طريقة فتح الشنطة من جوه العربية ال 128 فقط

[عمر حمدى]

الموضوع منقول للأمانه
المطلوب :-
1- قربة سنتر لوك 2 طرف ( ب 15 جنيه من عند حكيم فى التوفيقية و السعر شامل الخوص والقفل )
2- عدد 2 خوصة توصيل .
3- قفل .
4- خوصة تثبيت .
5- مفتاح كلكس ( ب 5 جنيه وفيه نوع تانى معدن ب 8 جنيه ) اى نوع مش هيفرق .
6- 5 متر سلك 1 ملى .
7- وردة مقاس 10 حجم مناسب .
8- شريط لحام .

اضغط هنا لمشاهدة الصورة بالحجم الطبيعي.
------------------------------------------------------------------------------------------
نيجى لطريقة التركيب
1- هنثبت القربة فى الخوصة المخرمه اللى جايه معاها بمسمارين ونربطها فى صاج الشنطة عند حرف الشنطة من الناحية اليمين ( لو ركبت فى الناحية الشمال يبقى هنعكس توصيلة الكهرباء .. السلك الازرق هيبقى فى صاج الشنطة والاخضر هوا اللى هيتوصل عالمفتاح ) .

اضغط هنا لمشاهدة الصورة بالحجم الطبيعي.

2- هنثبت مفتاح الكلاكس فى اى مكان فى العربية حسب الرغبة ( التابلوه - الكونسوله - الباب - اى مكان حتى لو هتعلقه فى الهوا :p ) .

[اضغط هنا لمشاهدة الصورة بالحجم الطبيعي.

3- هنفك كالون الشنطة الداخلى ( صامولتين 10 ) ونروح لأى سمكرى او بتاع شكمانات او اى حد بيلحم اكسجين ( باللندة :p ) ونخليه يلحم الوردة فى ظهر لسان الكالون عشان نقدر نوصل بيها الخوصة بتاعت القربة وبعد اللحام اتأكد ان اللسان بيتحرك بسهوله وميكونش فى حاجة مضايقاه من مكان اللحام وبعد كده يتركب زى ماكان تانى .

اضغط هنا لمشاهدة الصورة بالحجم الطبيعي.
اضغط هنا لمشاهدة الصورة بالحجم الطبيعي.
اضغط هنا لمشاهدة الصورة بالحجم الطبيعي.
اضغط هنا لمشاهدة الصورة بالحجم الطبيعي.

-------------------------------------------------------------------------------------------
دلوقتى الدنيا جاهزة عالتوصيل
1- هنجيب فردة سلك نربطها فى المفتاح ونوصلها على كهرباء مباشرة ( ممكن تاخدها من الضفيرة او الفيوزات ) .
2- الفردة التانية بتاعت المفتاح هنربطها ونوصلها بالسلك الازرق بتاع القربة فى الشنطة ( طبعا هنمشى السلك تحت فرش العربية وساعتها هنضطر نفك العتب ونربطه تانى )
3- فردة السلك الاخضر بتاعت القربة هنحطها تحت الخوصة ونربط عليها بالمسمار ( كده تبقى متوصلة بالارضى ) وبكدة تكون القربة جاهزة عالتشغيل .
4- نركب خوصة فى طرف القربة ونربطها فى القفل والخوصة التانية هنعديها فى الوردة اللى فى لسان الكالون ونربطها برضه فى القفل بحيث تبقى مظبوطة مع حركة دفع القربة ... وبكدة نكون خلصنا بحمد الله ومبروك عليك التجديد بقيت زيك زى العربيات الحديثة :D
متنساش بعد ماتخلص تدارى اى سلك عريان بشريط اللحام عشان ميحصلش قفلة فى الكهرباء وخصوصاً سلكة القربة اللى واصلة بالمفتاح .

اضغط هنا لمشاهدة الصورة بالحجم الطبيعي.

[ahmed_eng2001]

مجهود رائع ... تسلم ايدك
على فكرة .. الفكرة دى تنفع لأى عربية بس مع قليل من التعديل
شكرا للافادة

[Hisham.Elgazzar]

تسلم ايدك موضوع رائع

[عمر حمدى]

شكراً لمروركما
وكلنا فى خدمة المنتدى العظيم

[احمد الجارحـي]

الله ع المجهوُدّ الرائع ده بجد تستحق الشكر