العودة   مصر موتورز مجتمع السيارات > السيارات الأوروبية > بيجو PEUGEOT

بيجو PEUGEOT بيجو PEUGEOT الفرنسية انشأت فى عام 1880 وهى من اقدم السيارات استخداما فى مصر وتمتلك حاليا شركة ستروين الفرنسية ايضا من اهم موديلاتها بيجو 307 و 307SW و 407 و 607


إضافة رد
 
أدوات الموضوع
  #1  
قديم 02-08-2009, 11:37 PM
الصورة الرمزية Nour_peugeot
Nour_peugeot Nour_peugeot غير متواجد حالياً
 
تاريخ التسجيل: Sep 2008
الموقع: nasr city (cairo
المشاركات: 1,567
Nour_peugeot has a reputation beyond reputeNour_peugeot has a reputation beyond reputeNour_peugeot has a reputation beyond reputeNour_peugeot has a reputation beyond reputeNour_peugeot has a reputation beyond reputeNour_peugeot has a reputation beyond reputeNour_peugeot has a reputation beyond reputeNour_peugeot has a reputation beyond reputeNour_peugeot has a reputation beyond reputeNour_peugeot has a reputation beyond reputeNour_peugeot has a reputation beyond repute
تجربه شاقه في ال 405

السلام عليكم يا رجالتنا

هحكي تجربه قمت بيها يوم 18/7/2009 و لمده اسبوع كامل و يوم حتي 24/7/2009

بس نسيت اهم حاجه اني اصور ptmnlo123per144

مقتتفات سريعه عن الرحلة :-

الحكايه و ما فيها اني سافرت بالعربيه معا العائله الي بلدنا ( سوهاج )
و قدينا فيها يومين بليلهم و من سوهاج الي مرسي مطروح بدون ترانزيت في القاهره ptmnlo123per1106

و طبعا العربيه محمله كامل و انا و ولدي بنبدل في السواقه و العربيه قطعت مسافه كبيره اووي في الفتره دي كتر خيرها

نبدا بقي كفايه كده


الاستعدادات قبل السفر :-

1- تغيير زيت
2- تنضيف كلبرتير ( عملته بنفسي بالكامل )
3- تضبيط هواء الكاوتش
4- تاكيد علي السيور كلها و علي العربيه شامله و علي مياه الرديتير
5- فولنا التنك
6- طربيت عفشه
بس اكتشفنا ان العربيه عيزه جوان كرتيره بس قلنا لما نرجع كان تسريب بسيط بس كده


بدايه السفر :-

العائله الكريمه حسستني اننا مهجرين مش مسفرين سفريه سريعه و مصيف ptmnlo123per145

عموما العربيه الشنطه اتملت تماما و كان في شويه حجات معانا جوه بس دي لزوم السفر بقي اكل و طرمس شاي و كده

طبعا احنا 4.5 اشخاص

والدي و والدتي و انا و اخيه الاوسط و اخويه الاصغر 11 سنه بس يتحسب نص

بدانا التحرك الساعه 6.5 صباحا و احنا اتحركنا من هنا و انا بدات نوم هههههههههه

نمت حوالي ثالت ساعات صحيت لقيت نفسنا لسه نقصلنا حوالي 300 كم علي سوهاج بامانه انا مكنتش عارف اي الطريق ده بس كان طريق نضيف نوعا ما والدي مثبت 100 كم عشان الردار


وصلنا سوهاج الساعه 1.30 ظهرا في عز الشمس و ما ادراكم اشلمس هناك نار غير طبيعيهptmnlo123per144

عموما قدينا يومين و ليله سريعه كده بس بامانه ماكلتش اكل في حياتي بالطريقة دي اكل طبيعي و ليه طعم بجد غريب بس كل اكلهم صحي فعلا استمتعت بالرحله دي


