|
كهرباء السيارة ساحة مخصصة للمواضيغ الفنية المتعلقة بجميع اﻷنظمة الكهربية فى السيارة بما فيها أنظمة التسلية |
|
أدوات الموضوع |
#1
|
||||
|
||||
سؤال ... خرج البطارية كام وات؟؟
السلام عليكم ورحمة الله وبركاته
عندى سؤال جه فى بالى وعايز اعرف له اجابه انا اعرف ان البطاريات بتبتدى من 55 امبير و60 و 70 وهكذا واعرف ان خرج الفولت بتاعها 12 طيب مثلا لة عندى بطارية 55 امبير او 70 امبير يبقى خرج الواط بتاعها كام وات/ساعة ليه السؤال ده؟؟؟ عشان لو حبيت اشغل حاجه على انفرتر من DC الى AC وموتورها مثلا 100 وات يا ترى البطارية هتشغل الجهاز ده قد ايه؟؟؟ اتمنى حد يفكر معايا ويجاوبنى ملحوظة لو البطاريات 55 و70 امبير ماتنفعش... يبقى اقل امبير لبطارية تشغل الجهاز ده يا ترى يبقى كام؟؟؟
__________________
صلى على رسول الله
--------------------- |
#2
|
||||
|
||||
رد: سؤال ... خرج البطارية كام وات؟؟
اعتقد ان البطارية الى مكتوب عليها 70 امبير ... ممكن تديك 70 امبير مع فرق جهد 12 فولت لمدة ساعة واحدة .... و و بالتالى ممكن تديك ساعتين تشغيل لو سحبت منها 35 امبير
الوات هو حاصل ضرب شدة التيار فى فرق الجهد ... يعنى البطارية ال70 امبير تدى حضرتك 70*12 =840 وات كحد اقصى الكلام النظرى .... البطارية دى ممكن تشغل الجهاز بتاعك 8 ساعات و ياريت احد الاعضاء يفيدنا اكتر فى الموضوع ده متابع معاك
__________________
|
#3
|
||||
|
||||
رد: سؤال ... خرج البطارية كام وات؟؟
هوه ده اللى عايز اوصل له الحسبة دى ولوطبقتها على بطارية 55 امبير يكون الناتج 55*12= 660 وات/ساعه تمام كده يعنى يشغل جهاز قدرتة 100 وات لمدة 6 ساعات تقريبا كده عظيم جدا .... طيب الكلام ده ينطبق فى حاله الموتور داير ولا مبطل ..؟؟ انا متخيل لو افترضنا ان البطارية مشحونة full بفعل الدينامو .. فى حالة الموتور مبطل وسحب الكهرباء مباشر من البطارية يبقى هيشتغل 6 ساعات ببطارية 55 امبير ... انما لو الموتور داير "كده كده الدينامو شغال وبيشحن البطارية " يعنى اللى الجهاز هايستهلكه الشحن هيعوضه فى ساعتها ... صح كده طيب فى الحالة دى هيبقى فى حمل على الدينامو؟؟؟ حاجه كمان ... معلومة منقولة برضه " ان الاجهزة اللى بتشتغل على الانفرتر DC/AC بتهلك البطارية ... هل ده عموما ولا فى حالة الحمل الزائد عن اللازم والحمل ده تقريبا بيتحسب ازاى... وكمان حاجه ... استهلاك العربية من البطارية بيتحسب ازاى برضه... لان ابسط حاجه لو العربية غابت شوية فى الدوارة ... تلاقى المارش يعتل .. واعتقد انه بيبقى دليل على ان المارش سحب كهرباء كتير وفى حالة عدم الاستجابة الكهرباء تكون قلت والمارش مش قادر يقوم ويدور العربية ... كل دى مجرد افكار تخيلية على قد عقلى ... وحتاجين حد يفيدنا بعلمه والربط بين النظرية العملية وشكرا ليك يا هندسة
__________________
صلى على رسول الله
--------------------- |
#4
|
||||
|
||||
رد: سؤال ... خرج البطارية كام وات؟؟
لا شكر على واجب .. احنا كلنا لسة بنتعلم
كلامك مظبوط .... طول مل العربية شغالة بتشحن الدينامو .... لغاية لما البطارية تتشحن على الاخر ... بعد كدة كتاوت الدينامو يبطل شحن .. و الكهربة بعد كدة بيكون مصدرها الدينامو ... ايه لزمة البطارية فى الحالة دى ؟؟؟ بتعمل زى ما يكون خزان للكهرباء ... يعنى لو فرضنا ان الدينامو خرج من الدايرة لأى سبب ..... العربية تسحب كهرباء من العربية .... و كمان لو حصل اى خلل بسيط فى الشحن ... زيادة او نقصان .. فتكون البطارية هى الى تعوض النقص و تستحمل الزيادة البسيطة فى الشحن الدينامو احجام و بالتالى قدرات مختلفة عند تصميم العربية يراعى الحمل الكهربى الى عليها ... و بالتالى بيتحك عليها دينامو مناسب .... يغذى احمالها الكهربية ... المتمثلة فى الكهرباء الى بتستهلكها البوجيهات ... بالاضافة لبقية الاحمال التانية .. زى النور و الكاسيت و مروحة التكييف الداخلية لما الحاجات دى كلها بتكون شغالة مع بعضها .... الدينامو تقريبا بيكون على 70.. 80 % من طاقته فاعتقد لما حضرتك تحمل عليه 100 وات مش حتكون مشكلة كبيرة للدينامو انا معنديش معلومة على موضوع ان الاجهزة دى بتهلك البطارية و لا لأ هو على العموم ... من الحاجات الى بتهلك البطارية انك تفضيها على الاخر و ترجع تشحنها تانى !!! دى معلومة جديدة بالنسبالى !!!! و من الحاجات المشهورة الى بتقصف عمر البطارية كمان ... الشحن الزيادة الى بيجى من الدينامو و طبعا نقص السائل و عمل شورت على اقطابها ... دى حاجات تقصف عمر البطارية البطارية زى ما قلت لحضرتك عاملة زى التانك ... لما تدور المارش ... بيسحب شوية كهرباء من البطارية ... و لما العربية تشتغل .. الدينامو يبدا يشحن البطارية تانى لغاية لما تتشحن على الاخر لو حصل و العربية اتاخرت شوية فى الدوارة .... ده بيستنزف مخزون الكهرباء من البطارية .... لغاية لما تبقى مش قادرة تدور المارش .. و كدة بيتقال عليها ان البطارية نايمة
__________________
|
#5
|
||||
|
||||
رد: سؤال ... خرج البطارية كام وات؟؟
الله عليك يا هندسة ... ربنا يزيدك من علمه
بجد استفدت جدا جدا جدا الله يبارك لحضرتك
__________________
صلى على رسول الله
--------------------- |
|
|