حاجة غريبة

[omar_saad]

السلام عليكم
الفترة الماضية ظهرت الكثير من السيارات الصينية من انواع مختلفة . لدرجة ان الواحد مش بيلحق يحفظ شكل نوع الا وبيلاقي الشكل الجديد نزل . ولكن يوجد ملحوظات هامة وغريبة:
اولا عدد الشركات والماركات الصينية كثير جدا . يعني بصراحة الزبون مش ملاحق وبالرغم ان ده جيد في المنافسة بين الشركات دي الا ان مفيش فرصة لشركة معينة انها تكون الاول بلا منازع . فهل معني كده ان كلهم هايكونو كويسين.
ثانيا لا يزال عنصر التقليد الاعمي بيخوف الناس . مش كفاية بقي تقليد وعربياتهم تبقي لها. تصميم خاص .
ثالثا ما ينتشر من السيارات الصينية في مصر هو اسوأها . باستثناء ال بي واي دي . فنجد سيارات مثل اسبرانزا واكله السوق طبعا بسبب التوكيلات ونجد حاجات تانية زي الجاك او فاو
مثلا مالهاش سوق.
من الواضح ان محدش هايقدر علي الصين بس لحد ما ربنا يكرمنا ان شاء الله ياريت اللي يوصلنا منها مايكونش اسوأ ما عندها.

[mhamdy75]

[mr_astra]

هى الاسبرانزا اتغير شكلها ؟؟؟؟
والعبرة بالوكيل

[omar_saad]

المشاركة الأصلية كتبت بواسطة mr_astra هى الاسبرانزا اتغير شكلها ؟؟؟؟ والعبرة بالوكيل

السلام عليكم
اعتقد ان شكل اسبرانزا لم يتغير . هي اساسا نفسها شركة شيري . وطبعا لما لقت موديل نجح "اسبرانزا" استغلت الموضوع وقامت بتسويقه علي انه نوع.
حتي لو الشكل اتغير والجودة بقت افضل فالوكيل لن ينزل بالشكل الجديد الا لما الناس تكون لاقت بديل افضل.
تماما زي غبور لما نزل امجراند لأن خلاص لاقي الفيرنا في منافسة شديدة جدا مع سيارات اخري مثل الصينية بي واي دي . طبعا لاقي افضل حاجة يضرب الصيني بالصيني . وكمان يستفيد من فارق السعر الكبير اللي هايجيله لأن طبعا انك تجمع صيني غير انك تجمع كوري . مش بس كده دا الراجل عمل حسابه من بدري ومنزلها اغلي من الفيرنا.
لله الأمر من قبل ومن بعد

[جمال عبدة]

المشكلة ياجماعة مش ف الصيني المشكلة ف التوكيل السيء والناس اللي بتعمل صيانة كذا مشاركة بتسب وتلعن في الصبانة دا غير التكلفة الباهظة الي بتندفع فيها كل دا وصاحب التوكيل نايم علي ودانة هم مش عارفين اللي بيحصل ف مراكز الصيانةعندهم ولا الربح اللي من الهوا عاميهم عن عن سرقة الناس عيني عينك