و الساعه 1 صباحا تاني يوم بدانا التحرك بدون توثف من سوهاج الي مرسي مطروح

و رجعنا القاهره الساعه 7 صباحا و معا دخلنا القاهره وادلي كنا جبنا حجات من سوهاج زياده فنزلنا بيتنا حطينا الحجات الزيادي دي بظبت 10 دقائق كنا متحركين تاني و احنا بنتحرك دخلنا البنزينه و فولنا العربيه و احنا لنفول قولت نشوف العربيه استهلكها اد ايه


و رحت مصفر عداد الرحلات معا بدايه خرجنا من البنزينه ( البنزينه في مدينه نصر )

اتحركنا و اخدنا كوبري اكتوبر و من كوبري اكتوبر 26 يوليو الي المحور ثم الي طريق الاسكندريه و الطريق كان واقف خالص في 26 يوليو ضيعنا في القاهره حوالي ساعه كامله

بدانا طريق الاسكندريه و السرعه مبين 100-120 كم و مفيش ردار خالص في طريق الاسكندرية

وصلنا الي الكيلو 100 و اخدنا طريق وادي النطرون - العالمين

طريق بجدا تحفه تجري فيه برحتك بس فيه رادار في او 25 كيلو من الطريق بس اجنا عرفين مكانه

و احنا لنعدي كان الردار لسه بيتنصب حظنا بقي ptmnlo123per122

و من بعد الردار فتحنا نوعا ما ال سرعه مبين 120-140 كم

و في نص الطريق ريحنا شويه و شربنا شاء قعدنا حوالي 20 دقيقة لننا كنا ملينا بقي و كملت انا سواقه الي نهايه الطريق ( العالمبن ) بس انا زودت السرعه شويه وصلت ال 150كم و ثبت عليها حوالي 60 كيلو و معا بدايه الطريق الساحلي من العالمين و مطروح و انوار العربيات الجيه في المعاكس بدات ( يا حلاوه ردار ) و السرعه شويه يكتبو علي اللوحات انها 100 و بعديها ب 50 متر تلاقي السرعة مكتوب انها 90 ههههههptmnlo123per1106

عموما رحت ركنت و خليت والدي يكمل سواقه عشان الرخصه و عيدنا الردار الاول بسلام بدون اي حاجه


بعيدها بشويه حوال 100 كم بدات انوار السيارات تشتغل تاني ردار تاني هههههههههههه

احنا كده كده كنا مثبتين 90 كم/س

عدينا الردار و شفنا الارجل البيصور و كان واضح اوووي غبي بقي ptmnlo123per1147

وصلنا الي نهايه الطريق و معا مدخل المدينه ( مرسي مطروح )

ردار تاني تانيه ايه ثالث بس كانت السرعه 60 و احنا كنا معدين السرعه بس محدش وقفنا

و صولنا بالسلامه لاكتر مدينة في جمهورية مصر العربيه بعشقها كنا هناك الساعه 12:45 ظهرا

بجد معا دخولك المدينه تحث انك داخل في متحف من الجمال من حيث كل حاجه

و المرور هناك مبتفهمش و مشددين جدا علي الحزامو احترام الاشارات و الكل هناك ساواسيه و دي حاجه تفرح فعلا

انا مصور شويه صور لشويه اماكن هناك















عموما قضدينا 6 ايام ممتعه فعلا و لفينا مرسي مطروح من الالف للياء و دي سابع مره نروح فيها مرسي مطرووح


في ثاني يوم وادي راح البنزينه عشان نفول العربيه عشان نتحرك بحرية اكتر و التنك كان لسه فيه اقل من النصف حاجه بسيطه اووووي


العربيه اخدت 39 لتر بظبت للنهايه الزوور و كانت مشيت 576 كيلو ب 39 لتر


يعني بمعدل 280 كم تقريبا في الصفيحة مع التكييف ptmnlo123per122

اعتقد انه معدل كويس جدا علي السرعه دي و علي عربيه كلبرتير و موديل قديم ( ما شاء الله )


عموما عديت الايام يسرعة اوووووووي

و جت ليله الرجوع لمصر

و انا بعمل تشك علي العربيه قبل السفر و بربط كل حاجه من تاني


و هوووووووووووووووووووووووو وووووب تقيلت زياده علي الكويل الحديد الماسك المنظم بتاع البنزين و المنظم اتكسر ptmnlo123per111

