عيد ملاد د. بولبولان --- كل سنه وإنت طيب يادكتور

[ahmed_kamel]

أغنية ضحك ولعب
^^^^^
أرجو فتح الرابط السابق بصفحه مستقله لسماع الأغنيه وأنتم تشاهدون الموضوع

كل سنه وإنت طيب يادكتور ...!!

حازم شاهين .. سومو .. شريف .. غني عن التعريف (د. بولبولان) وعريس المقابله .. أحمد كار .. أيمن عبد الرازق

والجنديان المجهولان : صلاح عبدالنبي .. و أحمد كامل

(معلش ياجماعه أصل كنا على الكنبه إللي طلع منها الصوره إللي فاتت حتشوفونا في صور جايه حالاً)
ptmnlo123per122

تم الإتفاق على المقابله للإحتفال بعيد ميلاد دكتور بولبولان ...... (من وراه كده وكده)

وكانت الفكره والتنسيق والإتصالات من قبل صلاح


بدأت المقابله بحضور سومو وصلاح أولا
ثم أتى الدكتور

ومالبث أن أتيت (أحمد كامل)
ثم أتى أحمد كار
ثم أيمن بوند
ثم حازم شاهين
وشريف



مش عارف ليه كار باين في الصوره بيبص شزرا لأيمن بوند وناويله على حاجه من أول القعده !!!!! (يمكن عشان أيمن ماعندوش كرش)





معلش صورتهم مره تاني عشان ليهم نوادر مع بعض المره ديه ولازم نهدي النفوس




دكتور: عبدالسلام (بولبولان) ..... عريس الليله ....بس واضح إنه بيفكر في محصول الموز حيفرقه على مين السنه ديه



حازم شاهين ... سومو .... شريف ......................( سومو لايفكر في شيء سوى التورته !!!!)




الجنديين المجهولين.... صلاح عبدالنبي ....و ....أحمد كامل (فاكرينهم إللي قولنا عليهم في أول الموضوع ولا نسيتوهم )





معلش صورتي تاني بس مع حازم شاهين .... بس من خلال شاشة الفوركس


قعدنا نتكلم ونرغي في ستمائة حاجه وعن الكروش التي ظهرت وكيفية التخلص منها (قعده عشان الريجيم)

حزب الموز

ولقد رأينا السيراتو بس بدون أي تجربة قياده عشان إللي شوفناه من أحمد كار المره إللي فاتت خوفتنا من أي زحلقه غير متوقعه من قشرة موز

وإعتذر عن الحضور ..كل من
سامح رمزي الذي قابلته ظروف خارجه عن التوقعات ولا يستطيع الحضور وإعتذر لنا فردا فردا عن طريق الهاتف .. (مش غريبه عليك ياسامح ... حاول موزه أخرى)
وأبو نورا لملازمته الفراش كالمعتاد (أنا والإنفلونزا وهواك ... برنامج أسبوعي يقدمه لكم أبو نورا تحت إشراف منظمة الموز الدوليه)

أكلنا وشربنا كذا مره وما أن ذهب كار للحديث عبر الهاتف بالخارج ثم عاد وكانت الفاجعه
سقوط أيمن بوند جوه فنجان الشاي - أقصد - الشاي الذي طلبه أيمن عشان يحبس علىه وإنكسار الكوبايه وكانت غرقه زده كله بسبب حادث أليم تسبب به أحمد كار لدى أول ملف لولبي حب ياخده بالهاند بريك ولكن كان طرف الأكصدام سببا في سقوط الفنجان الممتليء بالشاي ليجد بنطلون أيمن بوند ملاذا له



وتسبب ذلك في بوظان المسدس الخاص بأيمن بوند الذي كان سيدخل به معركه مع شباب مساكن شيراتون ... ولكن تلك هي مشيئة الله لكي تحتقن الدماء ولاتسيل أمام أعيننا ....
وقام أيمن بوند بمعالجة الموقف وحدثت مشاده بالمسدسات بينهما عند عودة بوند في كامل أناقته كالمعتاد
الفرصان VS بوند (إيلمو .... مؤقتاً)

ومالبث أن إبتسموا سريعا وأشعل بوند كثيرا من السجائر التي غيمت على المكان

وخد صوره مع الجندي المجهول ...... شايفين سحاية الدخان إللي عاملها بوند







وبعد قليل حضر أحمد (شوارزنجر - إبن الدكتور بولبولان)





ثم بدأت الإحتفالات وأضيئت الشموع وبدأ الجميع في الغناء (والتفكير في أنهي حتة تورته حتكون من نصيبه)



