حد جرب ال Portable Air Condition (للبيت)

[Vanditta]

السلام عليكم ورحمة الله وبركاتة

http://www.youtube.com/watch?v=noRVAy9FW9I

http://www.youtube.com/watch?v=G0r4D...ture=endscreen

حد جربة ؟!!!

[kj1]

هو عندى بس موديل مش رقمى و لا بريموت من سنة 2008.....هو فعال للغرف الصغيرة أو المطبخ مثلا بس مشكلته أنك عايز تتابع الميه المكثفة الى خارجة منه علشان الجو عندنا رطوبة عالية جدا والمياه المكثفة منه كبيرة جدا الا اذا عملت لخرطوم المياه الخارجة منه تصريف لبره الشقة.... صوت الموديل الى عندى عالى شوية (موديل قديم) صينى ماينفعش فى المساحات المفتوحة زى غرفة المعيشة....أتمنى أكون أفدتك...مع تحياتى.

[Vanditta]

المشاركة الأصلية كتبت بواسطة kj1 هو عندى بس موديل مش رقمى و لا بريموت من سنة 2008.....هو فعال للغرف الصغيرة أو المطبخ مثلا بس مشكلته أنك عايز تتابع الميه المكثفة الى خارجة منه علشان الجو عندنا رطوبة عالية جدا والمياه المكثفة منه كبيرة جدا الا اذا عملت لخرطوم المياه الخارجة منه تصريف لبره الشقة.... صوت الموديل الى عندى عالى شوية (موديل قديم) صينى ماينفعش فى المساحات المفتوحة زى غرفة المعيشة....أتمنى أكون أفدتك...مع تحياتى.

جزاك الله كل خير

انا سئلت وقريت شوية عن النوع دة
طلع اللى لية اكزوست واحد دة مش كويس عشان بيعمل فاكيوم فى الاوضة وبالتالى الهواء السخن بيدخلك تانى من اى مكان فى الاوضة (تحت عقب الباب- الشباك ...الخ )
اللى كويس اللى لية 2 اكزوست واحد ان تيك والتانى اكسوزست , والنوع دة مش موجود فى مصر تقريبا

[AbOnOrA]

انا مجربتوش بشكل شخصى بس واحد صاحبى كان جايبة وكنت بروح اقعد معاه كتير
هو كان جايب حاجة صينى من اللى بيجى اعلانتها فى التليفزيون وكان لازم يقعد يزودلة مية
ومكانش تكييف بالمعنى خالص كان عبارة عن مروحة بتطلع هواء ساقع ومش هتحس تاثيرها الا وانت موجهها ليك مباشرة
عكس اجهزة التكييف العادية بتعمل معادلة لدرجة حرارة الغرفة كلها وبعدين يفصل ويشتغل كل ما الدرجة تختلف

انا رائى تشوف تكييف استعمال نظيف احسن من الحاجات ديه لانها مش معمرة ولا عملية وادائها محدود بينما التكييف حتى لو مستعمل بيعيش سنين وسهل صيانتة وحتى لما تحب تغير وتيجى تبيعة هيجيب فلوس

[Vanditta]

المشاركة الأصلية كتبت بواسطة AbOnOrA انا مجربتوش بشكل شخصى بس واحد صاحبى كان جايبة وكنت بروح اقعد معاه كتير هو كان جايب حاجة صينى من اللى بيجى اعلانتها فى التليفزيون وكان لازم يقعد يزودلة مية ومكانش تكييف بالمعنى خالص كان عبارة عن مروحة بتطلع هواء ساقع ومش هتحس تاثيرها الا وانت موجهها ليك مباشرة عكس اجهزة التكييف العادية بتعمل معادلة لدرجة حرارة الغرفة كلها وبعدين يفصل ويشتغل كل ما الدرجة تختلف انا رائى تشوف تكييف استعمال نظيف احسن من الحاجات ديه لانها مش معمرة ولا عملية وادائها محدود بينما التكييف حتى لو مستعمل بيعيش سنين وسهل صيانتة وحتى لما تحب تغير وتيجى تبيعة هيجيب فلوس

لأ يا AbOnOrA اللى حضرتك بتتكلم عنة ابو مية دة تكييف صحراوى ودة فعلا مالوش تلاتة لازمة
اللى انا اقصدة دة تكييف فعلا بالفريون وبيتقاس بالوحدة الحرارية زية زى التكييف العادى وقوتة بتبدء من واحد ونص حصان
واهم ميزة فية انة بورتابل يعنى يتحط فى اى حتة ومش محتاج كهرباء 3 فاز يعنى موفر كمان
هو نظريا 100\100 اقتصادى
عمليا بقى ؟؟؟
انا بس كنت عايز حد يكون مجربة تجربة شخصية عشان اعرف يستاهل ولا لأ