الساعه 10 مساء مش هلاقي حد خالص اعمل ايه ptmnlo123per144

رحت اشتريت اللحام الحديدي ده و عملت بيه المنظم و المنظم بيخر برده ايه العمل فضيلت افكر

دورتها في دماغي كده و هو ان المنظم فيته انه بيرجع البنزين الزياده للتنك

طيب انا ما الغي المنظم خالص


و قد كان لغيت المنظم و قولت ابطئ سرعة البنزين نسبيا رحت مركب فلتر بنزين تاني

و وصلته علطول علي الكلبرتير و قفلت خرطوم الرجع بتاع التنك

فاولدي خاف لا يحصل حاجه فقرر اننا نسافر الصبح


يوم 24/7/2009 الاحد تقريبا

الساعه 10 قبل ما نتحرك رحنا لبتاع كوتش قلل ضغط الكاوتش عشان كان مليان زياده


طبعنا علي الطريق 10:15 و مجرد متحركنا لجنه الرخص ptmnlo123per122

شافو الرخص و تمام التمام و قلنا توصلو بالسلامه و مشنا

ثبتنا سرعه 120-130 طول الطريق لغيت مصر مكنش في ردارات خالص باستتناء الموجود في نهايه طريق ( العالمين - وادي النطرون )

وصلنا مصر و فولنا تاني عملت553 كم في الصفيحه مع التكييف ممكن الاستهلاك زاد بسبب المنظم


و انتهيت الرحله علي كده بس كانت رحله شاقه

العربيه قطعت مسافه 2435 كم من لحظه تغير الزيت الي العوده لغيت البيت في مصر في اسبوع واحد بس

استهلاك البنزين متراوح من 270-280 كم في الصفيحة مع تشغل التكيف طوال السفريه

بس الحمد العربيه اثبتت اعتماديه عاليه و انا كنت واخد العده كلها عشان كنت شبه متاكد ان هتحصل مشكله في العربيه

و لغيت وقتنا هذا معملتش حاجه في العربيه خالص الي اني جيبت منظم ب 10 جنيه و ركبته و شكرا علي كده

المشاكل الظهرت بقي بعد العوده :-

1- ان الزيت قل نسبيا بسبب جوان الكرتيره
2-العربيه محتاجه تغير تيل فرامل امامي
3-تغير زيت و فلتر زيت



بس العربيه رجعت من السفريه دي علي البنزينه عدل هههههههه






و اتغسلت غسله تحلف بيها طول عمرها هههههههههptmn lo123per122

و الحمد لله البيجو 405 اثبتت جداره بعد 19 سنه في خدمه الشعب المصري ptmnlo123per154
__________________

my peugeot 306 gti6

التعديل الأخير تم بواسطة Nour_peugeot ; 02-08-2009 الساعة 11:43 PM
رد مع اقتباس
  #2  
قديم 03-08-2009, 01:16 AM
الصورة الرمزية lancer.style
lancer.style lancer.style غير متواجد حالياً
من انا؟: Mohamed Osama
التخصص العملى: Futuer Academy
هواياتي: CaR RiDe
 
تاريخ التسجيل: Nov 2008
الموقع: مــ عين ـصـ شمس ـــــر
المشاركات: 1,877
lancer.style has a reputation beyond reputelancer.style has a reputation beyond reputelancer.style has a reputation beyond reputelancer.style has a reputation beyond reputelancer.style has a reputation beyond reputelancer.style has a reputation beyond reputelancer.style has a reputation beyond reputelancer.style has a reputation beyond reputelancer.style has a reputation beyond reputelancer.style has a reputation beyond reputelancer.style has a reputation beyond repute
افتراضي رد: تجربه شاقه في ال 405