صور بالعبيط للتورته عشان تفتكروا اللحظه الحلوه ديه (طبعا أقصد الإحتفال مش التورته ... إقتراب التورته من معدتك ياسومو كان لها أثر السحر على طبيعتك المدهشه)










ثم أكلنا التورته وشربنا وهيصنا وفضلنا قاعدين لحد الساعه الحاديه عشر والنصف وكان الدكتور بينام مننا من الساعه 10 بس هيهات كنا مصرين إننا نفضي البطاريه على الآخر عشان يعرف ينام كويس (خاصة إنها كانت ليله مفترجه - خميس-)



شايفين الدكتور نايم تماما بس بيفضي الشحن مع سومو عشان يروح ينام طوالي



حازم شاهين مع أيمن بوند في لقطه تذكاريه .... (مش عارف أعلق عليها ... عايز ألحق صلاة الجمعه)



وخرجنا كلنا وودعنا بعضنا وخدنا بصه على عربية الدكتور الجديده (سيراتو SX) 2010


أخيرا أحب أن أحيي
حازم شاهين الذي حضر من بورسعيد خصيصا لحضور عيد الميلاد ... وأحيي أخلاقه الدمثه ورزانته وهدوئه وبشاشة إبتسامته الموجوده على وجهه بإستمرار (وربنا يديمها عليه على طول)

بالإضافه لكل من شريف باشا وسومو بيه وكار وصلحمنتيشي و بوند حبيبي
وشوارزنجر لتشريفه لنا

كل الشكر أيضا لأبريق الشاي

[Dr. Bolbolan]

