افيدونى يا اهل الخبره فى الأوبل فكترا !!!

[mtaiea]

ptmnlo123per144 اولا انا مش لاقى حد يفدنى فى الأوبل
ثانيا الحمد لله وربنا وفقنى وجبت اوبل فكترا 1996 2000 سي سي جميع الكماليات اوتوماتيك بس انا معرفش عنها حاجه
انا جبتها لانها واسعه وانا من النوع الضخم شويه وملقتش عربيه فى حدود السعر اللى معايا تناسبنى الا الأوبل دى بس ناس كتيير قدرتنى وقالتلى انى هتبهدل معاها فى قطع غيارها وهتسحب بنزين كتيير اوى واكيد اللى باعها كان عايز يخلص منها

فياريت الاقى حد يفهمنى فى العربيه دى لانى اول مره اركبها ومش مع حد من اللى اعرفهم
ممكن حد يقولى ايه هى اخطر عيوبها واعمل ايه عشن اتفادى العيوب دى و ازاى احافظ عليها ولو ممكن حد يعرف ميكانيكى كويس وابن حلال يفهم فى الأوبل
وكمان عايز اعرف ايه اخبار سحب البنزين ولو بتخرب البنزين اعمل ايه عشان اقتصد فيه
وايه اخبار قطع الغيار متوفره ولا لا ولو متوفره هلاقيها فين وايه هى اخطر قطع الغيار فى السعر وايه اكتر قطع غيار بتبوظ فيها

يا ريت حد يدلنى وجزاكم الله خيرا واسف على الاطاله.
م/محمود

[djdragon]

بص ياباشا الاوبل عربية جميلة بس اهم حاجة انت بتتكلم على موضوع البنزين اكيد طبعا بتسحب كتير عشان هية 2000 سى سى دا دا طبيعى بس اهم حاجة انا كان معايا اوبل زيها كنت بحط 80 طبعا عشان لو 90 هايتخرب بيتى تمام بالنسبة لقطع الغيار كويسة مش غالية اوى واكتر حاجة هتحتاج تغيرها فى العربية هية المقصات الى ادام عشان فى الاوبل بينشفوا بسرعة بس سعرهم غالى شوية عاملين 600 جنية وبعدين لو عايز تحافظ عليها بلاش تقرص كتير على دواسة البنزين عشان ما تتعبش الجيربوكس يعنى لو عايز تجرى بيها خليها هية الى تجمع براحتها يعنى بلاش قرص عليها عشان الفتيس بتاعها غالى وكمان مش موجود كتير ولو حبيت تجيب واحد تانى هاتجيب استعمال لانك مش هتلاقى جديد طبعا واكيد بردة الى هاتجيبة مش هايبقى تمام اوى يعنى حافظ على الفتيس الى معاك دلوقتى وبلاش تقرص كتير على الدواسة لانك اصلا لو بتجرى مش هتتحتاج تدوس بنزين كتير عشان العربية دى ميزتها انا جراية جدا وخلى بالك العربية دى حلوة فى السرعات العالية يعنى ثابتة دى طبعا ميزة بس بتبقى مع ناس كتير عيب ان العربية بتسحبهم لسرعات عالية من غيرما يحسوا واهم حاجة طبعا تهتم بالموتور يعنى تغير علطول سير التقسيمة ولما تغيرة تكتب فى ورقة انت غيرت السير عند الكيلو كام وما تعديش 20 الف كيلو من غير ما تغير السير عشان ما يحصلش حاجة لاقدر الله ومبروك عليك ياباشا العربية وربنا يكفيك شرها ويجعلها قدم خير عليك انشاء الله وعلى فكرة العربية دى محترمة جدا جدا وليها هيبة على الطريق زى المرسيدس القديم كدا ولو احتجت اى حاجة يا باشا ابقى كلمنى وانا تحت امرك وعلى فكرة لو عايز حد متخصص اوبل يبصلك عليها بس دا فى اسكندرية فى الحرفيين اسمة وليد اوبل دا راجل مشهور جدا فى اسكندرية واستاذ اوبل يعنى لو حابب يبصلك عليها بردة روحلة وانت اكيد الى هستفاد منة عشان دا متخصص اوبل وكمان لو عندك اى عيب ما تعملوش الى عند حد شغال اوبل عشان على فكرة شغل الاوبل صعب ومش اى حد يتشغل فيها واسال مجرب انا عانيت كتير من الميكانيكية قبل ما اعرف الراجل دا ويارب اكون افدتك بالكلام دا وتقبل فائق احترامى
محمد سامى
0121892655

[shadyyassin]

هو انا معنديش اوبل بس كل اصحابي كلهم كلهم عندهم اوبل و طبعا باخدها منهم و كان نفسي اني اجيبها بس مش عارف الرينج بتاعها و لو فيها غلاسه هو انت جيبتها بكام