تمام يا نور حمد لله على السلامة الصور دى شوقتنى للسفر

و انا كمان الجمعة الجاية هكون هناك

بس المكان من الصور شكلةو روعة (اول مرة اروح)
__________________







رد مع اقتباس
  #3  
قديم 03-08-2009, 01:25 AM
الصورة الرمزية koky_90
koky_90 koky_90 غير متواجد حالياً
من انا؟: لاتحسب البسمه على وجهى فرحا فاالطير يرقص مذبوحا من شده الالم
التخصص العملى: طالب
هواياتي: car وبس
 
تاريخ التسجيل: Oct 2008
الموقع: حدائق القبه (بلدنا)
المشاركات: 1,200
koky_90 has a reputation beyond reputekoky_90 has a reputation beyond reputekoky_90 has a reputation beyond reputekoky_90 has a reputation beyond reputekoky_90 has a reputation beyond reputekoky_90 has a reputation beyond reputekoky_90 has a reputation beyond reputekoky_90 has a reputation beyond reputekoky_90 has a reputation beyond reputekoky_90 has a reputation beyond reputekoky_90 has a reputation beyond repute
افتراضي رد: تجربه شاقه في ال 405

تمااااااااااااااااام
عــــــــــــــــــــــــ ـــاش يابرنس
وحمدلله على السلامه

بيجو الى الابد
بس قولى انت منين من سوهاج احنا بلديات على كده
رد مع اقتباس
  #4  
قديم 03-08-2009, 01:30 AM
الصورة الرمزية فاطومه المصريه
فاطومه المصريه فاطومه المصريه غير متواجد حالياً
من انا؟: بنوته مصريه تعشق الخير وتحب الحريه ^_^
التخصص العملى: طالبه تجارة &_^ سابقا... التسويق حاليا
هواياتي: التصميم والنت والقراءة فى السياسه
 
تاريخ التسجيل: Jul 2009
الموقع: بلادى مفتوحة كالسماء تضم الصديق ؛ وتمحو الدخيلا ومنى الحقيقة.. منى الخيال وعندى الجمال، وعندى آمال
المشاركات: 1,707
فاطومه المصريه has a brilliant futureفاطومه المصريه has a brilliant futureفاطومه المصريه has a brilliant futureفاطومه المصريه has a brilliant futureفاطومه المصريه has a brilliant futureفاطومه المصريه has a brilliant futureفاطومه المصريه has a brilliant futureفاطومه المصريه has a brilliant futureفاطومه المصريه has a brilliant futureفاطومه المصريه has a brilliant futureفاطومه المصريه has a brilliant future
افتراضي رد: تجربه شاقه في ال 405

واو واو واو

مطروح عشقى

بعشقها وبعشق عجيبه والابيض وكل حته فيها
جنه الله فى الارض

حمد الله على السلامه
__________________


اللهم انزل نورا من نورك عليه
اللهم نور له قبره ووسع مدخله وآنس وحشته
اللهم ارحم غربته وارحم شيبته
اللهم اجعل قبره روضة من رياض الجنة . لا حفرة من حفر النار
اللهم أغفر له وارحمه واعف عنه واكرم نزله
رد مع اقتباس
  #5  
قديم 03-08-2009, 01:59 AM
mohamed ibiza mohamed ibiza غير متواجد حالياً
من انا؟: MOHAMED IBIZA
التخصص العملى: STUDENT
هواياتي: AUTOS
 
تاريخ التسجيل: Jul 2008
الموقع: AL-HARAM
المشاركات: 2,023
mohamed ibiza has a reputation beyond reputemohamed ibiza has a reputation beyond reputemohamed ibiza has a reputation beyond reputemohamed ibiza has a reputation beyond reputemohamed ibiza has a reputation beyond reputemohamed ibiza has a reputation beyond reputemohamed ibiza has a reputation beyond reputemohamed ibiza has a reputation beyond reputemohamed ibiza has a reputation beyond reputemohamed ibiza has a reputation beyond reputemohamed ibiza has a reputation beyond repute
افتراضي رد: تجربه شاقه في ال 405

ربنا يباركلك فيها يا نور كنا عاملين رحله شبه دي كده بس لشارم الشيخ بالابيزا

و حمدالله علي السلامه
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML متاحة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 10:58 AM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017