المشاركة الأصلية كتبت بواسطة ahmed_kamel مش عارف ليه كار باين في الصوره بيبص شزرا لأيمن بوند وناويله على حاجه من أول القعده !!!!! (يمكن عشان أيمن ماعندوش كرش) هوه أحمدكار ماكانش بيبص شذرآ لآيمن بوند انما كان بيفكر ح يعمله ايه مقابل التريقه اللى أيمن بوند نازل بيها عليه ! و بعد شويه قام أحمد كار قالب كوباية الشاى السخنه الملهلبه فى حجر أيمن بوند علشان يموته ولكن يبدو ان أيمن كان مزاجه رايق و عفا عن أحمد كار و لم يغتاله بحركه جيمس بونديه ! معلش صورتهم مره تاني عشان ليهم نوادر مع بعض المره ديه ولازم نهدي النفوس طبعآ كلنا كنا بنحاول نهدى النفوس ولكن أيمن بوند كان هادى خلقه كده رغم ان دى مش عادته و أحمد كار قعد جنبه يبتسم فى براءة الحمل الوديع ! دكتور: عبدالسلام (بولبولان) ..... عريس الليله ....بس واضح إنه بيفكر في محصول الموز حيفرقه على مين السنه ديه عريس مين ياعم ! دانا " 3ي " يعنى " يا دوب يقدر يكح " ! وطبعآ ذقنى غير حليقه لانشغالى طول اليوم فى مشاوير و شعرى منكوش من الناحيه الشمال لآنى كنت فاتح زجاج السياره و طاير على 90 فى صلاح سالم لآلحق المقابله ! أما محصول الموز فهو مشكله فعلآ ! لآن حصل عليه هجوم كبير من بعض الناس و تم استخدامه بالكامل و لم يبقى منه ولا موزه واحده ! حازم شاهين ... سومو .... شريف ......................( سومو لايفكر في شيء سوى التورته !!!!) فعلا سومو كان قاعد يخطط فى كيفية الحصول على باقى الكعكه الشهيه وكان قاعد يحكى لنا حكايات مغامراته فى استخدام النبوت ولا " عاشور الناجى " وعامل ارهاب للقعده ! ولكن يبدو أن عمال الكافيه حلقوا لنا كلنا و أكلوا باقى التورته اللى هيه نصيب من لم يحضروا لظروفهم الخاصه ! و خرج سومو مبتسمآ وواضعآ يديه فى جيوبه ! و بدون نبوت ولا كتكوت ! الجنديين المجهولين.... صلاح عبدالنبي ....و ....أحمد كامل (فاكرينهم إللي قولنا عليهم في أول الموضوع ولا نسيتوهم ) مين قال عليهم مجهولين ؟؟ دول أجدع ناس و معروفين كمان بالشهامه و الجدعنه و ربنا يخليكو لى و لبعض و للمنتدى ! معلش صورتي تاني بس مع حازم شاهين .... بس من خلال شاشة الفوركس شرفنا حضور الآخ حازم شاهين و هو رجل محترم وأخلاق عاليه وصاحب رزانه محببه و تواضع و أدب جم ! قعدنا نتكلم ونرغي في ستمائة حاجه وعن الكروش التي ظهرت وكيفية التخلص منها (قعده عشان الريجيم) فرض موضوع الكرش المفترس نفسه على الموضوع ! و الوحيد الذى تخلص من الكرش هو العزيز / أحمد كار أو القرصان أو أخيرآ " أحمد فوريكس " ! حزب الموز ولقد رأينا السيراتو بس بدون أي تجربة قياده عشان إللي شوفناه من أحمد كار المره إللي فاتت خوفتنا من أي زحلقه غير متوقعه من قشرة موز قولوا انكم كنتم خايفين من أحمد شواريزنجر لما لقيتوه جالس فى مكان القياده و ممسكآ الدركسيون بقبضه من حديد ! وإعتذر عن الحضور ..كل من سامح رمزي الذي قابلته ظروف خارجه عن التوقعات ولا يستطيع الحضور وإعتذر لنا فردا فردا عن طريق الهاتف .. (مش غريبه عليك ياسامح ... حاول موزه أخرى) دايمآ سامح بيعتذر فى آخر لحظه و دايمآ يوم الخميس و دايمآ عنده اجتماع عمل و مشغول على طول ! يبدو ان البليه لعبت معاه و ح يغير الماتريكس الى فيرارى ! وأبو نورا لملازمته الفراش كالمعتاد (أنا والإنفلونزا وهواك ... برنامج أسبوعي يقدمه لكم أبو نورا تحت إشراف منظمة الموز الدوليه) واضح ان أبو نورا لا يستخدم العلاج بالموز فهو ممتاز فى تنزيل الحراره ! و ألف سلامه عليك يا أبو نورا وصدقنى الطب الشعبى ما فيش أحسن منه ! أكلنا وشربنا كذا مره وما أن ذهب كار للحديث عبر الهاتف بالخارج ثم عاد وكانت الفاجعه سقوط أيمن بوند جوه فنجان الشاي - أقصد - الشاي الذي طلبه أيمن عشان يحبس علىه وإنكسار الكوبايه وكانت غرقه زده كله بسبب حادث أليم تسبب به أحمد كار لدى أول ملف لولبي حب ياخده بالهاند بريك ولكن كان طرف الأكصدام سببا في سقوط الفنجان الممتليء بالشاي ليجد بنطلون أيمن بوند ملاذا له هوه البنطلون بس اللى غرق بالشاى !؟؟ وتسبب ذلك في بوظان المسدس الخاص بأيمن بوند الذي كان سيدخل به معركه مع شباب مساكن شيراتون ... ولكن تلك هي مشيئة الله لكي تحتقن الدماء ولاتسيل أمام أعيننا .... هاهاها لآ أوت دى يا عم أحمد يا كامل ! اللى ما تعرفوش ان المسدس كان بايظ من زمان ! علشان كده بوند كان هادى و لم يقتل أحمد كار ! وقام أيمن بوند بمعالجة الموقف وحدثت مشاده بالمسدسات بينهما عند عودة بوند في كامل أناقته كالمعتاد الفرصان VS بوند (إيلمو .... مؤقتاً) برده دى كانت حركه أمريكانى ! و مشاده محسوبه لحفظ المقامات فقط !! ومالبث أن إبتسموا سريعا وأشعل بوند كثيرا من السجائر التي غيمت على المكان وخد صوره مع الجندي المجهول ...... شايفين سحاية الدخان إللي عاملها بوند لو أخدتم بالكم تجد سحابة الدخان طالعه من نافوخ أيمن بوند و ليست من فمه ! وبعد قليل حضر أحمد (شوارزنجر - إبن الدكتور بولبولان) أصل أحمد مركب لى جهاز تتبع ! و بيعرف يجيبنى من تحت الآرض ! ثم بدأت الإحتفالات وأضيئت الشموع وبدأ الجميع في الغناء (والتفكير في أنهي حتة تورته حتكون من نصيبه) صور بالعبيط للتورته عشان تفتكروا اللحظه الحلوه ديه (طبعا أقصد الإحتفال مش التورته ... إقتراب التورته من معدتك ياسومو كان لها أثر السحر على طبيعتك المدهشه) بالعكس سومو كان بيفكر فى علوش أوزى ! ثم أكلنا التورته وشربنا وهيصنا وفضلنا قاعدين لحد الساعه الحاديه عشر والنصف وكان الدكتور بينام مننا من الساعه 10 بس هيهات كنا مصرين إننا نفضي البطاريه على الآخر عشان يعرف ينام كويس (خاصة إنها كانت ليله مفترجه - خميس فعلا كانت ليله مفترجه ! أول مره أنام بهدومى لحد الصبح الساعه 9 صباحآ ! يا ناس يا ... بطلوا قر ! شايفين الدكتور نايم تماما بس بيفضي الشحن مع سومو عشان يروح ينام طوالي حصـــل حازم شاهين مع أيمن بوند في لقطه تذكاريه .... (مش عارف أعلق عليها ... عايز ألحق صلاة الجمعه) بدون تعليق ! وخرجنا كلنا وودعنا بعضنا وخدنا بصه على عربية الدكتور الجديده (سيراتو SX) 2010 يارب تكون عجبتكم ! أخيرا أحب أن أحيي حازم شاهين الذي حضر من بورسعيد خصيصا لحضور عيد الميلاد ... وأحيي أخلاقه الدمثه ورزانته وهدوئه وبشاشة إبتسامته الموجوده على وجهه بإستمرار (وربنا يديمها عليه على طول) يارب ! بالإضافه لكل من شريف باشا وسومو بيه وكار وصلحمنتيشي و بوند حبيبي وشوارزنجر لتشريفه لنا كل الشكر أيضا لأبريق الشاي الشـكر لله ثم لك و لصلاح الحلمنتيشى اللى زيه مافيشى !

