سؤال محيرني ؟؟؟؟

[ميدو عمر ايمن]

باذن الله قررت اشتري لانوس خلال شهور ان شاء الله
لذا قررت اني اتابع اعلانات السيارات علشان اشوف متوسط الاسعار
لاحظت حاجة غريبه جدا
انه تلاقي دايما صاحب العربيه اول يد طالب فيها سعر معقول وتلاقي مواصفاتها كويسه جدا
ومميزات كتيرة
وفي الناحية التانية تلاقي واحد ضارب في العالي جدا ييجي 7 الاف زيادة ويقولك توكيل من توكيل من توكيل يعني اتباعت ميت مرة قبل كده و العربية عاوزة تنتحر من كتر البيع
السؤال بقي اللي حيرني
هل الفئة التانيه دول اللي ضاربين في العالي هدفهم ايه من كده ؟؟؟؟؟؟؟؟
هل بيعلو السعر علشان لما تتفاوض تنزل للسعر الحقيقي
هل دوله تجار وعاوزين يستغلوك
هل عربياتهم دي احسن من مالكها الاصلي
هل اصحاب العربيات اول يد مش عارفين تمنها في السوق
مش عارف احترت فهل اهل الخبره في السوق يوضحوا ليه شويه اصول اللعبه دي ايه؟؟؟؟
: shyy:

[sayed2077]

الحكايه فقط بيبقى تاجر وعايز يكسب لا غير بس فى الجهاتين سواء ملاك او تجار فيهم اللى عربيته حالتها حلوه وفيهم اللى عربيته حالتها مش كويسه فمش شرط اول يد وتبقى حالتها كويسه ولا شرط انها تبقى حالتها وحشها نفس الشىءء للعربيات اللى عليها توكيلات اهم حاجه تروح وتعاين العربيه بنفسك ولو معندكش الخبره استعين ديما بصديق او سمكرى سيارات لان اى حاجه فى العربيه ممكن تتغير الا شاسيه العربيه لو فيه خبطه مش هيتغير بالتالى لو جبت عربيه اساسها سليم بس الماتور مش كويس مش مهم لانك هتغير الماتور بواحد تانى وتريح نفسك وخلاص

[احمد على 1999]

متابع لان و الله اعلم احتمال ابيع عربيتى فى خلال شهور برضه و مش عارف اطلب كام
2002 فول اوبشن فابريكا بره و جوه ( بتاعتى و السنة ديى كتبتها باسم مراتى عشان بس جبت عربية تانية بس انا اللى سايق اللانوس لسة ) عاملة 270 الف كم كل حاجة فيها شغالة زيى ما استلمتها عدا الولاعة و محتاجة بس فردة سلك و مش محتاجها لانى مبدخنش
تاخدها ب 60 الف ؟ ههههههههههههههههههههههههه هههههه طيب ب 50 ؟ هههههههههههههههههههههه
و مخبيش عليك محتار ابيع و لا لأ لانها مريحانى عدا حكاية الاتوماتيك ديى و انا عجزت

[ميدو عمر ايمن]

المشاركة الأصلية كتبت بواسطة sayed2077 الحكايه فقط بيبقى تاجر وعايز يكسب لا غير بس فى الجهاتين سواء ملاك او تجار فيهم اللى عربيته حالتها حلوه وفيهم اللى عربيته حالتها مش كويسه فمش شرط اول يد وتبقى حالتها كويسه ولا شرط انها تبقى حالتها وحشها نفس الشىءء للعربيات اللى عليها توكيلات اهم حاجه تروح وتعاين العربيه بنفسك ولو معندكش الخبره استعين ديما بصديق او سمكرى سيارات لان اى حاجه فى العربيه ممكن تتغير الا شاسيه العربيه لو فيه خبطه مش هيتغير بالتالى لو جبت عربيه اساسها سليم بس الماتور مش كويس مش مهم لانك هتغير الماتور بواحد تانى وتريح نفسك وخلاص

شكرا علي الرد الجميل وان شاء الله اكيد لما ابتدي اعاين علشان اشتري لازم اخد راي اخواتي الكبار في اي حاجة هعملها ولما تقولو تمام يبقي اتوكل علي الله

[ميدو عمر ايمن]

المشاركة الأصلية كتبت بواسطة احمد على 1999 متابع لان و الله اعلم احتمال ابيع عربيتى فى خلال شهور برضه و مش عارف اطلب كام 2002 فول اوبشن فابريكا بره و جوه ( بتاعتى و السنة ديى كتبتها باسم مراتى عشان بس جبت عربية تانية بس انا اللى سايق اللانوس لسة ) عاملة 270 الف كم كل حاجة فيها شغالة زيى ما استلمتها عدا الولاعة و محتاجة بس فردة سلك و مش محتاجها لانى مبدخنش تاخدها ب 60 الف ؟ ههههههههههههههههههههههههه هههههه طيب ب 50 ؟ هههههههههههههههههههههه و مخبيش عليك محتار ابيع و لا لأ لانها مريحانى عدا حكاية الاتوماتيك ديى و انا عجزت

يا باشا فلوس الدنيا كلها متساويش تمن العربية لانها من حضرتك