العودة   مصر موتورز مجتمع السيارات > منتديات السيارات العامة > منتدى السيارات العام

منتدى السيارات العام المنتدى الرئيسي بالموقع ، حيث يحتوي على كل المواضيع العامة عن السيارات نقاشات المنتدى اخبار السيارات فى مصر والخليج والعالم


إضافة رد
 
أدوات الموضوع
  #1  
قديم 16-04-2013, 01:45 PM
سيد عبيد سيد عبيد غير متواجد حالياً
 
تاريخ التسجيل: Jan 2011
المشاركات: 127
سيد عبيد is just really niceسيد عبيد is just really niceسيد عبيد is just really niceسيد عبيد is just really nice
انذار قواعد القيادة في مصر

قواعد القيادة في مصر تحت شعار " مانت كده كده ميت "

القاعدة 1:

لو عربيتك كبيرة أو قديمة، أستخدم المبدأ القانوني: اللي خايف على عربيته يوسع!!

ملحوظة: ابعد عن سكة العربيات المخرشمة ،
بيسوقوا بنظرية ضربوا الأعور على عينه!!

القاعدة 2:

قاعدة البوز بيز: اللي يدخل ببوز عربيته الاول للتقاطع هو صاحب أولوية المرور! احرص على أن تكون صاحب أول بوز.

ملحوظة: لا تطبق الـبوز بيز مع أي لوري أو أتوبيس، حرصاً على بوزك لا مؤاخذة.

القاعدة 3:

الإشارات تكشف نواياك للأعداء، أياك أن تستخدمها!

القاعدة 4:

لا تترك مسافة للأمان بينك و بين السياة التي أمامك فهذا له عدة مخاطر:

1. عربية ثانية حتملا الفراغ في ثواني و برضوه ما يبقاش فيه مسافة بينك و بين الي قدامك، كل الي كسبته انك اتأخرت لورا شوية.

2. حتدي فرصة للعيال يعملوا غرز قدامك.

3. كل المشاة حيغمضوا عينيهم و يعدوا من الحته دي.

4. الي وراك حيقعد يزمر - لو كان مؤدب -
أو تسمع شوية أسامي حيوانات لو كان سواق تاكسى- مؤدب - ،
أو حيخبطك من ورا لو كان سواق مشروع- و دول مفيش حد منهم اصلا مؤدب -

الإشارات مش معمولة علشان تنظم المرور ، معمولة علشان شكل مصر
يبقى متحضر بس!

اعتمد على العساكر ( مع تحملك كامل المسؤلية لو واحد منهم شاورلك تعدي و بلدياته الناحية الثانية فتح السكة للوري ) أو يفضل أن تستعمل البوز بيز ( راجع القاعدة الثانية ).

القاعدة 5:

اذا كنت مش واقف في الصف الأول في الاشارة اعمل حسابك تزمر بشكل متواصل و هستيري أول ما الأشارة تفتح، لأن الناس الي قدام بيبقوا واقفين في الاشارة من زمان و جايز جداً يكونوا ناموا!!

القاعدة 6:

معظم الحوادث تحدث في التقاطعات أول الأشارة ما تحمر، كل ما عديت الإشارة الحمراء أسرع كل ما قلت فرصة انك تتخبط!

القاعدة 7 :

الشارع مكان مقرف، سوق بأسرع ما يمكن حتى تتخلص من هذا الهم بسرعة، الناس الي ماشيين بالراحة مرضى نفسيين بيستمتعوا بالعذاب ، يستاهلوا الي يجرى لهم.

القاعدة 8:

من حقوقك الدستورية أن تركن أمام باب المحل الذي تريد أن تشتري منه، اذا سبقك واحد تيت و ركن قدام الباب، فمن حقك أن تقفل عليه و تركن صف ثاني أو ثالث، و مش مهم لو الشارع اتقفل، ايه يعني أما الناس تتعطل عشر دقائق علشان تستمتع بحقوقك الدستورية؟ هي يعني الدنيا طارت ولا كان وراهم الديوان؟

القاعدة 9:

من حقك أيضاً أن تخرج من مكان انتظارك في أي لحظة تشاء، اكسر الدركسيون شمال و اطلع، أي حد ماشي في الشارع لازم يقف لك فوراً، راجع البند السابق.

