مشكلة غريبة في الأيمجراند

[Dr.EID]

مشكلة غريبة في الأيمجراند


لم أكن أرغب في أن تكون أول مشاركة لي هنا تتضمن وجود مشكلة بالسيارة ولكن كان لابد من طرح المشكلة للاستفادة من خبرات الأخوة المشاركين في المنتدى


تتلخص مشكلتي مع الأيمجراند في التالي


هواية التكييف مفتوحة رغم غلقها ، والهواء يدخل إلى مقصورة السيارة ومع بداية حرارة الجو أصبح هذا الهواء خانق لدرجة أنني بعد أي مشوار أشعر بتسمم مما يحمله هذا الهواء من أتربة وأبخرة قادمة من جهة الموتور


منذ استلام السيارة وهذه المشكلة موجودة والهواء يأتي حتى من بين أزرار التحكم في الزجاج !!



في صيانة الـ 10000 كم ذكرت المشكلة لمهندس الصيانة مينا ولكني لم ألح في الطلب حتى التأكد وقت صيانة الـ 5000 كم



الآن اقترب موعد الصيانة والمشكلة مازالت موجودة وأصبحت تؤرقني كثيراً


إضافة لمشاكل أخرى مثل زيادة استهلاك الوقود (أكثر من 10 لتر لكل 100 كم) وعلى الطريق السريع ، إنطفاء الراديو أو مشغل السي دي أحياناً بعد حوالي ساعة من تشغيله دون لمسه أو ضبط وضع معيت للتوقيت ـ وجود ماس أسمع صوته في سماعات الراديو أثناء رفع أو فتح الزجاج ـ ضعف عزم السيارة أثناء صعود المرتفعات على الطريق وحتى في طلعة الجراج وأتوقع وجود مشكلة في جوان الفرن مدخل الشكمان من ناحية الموتور أو في اسطوانة الدبرياج وربما يكون هذا الضعف ناجم عن مشكلة في دائرة الكهرباء



ملاحظة : أنا استعملت كثير من السيارات وكافة السيارات التي استعملتها من قبل لم يكن بها مثل هذه المشكلات على الإطلاق




آرائكم


!!!

[jojojojojo]

طبعا تروح لمركز الخدمه وتقلهم علي المشاكل ديه كلها ولو متحلتش تطلع علي جهاز حمايه المستهلك ع طول وربنا معاك

[ابو هيما]

بصراحة وماتزعلش منى يا دكتور عيد , انا شاكك فى صحة كلأمك وحاسس أنك مسجل جديد وداخل المنتدى عشان تشوه سمعة العربية , أنا قراءت فى منتديات كتير جداً عن السيارة فى مصر وسوريا وروسيا كمان ومفيش أى حد ذكر جزء من اللى أنت جاى بتحكى فيه , وأعتقد ان اللى بيمتلكوا السيارة ممكن يقولوا لك أكتر من كده كمان , سامحنى ده رائى الشخصى والزعل مرفوع

[reda310]

التوكيل هو الحل

[Dr.EID]

المشاركة الأصلية كتبت بواسطة ابو هيما بصراحة وماتزعلش منى يا دكتور عيد , انا شاكك فى صحة كلأمك وحاسس أنك مسجل جديد وداخل المنتدى عشان تشوه سمعة العربية , أنا قراءت فى منتديات كتير جداً عن السيارة فى مصر وسوريا وروسيا كمان ومفيش أى حد ذكر جزء من اللى أنت جاى بتحكى فيه , وأعتقد ان اللى بيمتلكوا السيارة ممكن يقولوا لك أكتر من كده كمان , سامحنى ده رائى الشخصى والزعل مرفوع

طيب .. أيه المطلوب مني علشان ما تشكش في الكلام ؟؟!!! .... لو كنت ساكن قريب من الجيزة ممكن تشوف العربية بنفسك

أما موضوع حماية المستهلك فإن شاء الله المشكلة تتحل في التوكيل وربما أذهب إليهم خلال 10 أيام لصيانة 5000 كم وبرضه هكتب هنا إللي حصل
وأشكركم على التفاعل مع الموضوع والهدف هو الآراء فربما يكون لدى أحد هنا خبرة في تحديد مصدر المشكلة