استفسار بسيط ارجو من اهل الخبره الرد !!!!

[hamada_amg]

بسم الله الرحمن الرحيم

اولا تحيه و تقدير منى لكل الناس اللى فى المنتدى الجميل ده
بجد اجمد منتدى شفته فى العربيات المصريه

ثانيا سؤال و ارجو من اهل الخبره الرد عليه

دلوقتى انا شاري عربيه من واحد يوم 2-7
و عملنا عقد ابتدائي بالبيع و الشرا
و الراجل ده مجدد العربيه و فاحص و كله تمام و الرخصه اصلا طالعه يوم 1-7
يعنى لسه الرخصه بشوكها

دلوقتى انا عايز انقل العربيه باسمي
و المفروض اننا هنعمل عقد البيع فى الشهر العقارى على طول من غير اي توكيلات
و مع العلم انى انا و صاحب العربيه و العربيه فى مرور واحد
يعني لا هو مرور و انا مرور و لا حاجه
هوه هو نفس المرور

بكده بقى بعد ما اعمل عقد البيع فى الشهر العقارى
عايز اغير اسم المالك فى الرخصه لاسمي
هل بقى كده لازم افحص برده العربيه رغم انها لسه فاحصه ؟ ونفس المرور ؟
و لا ايه الاجراءات اللى هتتم ؟؟؟؟؟
فبكده يبقى معايا منه عقد البيع مسجل فى الشهر العقارى و طبعا رخصه العربيه بس

عايز اعرف ايه الاجراءات المطلوبه منى و الورق
لحد ما اوصل لرخصه العربيه باسمي ان شاء الله
و شكرا للجميع

[حازم شاهين]

على حسب علمى نقل الملكية يتطلب فحص فنى تانى
و رسوم تانية لكن أقل
بس مش متأكد قد إيه

[hazem_khidr]

الف مبروك العربيه و ربنا يحميك من شرها
دلوقتي طالما رخصه العربيه ساريه و انت من نفس مرور العربيه
يبقي المطلوب منك و انت رايح
عقد البيع المسجل ف الشهر العقاري
و شهاده برءه الذمه الماليه(شهاده المخالفات)
و رخصه السياره .
و قبل ما تروح تفك اللوحات لانها حتتسلم و تستلمها تاني
و العربيه لازم حتتفحص فحص نقل الملكيه
و بعدين بتدفع شويه رسوم بسيطه اللي هيا تأمين اللوحات و اورنيك الكمبيوتر و نموذج الفحص
و نموذج 56 مرور و شويه اوراق حتدخل في حدود 50 جنيه مثلا.
و يضاف فتره الترخيص علي الرخصه عادي جدا
و اسف علي تأخير الرد لسه شايف الموضوع حالا

[على حسانين]

المشاركة الأصلية كتبت بواسطة hamada_amg بسم الله الرحمن الرحيم اولا تحيه و تقدير منى لكل الناس اللى فى المنتدى الجميل ده بجد اجمد منتدى شفته فى العربيات المصريه ثانيا سؤال و ارجو من اهل الخبره الرد عليه دلوقتى انا شاري عربيه من واحد يوم 2-7 و عملنا عقد ابتدائي بالبيع و الشرا و الراجل ده مجدد العربيه و فاحص و كله تمام و الرخصه اصلا طالعه يوم 1-7 يعنى لسه الرخصه بشوكها دلوقتى انا عايز انقل العربيه باسمي و المفروض اننا هنعمل عقد البيع فى الشهر العقارى على طول من غير اي توكيلات و مع العلم انى انا و صاحب العربيه و العربيه فى مرور واحد يعني لا هو مرور و انا مرور و لا حاجه هوه هو نفس المرور بكده بقى بعد ما اعمل عقد البيع فى الشهر العقارى عايز اغير اسم المالك فى الرخصه لاسمي هل بقى كده لازم افحص برده العربيه رغم انها لسه فاحصه ؟ ونفس المرور ؟ و لا ايه الاجراءات اللى هتتم ؟؟؟؟؟ فبكده يبقى معايا منه عقد البيع مسجل فى الشهر العقارى و طبعا رخصه العربيه بس عايز اعرف ايه الاجراءات المطلوبه منى و الورق لحد ما اوصل لرخصه العربيه باسمي ان شاء الله و شكرا للجميع

عقد المسجل فى الشهر العقارى بهذا العقد اتجه الى المرور مباشرتنا ولكن بعد ما تجيب برائه الزمه من المحكمه برقم العربيه
اطلع على المرور اسجب دوسيه عشان الترخيص ونقل ملكيه للسياره
الموضوع سهل
على حسانين
المحامى