الى كل متخصصى او مالكى أوبل فيكترا 95

[weLLoo]

السلام عليكم ورحمة الله وبركاته
دى أول مشاركة ليا في هذا المنتدى الرائع وأتمنى من الأخوة الأفاضل مساعدتى في هذا الموضوع
أريد أن أشترى سياره وهى ستكون أول سياره أشتريها في حياتى يوجد أمامى سياره أوبل فيكترا موديل 1995 اوتوماتيك - زجاج كهرباء بتاعت واحد معرفه السياره بصراحه حالتها العامه مش قد كده فا أنا هأقولكم على اللى فيها وانتم تقولولى ايه رأيكم
أولاً لا يوجد بها خبطات من الخارج لكن تحتاج الى سمكره ودوكو للنظافة (لونها أسود) كما تحتاج الى بعض الإكسسوارات من الخارج زى فانوس شبوره + 2 مرايه اعتقد ممكن تحتاج اكصدام امامى
ثانياً الصالون يحتاج الى تظبيط تتشد عند سروجى لأن الكراسى بها الكثير من القطوعات في الفرش
ثالثاً الموتور زى مانا قلت العربيه اوتوماتيك صاحبها بيقولى في مشكله في الفتيس انا بصراحه مافهمتش منه لكن هاقول اللى هو قالهولى يمكن انتم تفهمو بحكم خبرتكم هو بيقولى زيت الفتيس بيبقى في حاجه تقريبا اسمها سربنتينه مسئوله عنه فادى فيها مشكله بتخلى الزيت يدخل على المياه في الرادياتير وان دى ممكن تتحل ب 200 ج غير كده بيقولى الموتور مافيهوش حاجه عموما دى كانت معاينه مبدئية منى انا يعنى لسه مفيش سمكرى او ميكانيكى شافها لكن هو بيقولى ان الأساسيات سليمه وهو طالب فيها 25000 ج قابله للتفاوض
عايز اعرف منكم اذا تكرمتم بس بسرعه رأيكم ايه فيها انا شايف من الآخر انها عايزه تتشد وايه رأيكم في السعر ده وممكن تصرف معايا قد كحد أقصى لو انا حبيت اشدها شده محترمه وآسف للإطاله

[mounaf]

من علامات السيارة المستهلكة الفرش باب السائق لا ينغلق جيدا جلدة دواسة الفرامل ابسط شىء ومن بعدها وديها لمكانيكي

[weLLoo]

المشاركة الأصلية كتبت بواسطة mounaf من علامات السيارة المستهلكة الفرش باب السائق لا ينغلق جيدا جلدة دواسة الفرامل ابسط شىء ومن بعدها وديها لمكانيكي

شكرا على ردك أخى الكريم في إنتظار مزيد من أراء الخبراء

[weLLoo]

للرفع فين الخبرااااء

[mr_astra]

العربيات دى الحلو منها من 38 الف الى 45 الف
وتعالى نتفق ان ما فيش حد ساذج النهردة واللى عربيتة بعشرة بيطلب 15
والراجل طالب 25 الف يبقى عربيتة تعمل 22 الف ودة لانه عارف اللى فيها
ولو جيت شديت اوبل خصوصا الفيكترا الشكل القديم اولا هاتتعب اوى وثانيا هاتصرف كتير اوى
والنتيجة علمها عند ربى
انا راى بلاش منها وهات حاجة على اد الفلوس لو الرنج دة بتاعك او
هات حاجة سليمة
لان عصر شد العربيات انتى من زماااااااااااااان