كوارث المرور ... سلسلة لا تنقطع

[نبيل عبدالرحمن]

جاء حادث البحيرة اليوم الأربعاء ليضيف حالة جديدة من الحزن والألم على شهداء المرور من الشباب ، أطفال المدارس وشباب الجامعات حادثة تلو أخرى فابلأمس القريب كانت حادثة أسوان ثم تلتها حادثة سوهاج وأخيراً حادثة البحيرة وحصدت هذه الحوادث العشرات من الأرواح البريئة فإلى متى هذا التخاذل الحكومى فى عدم تطبيق قوانين المرور التى لو طبقت بدون إستثناء لتجنبنا هذا الكم من الكوارث والذى تعدى 13000قتيل سنوياً غير الآلاف من الجرحى والمصابين
الحكومة يجب أن تطبق القوانين على كل من يخالف القواعد والقوانين : من يسير فى الطريق المخالف ومن يقود وهو تحت تأثير مخدر ومن يقود فى غير حارته المخصصة له ومن يقود دون رخصه ناهيك عن السيارات والتكاتك وسيارات الميكروباس الملاكى التى تحمل ركاب
نحن نعيش فى فوضى مروريه عارمة جعلتنا أضحوكة بين الدول
فإلى متى ...إلى متى ؟

[ahmed_eng2001]

فيه عندنا مشكلة ( مشكلات ) فى التشريع .. و فى التطبيق و فى المتابعة ...

سمعت بتطبيق بعض القوانين ... منها جعل النقل يتحرك على الطرق مساءا فقط ... طيب ..
هل ده قرار يخدم او يشجع الاقتصاد او النقل ؟!!!

انا موافق على القانون لمحاولة حقن دماء الناس التى تموت على الطرق يوميا فى حوادث كبيرة
هل سوف تتم المحافظة على تطبيق هذا القانون لبعض الوقت ؟؟

انا مش متفائل

[zing0]

خلاصة تعليقى... "مقصود"
آه و الله العظيم مقصود و متعمد و بمزاجهم الإهمال ده
كانوا بيقولوا : كارت البنزين الذكى, و ده مش هيأثر على سعر الوقود و لا الكمية المتاحه بس هيقضى على السوق السودا و العربيات اللى ملهاش رخص سارية ملهاش نصيب. طبعاً سعر الوقود زاد و الكارت شربنا ميته و بالشفا.

بس كله بمزاجهم, لو كان إتطبق صح, معناها مفيش تكاتك, مفيش موتوسيكلات غير مرخصة, مفيش مواقف ميكروباصات كامله (كلها ملهاش نمر و لا رخص) و النقل و النقل الثقيل نفس الكلام, مفيش سرقة وقود و الأهم, مفيش عربية هتمشى من غير نمر, لإن الكارت لازم يطابق أرقام السيارة علشان يفول التانك. الكلام ده معناه إن على الأقل 50% من الزحمة الفعلية هتختفى من شوارع مصر. بس الجماعة ملهومش مزاج.
و دم الغلابه ببلاش إلا ربع دلوقتى.

[nktis]

مفيش فايده .............

[mismail_2000]

المشكلة مركبة ولها عدة أبعاد
1- أخطاء في تصميم الطريق منحنيات حادة حارات غير منتظمة قلة اللةحات الإرشادية
2- الاشارات الضوئية قليلة ولا تعمل
3- السائقين لا يعرفون قواعد القيادة السليمة والعملية ماشية بالدراع