هل زيادة زيت الماتور مضرة؟

[أشرف الشفقى]

قمت بعمل صيانة ال 1000 كم الأولى لسيارتى الجديدة الهيونداى i10 والحمد لله ولكن كلما قمت بالكشف على زيت الماتور وجدت أنه فوق علامة ال max وليس بين علامة ال max وعلامة ال min كما يجب أن يكون! قمت بعمل الكشف عدة مرات وكانت السيارة راكنة فى أوضاع مختلفة يعنى الحكاية مش حكاية شارع مايل ولا حاجة.

طب السؤال: هل وضع زيت ماتور أعلى من علامة ال max ده مضر للسيارة ولا مافيش مشاكل يعنى؟

أنا دلوقتى عملت حوالى 3000 كم عاوز أعرف لو الزيادة فى الزيت ده بتعمل مشاكل ولا لا.

محتاج حد خبرة يرد علية.

[فادى]

زيادة زيت الموتور عن الماكس مضر طبعا للغاية,
- ممكن يتسبب فى انفجار الاولسيهات لزيادة الضغط عليها.
- يتسبب فى التحميل على مضخة الزيت, و تزيد كذلك كمية الزيت التى تمر فى الsafety valve بتاع الفلتر, معنى ذلك ان نسبة كبيرة من الزيت التى تصل للمحرك تمر بدون فلترة, و تدخل الشوائب على المحرك و يقل عمره الافتراضى.
- فى حالة الزيادة الكبيرة, مستوى الزيت قد يلامس عمود الكرنك, ساعتها بيقوم عمود الكرنك برجرجة الزيت بالضبط زى مضرب البيض, و يتسبب ذلك بعمل رغاوى فى الزيت, و يعجز عن القيام بوظيفته.
الحل بسيط, ممكن تعمله بنفسك, فك الفلتر قليلا و نزل شوية زيت, ثم قيس الزيت مرة اخرى, لو نقص زود كمية بسيطة و قيس تانى لحد ما تضبط الزيت على الماكس او قبله بقليل.
الأفضل اذهب لأى محطة بنزين خليهم يفضولك شوية زيت.
ملاحظة فى حالة الزيادة البسيطة عن الماكس لا ضرر كبير.

[ابو يمني]

طبعا مضرة وابسط حاجة ممكن يعملها انك هتلاقي زيت معرق حول غطاء الماكينة اللي بتحط الزيت منة ودة عبارة عن تبخير الزيت الزيادة وطبعا الزيت المعرق دة بيسخن درجة حرارة الماكينة لانة بيعمل عازل بس عموما احنا في الشتاء فالموضوع مش مؤذي اوي لكن لو في الصيف طبعا غلط جدا وبعدين غير زيت بعد كدة في بنزينة كبيرة ويكون فيها حد بيفهم وانت لازم تعرف هو حط زيت اد اية ومظبوط ولا اية وركب مقاس الزيت ولا نسي لان محدش هيهتم بعربيتك زيك

[أشرف الشفقى]

ألله يطمنكم. إلى عايظنى موت إن تغيير الزيت تم فى صيانة هيودناى الموجودة فى قليوب، يعنى الأصل، شئ عجيب إن يعملوا الموضوع غلط كدة. حاجة تغييييييظ فعلاً.

شجراً جداً على إيجابتكم المفيدة، كدة أنا اتنورت.

[احمد الحميري]

مشكوريين شباب علي الافادة

تحياتي لكم