القاعدة 10:

إحترس من ثلاث أنواع من السائقيين بيسوقوا و كأنهم مستحيل يموتوا:

1. Computer Gamesالعيال الروشين الي بيلعبوا فاكريين إن ممكن يكسبوا زيادة لو ساقوا أسرع
Life
2. موتوسيكلات توصيل الطلبات ( Home Delivery ).

3. سواقين الميكروباص وتحتها 113 خط.

ملحوظة: إوعى تحاول تثبت لحد منهم إن فكرته غلط. فاهمني وبالذات رقم 3!!!.

القاعدة 11:

الرصيف ليس للمشاه، بل لركن السيارات و فرشات الباعة الجائليين و المحلات... الخ، لذلك يحق للمشاة السير في وسط الشارع، لمزيد من الأمان،

:D :D

وبكده يبقى انت اكيد اكيد اكيد ف مصر♥
__________________

رد مع اقتباس
  #2  
قديم 17-04-2013, 11:32 PM
AMRK AMRK غير متواجد حالياً
 
تاريخ التسجيل: Mar 2013
المشاركات: 10
AMRK is on a distinguished road
افتراضي رد: قواعد القيادة في مصر

نفس اللي بعمله بالظبط
رد مع اقتباس
  #3  
قديم 18-04-2013, 12:00 AM
الصورة الرمزية memo59
memo59 memo59 غير متواجد حالياً
 
تاريخ التسجيل: Feb 2013
المشاركات: 176
memo59 is a splendid one to beholdmemo59 is a splendid one to beholdmemo59 is a splendid one to beholdmemo59 is a splendid one to beholdmemo59 is a splendid one to beholdmemo59 is a splendid one to beholdmemo59 is a splendid one to behold
افتراضي رد: قواعد القيادة في مصر

هو ده حال المصريين
__________________

النفس تبكي على الدنيا وقـد علمـت *** أن السعادة فيهـا تـرك مـا فيهـا

لا دار للمرء بعـد المـوت يسكنهـا *** إلا التي كـان قبـل المـوت يبنيهـا

فـإن بناهـا بخيـر طـاب مسكنـه *** وإن بناهـا بشـر خــاب بانيـهـا

follow me on twitter https://twitter.com/m7md3li59

رد مع اقتباس
  #4  
قديم 18-04-2013, 02:23 AM
الصورة الرمزية Toyota Corolla
Toyota Corolla Toyota Corolla غير متواجد حالياً
من انا؟: أحمد محمد حسنين
التخصص العملى: Engineer at Ainshams University
 
تاريخ التسجيل: May 2010
الموقع: القاهرة
المشاركات: 1,057
Toyota Corolla has a reputation beyond reputeToyota Corolla has a reputation beyond reputeToyota Corolla has a reputation beyond reputeToyota Corolla has a reputation beyond reputeToyota Corolla has a reputation beyond reputeToyota Corolla has a reputation beyond reputeToyota Corolla has a reputation beyond reputeToyota Corolla has a reputation beyond reputeToyota Corolla has a reputation beyond reputeToyota Corolla has a reputation beyond reputeToyota Corolla has a reputation beyond repute
افتراضي رد: قواعد القيادة في مصر

[QUOTE=سيد عبيد;872625]

الإشارات تكشف نواياك للأعداء، أياك أن تستخدمها! و كمان بتستهلك كهربا

هههههههههههه أنا بعاني من الموضوع ده جدا و بالذات اللى يحدف من أقصى الغرب الى أقصي الشرق عشان يخش فى شارع فرعي
رد مع اقتباس
  #5  
قديم 18-04-2013, 02:44 AM
الصورة الرمزية reda310
reda310 reda310 غير متواجد حالياً
 
تاريخ التسجيل: Jul 2011
الموقع: المنصورة
المشاركات: 459
reda310 has a brilliant futurereda310 has a brilliant futurereda310 has a brilliant futurereda310 has a brilliant futurereda310 has a brilliant futurereda310 has a brilliant futurereda310 has a brilliant futurereda310 has a brilliant futurereda310 has a brilliant futurereda310 has a brilliant futurereda310 has a brilliant future
افتراضي رد: قواعد القيادة في مصر

موضوع جميل وقواعد مهمة معظم المصريين بيستخدموها الوقتى
وعليك اما تاخد جنب وتمشى على قواعدك القديمة وتوصل براحتك ويدينا ويديك طولت العمر
او تنقل للقواعد الجديدة دى وتبقى مصرى اصيل
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML متاحة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 09:56 AM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017