|
|||||||
| سفارى وطرق اماكن تستحق الزيارة - سفارى - رحلات - طرق جديده او مختصره - طرق احذر منها |
 |
|
|
أدوات الموضوع |
|
|||||||
| سفارى وطرق اماكن تستحق الزيارة - سفارى - رحلات - طرق جديده او مختصره - طرق احذر منها |
|
|
|
أدوات الموضوع |
|
#1
22-10-2012, 03:08 AM
|
||||
|
||||
خالد خليفة الذى لا اعرفه
السلام عليكم . الحقيقة انا لا اعرفه على الاطلاق اول مرة شوفته كان فى توقيع احد الاعضاء. كنت بادور على حاجة بخصوص ال 127 فدخلت على مصر موتورز ولقيت احد الاعضاء حاطط صورته استغربت ولم التفت لانى كنت مستعجل وبعدين شفته تانى ومع الصورة كلمات رثاء قلت جايز قريب احد الاعضاء او صديقه كده يعنى . بعد فترة حبيت المنتدى واشتركت فيه وابتديت اقرا المواضيع لقيت موضوع اظن كان عامله عضو من المنصورة ( استاذ محمد )عن الطرق فى مصر وبعدين رد عليه عضو (د بلبل ) وقال له كده هنتحتاج خالد خليفة هو ادرى بالطرق فالكلام شد انتباهى عملت سيرش فى المنتدى عن مواضيعه لقيت كتابه ادب الرحلات قريت شوية ولما شدنى نزلته pdf .
الحقيقة انا اتفاجئت ورغم ان الكتاب حوالى 400 صفحة ورغم انى لااحب قراءة المواضيع الطويلة الا ان الكلام شدنى جدا وابتديت اسهر كل يوم عليه وبعدين ابتديت اكلم ناس معايا فى العمل عنه . تصدقوا فى واحد كذا كذا وكان بيعمل كذا فيستغربوا ولما يعرفوا انه توفى كانوا بيترحموا عليه وواحد منهم طلب الكتاب على فلاشة وبقى مبسوط قوى ( صدق المثل القائل السيرة اطول من العمر ) . الحقيقة مش عارف اقول ايه فى حاجات علمت فى دماغى منها طريقة سرده للمواضيع ـ ادبه الجم ـ اخلاقه العالية ( نحسبه على خير ولانزكى على الله احد) . كذلك ظرفه وحس الفكاهة لديه وطبعا موسوعة السكك الحديد اللى عنده وكثرة اسفاره فى البلد من شرقها لغربها لدرجة لقيته شارح مدينتى واهم مايمزها رغم انها مدينة صغيرة فى الدلتا ـ مثلا انه كان بياخد معاه ازايز ميه ساقعة عشان الناس تشرب فى القطر ( صعبة قوى دى مين بيعمل كده النهارده ) ولما الراجل فى القطر خد الاكل كله والميه وزعهم وهو ملقاش حاجة يفطر بيها معقول ياناس؟؟؟؟؟ لما شاف الراجل فى القطر بيحضن الست اللى معاه وقام واعترض واتاخد اسبوعين فى امن الدولة مين النهارده بيعمل كده كله بيقول ياعم انا مالى وده والله سبب ضياعنا البنات قاعدين يلفوا فى الشوارع فى احضان العيال ومش عارفين نقولهم حاجة ليقولك اهوه بتوع الامر بالمعروف ـ كذلك لما صاحبه طلبه عشان يجيله يصالحه على مراته فعلا طخ مشوار وساب شغله وراح لابوها واخوها الفتوة كان هيضربه مين بيعمل كده ـ كله كوم ولما كان بيحمل الناس من الشارع معاه فى عربيته الملاكى والست اللى معاها المشنة ؟؟؟؟ ايه ده صعبة قوى قوى لا مش ممكن دا الواحد مننا بيحسس على عربيته واه لو بنتى وسخت الفرش باديها على دماغها ـ تواضعه مع الناس وبياع الشاى فى المحطة ومش عايز يوريه العربية لحسن الواد يتحرج ويخجل منه المؤتمرات اللى كان بيعملها فى القطار دى جزء مهم جدا فى الكتاب واستفدت منها كتير ـ حرصه على اداء الصلاة حتى صلاة الفجر مع انه جاى من مشوار سخن ولف طول النهارفى اربع محافظات فى يوم برضة يوصى العامل فى الفندق يخش يصحيه فى الفجر ـ كمان سعيه على اكل عيشه بهذه الطريقة يعنى العطور والاراضى ويلف هنا وهنا معملش زى الشباب هذه الايام ( والله انا عندى شباب بيشتغل اذا مكنتش اصحيه من النوم الظهر ميجليش الا العصر واذا كان عاجبك ) ـ شجاعته واقدامه ويروح مع البدو مشوار فى الصحرا ويتوهوا ؟؟ ايه ده دا الواحد بيطلع على الطريق الزراعى يقول وحياة غربتى . ـ احترامه لوالديه وتقديره لهم الراجل ده ياجماعة من علامات المنتدى فعلا انا مش عارف اقول ايه ولا ايه ولا ايه عموما الله يرحمه الله يرحمه الله يرحمه اللهم اسكنه فسيح جناتك وصبر اهله واصلح ذريته واجمعنا به فى دار مقامتك اللهم امين
__________________
لا اله الا انت سبحانك انى كنت من الظالمين 
|
|
#2
22-10-2012, 04:23 AM
|
||||
|
||||
|
رد: خالد خليفة الذى لا اعرفه
ربنا يرزقنا وإياه الجنة
كان رجُل نحسبهُ على خير والله حسيبه ووالله أُشهدُ الله إنى أحبه فى الله برغم إنى لم اراه فى حياتى ربنا يغفر لي وله ولسائر المؤمنين
__________________
بسم الله الرحمن الرحيم سؤال على بال كل شاب أو رجل يُريد أن يتزوج كيف اختار الزوجة التي ستظل معي طوال العمر اوووووووعة تفكر كتير شاهد هذة الحلقة وبأذن الله تأخذ القرار الأخير وذلك مع فضيلة الشيخ أبي إسحاق الحوينى الحلقة بجد راااااااائعة والله طبعا الحلقة (مرئية) وبمساحة خيالية
|
|
#4
22-10-2012, 07:38 AM
|
||||
|
||||
رد: خالد خليفة الذى لا اعرفه
http://masrmotors.com/vb/showthread.php?t=51807
__________________
لا اله الا انت سبحانك انى كنت من الظالمين
|
|
#5
22-10-2012, 08:32 AM
|
||||
|
||||
|
رد: خالد خليفة الذى لا اعرفه
انا كمان لم اقابل الراجل ده و مع دلك كتابه شدنى جدا .... مثال لعمل الخير
ربنا يرحمه و يرحمنا جميعا
__________________
|
|
|
|