Dr. Bolbolan ptmnlo123per122:260309~14 6:

[SuMo]

كل سنه و انت طيب يا دكتره و تروح و ترجع بالسلامه بس انتو نسيتو مغامرتى مع الكمين

[salahabdelnabi]

كل سنة وحضرتك بخير وصحة وسعادة يا دكتورنا ياجميل

ودى اقل حاجة نقدر نعملها ونقدمها عرفانا منا جميعا وتقديرا لحضرتك وغلاوتك عندنا

والله كانت مقابلة فى منتهى الروعة وخصوصا انى اتشرفت بمقابلة حازم باشا شاهين اللى من زمان نفسى اتعرف عليه واتشرف بمقابلته ptmnlo123per154

اما الحاج سومو فكان مشغول بالتورتة فعلا والربع اللى اتبقى منها فى الاخر

وشريف باشا شاكر اللى كل مرة بيتحفنا بكلامه الرائع عن العربيات والتعديلات ptmnlo123per112

اما مربع الهلاك الشهير بجروب مصر موز فحدث ولا حرج

وخصوصا فى موضوع فيلم الموسم وكل المواسم " عودة الكرش المفترس ........ عاد لينتقم "

وياسلام على الحركات البوندية من بوند باشا وكلامه اللى خلانا كلنا نشتكى من القرحة والحموضة والقولون العصبى ptmnlo123per1106

واخيرا احمد شوارزنجر بخفة دمه وحضوره الجميل اللى بيضيف جو من البهجة على اى مقابلة يحضرها وينورها ptmnlo123per171

وللعلم دى اخر مرة هاقعد جنب سومو فى مكان لان مش معقولة كل مرة لازم يكسر كوباية ويدلق المية اللى فيها

والمرة دى اتدلقت المية على بنطلونى بس ربنا ستر مش زاى بوند وكمان كان قبل ما اى حد يجى

اما سامح باشا ....... ليه حساب تانى عندى خالص ....... هاطب عليه فى اكتوبر وادبسه فى عشوة محترمة

عشان مايبقاش يعتذر عن الحضور بعد كده

وسيادة العميد اركان حرب المنتدى احمد باشا انور مقدرش يجى لظروف مرضه ربنا يشفيه يارب

اما اللورد الكبير ابو نورا انا كنت خايف اتعدى منه لان الكلام كان طالع منه بيترعش من تحت البطانية....الف سلامة ياكبير

وسامحونى اذا كنت مشيت قبلكو بنص ساعة بس كانت ستاير عينى نزلت ومش شايف قدامى

لدرجة انى مش عارف انا وصلت البيت ازاى

كل اللى انا فاكره انى ركبت العربية ودورت .......... لاقيت نفسى عند البيت ptmnlo123per1106
ودايما يارب متجمعين على خير

وكل سنة وحضرتك طيب يا دكتور وعقبال 100 سنة

[waelfarid]

كل سنة وحضرتك طيب يا دكتور وعقبال كل مرة سعيدة والعربية ربنا يعطيكم خيرها ويكفيكم شرها قادر ياكريم