط اريد منك ان تعرض فى هذه الصفحة كل اسعار قطع الغيار الخاصة بالريجاتا واكون شاكر لك الطابلون والعدادات والكوتش وكل قطع الغيار وشكرا

[bmkbmk]

تسلم ايدك يا باشا ... تقرير رائع و معلومات ممتازة و فكرتنا بالذى مضى

[hazem_khidr]

اعجوبه الثمانينات
عربيه تحفه ولا اروع من كده
و كان فيها كمبيوتر اعطال مش موجود في اي عربيه من عربيات جيلها
حتي انا افتكر ان صور المجلات وقتها كانوا دايما بيحطوا صوره التابلوه بتاع الريجاتا او الريتمو السوبر
كانت بموتور 1300 70 و 75 حصان
و موتور 1500 85 حصان
و متوتور 1600 100 و 110 حصان عمود كامه و عمودين
عربيه ممتازه فعلا
شكرا لاكي باشا