كيفية التصرف فى المواقف الحرجة أثناء القيادة

[bmkbmk]

السلام عليكم اعزائى اعضاء المنتدى
بما اننا داخلين على فصل الشتاء كل سنة و انت طيبين فكرت اعمل موضوع مجمع عن القيادة اثناء المواقف الحرجة و ما هو التصرف الصحيح اثناء هذه المواقف
و بما ان معظم عربياتنا فى مصر تفتقر الى الكثير من وسائل الامان المتقدمة مثل انظمة الثبات الألية و معظم العربيات حتى مافيهاش ABS فا ممكن الموضوع يفيد ناس كتير

يعنى مثلا القيادة اثناء المطر سواء داخل المدينة او على الطرق السريعة الزراعية و الصحراوية
مثلا عندما تزحف السيارة فجأة
عندما تفاجأ بمنحنى قوى
عندما تفاجأ ببركة ماء
لو انفجر كاوتش او ريح

أو اى موقف تانى

ما هو التصرف الصحيح فى كل موقف على حسب ظروفه .. يعنى لو انت جر امامى او دفع خلفى او ماشى على سرعة معينة تعمل ايه ..

فارجو من جميع الاعضاء اللى عنده معلومة مايبخلش بيها علينا .... و اللى حصل له اى موقف حرج يحكى لنا ظروفه ايه واتصرف فيه ازاى و كانت النتيجة ايه
و ربنا يحفظنا جميعا من شر الحوادث يا رب

[Dr. Bolbolan]

هوه موقف حرج بس بعيد خالص عن اللى انت طلبته ! بس أنا تذكرته لآن له علاقه بالكويت !

لنا صديق للعائله ييجى من 20 سنه فى الكويت اشترى سياره ولم يكن يجيد القياده و عمل شىء

ما يستدعى توقيفه بواسطة كونستابل المرور ! فلما قام الكونستايل بمناقشته فالراجل يا اما من

شدة رعبه أو من شدة دهائه عمل نفسه أخرس وابتدى يهمهم بأصوات غير مفهومه ويشاور

بايديه اشارات خرس ! قام صعب على الكونستابل وتركه لحاله و ماعملش فيه حاجه ؟؟ ههههاههها

Dr. Bolbolan ptmnlo123per122

[bmkbmk]

المشاركة الأصلية كتبت بواسطة Dr. Bolbolan هوه موقف حرج بس بعيد خالص عن اللى انت طلبته ! بس أنا تذكرته لآن له علاقه بالكويت ! لنا صديق للعائله ييجى من 20 سنه فى الكويت اشترى سياره ولم يكن يجيد القياده و عمل شىء ما يستدعى توقيفه بواسطة كونستابل المرور ! فلما قام الكونستايل بمناقشته فالراجل يا اما من شدة رعبه أو من شدة دهائه عمل نفسه أخرس وابتدى يهمهم بأصوات غير مفهومه ويشاور بايديه اشارات خرس ! قام صعب على الكونستابل وتركه لحاله و ماعملش فيه حاجه ؟؟ ههههاههها Dr. Bolbolan ptmnlo123per122

ههههههههههههههههههههههههه هههههههههه

ازاى بقى يا دكتور دا موقف حرج جدا و التصرف اللى فيه صح جدا .. بس هو ميزة الموقف ده انه ينفع لكل العربيات أمامى و خلفى و دفع رباعى كمان و كل فصول السنة
الف شكر لحضرتك يا دكتور

[_amr.mostafa_]

والله رايي المصريين سيبينها على ربنا

[m_o_sakr]

و عليكم السلام و رحمة الله و بركاته يا سيدى الفاضل
موضوع ممتاز وان شاء الله يفيد ناس كتير
الحمد لله لم اتعرض حتى الأن لموقف حرج من هذه المواقف بس احب انصح كل الناس حتى الى عربيته فيها كل وسائل الامان و الحمايه بلاش تجرى خاصةً و الشواره مبلله لإنك حتى لو عربيتك كويسه و ممكن (بإذن الله) تحميك فغيرك عربيته على اد حاله و مفهاش وسائل الحمايه الى عندك و ربنا يسترها علينا كلنا