نصيحة فى شراء باسات

[mshamy]

المشاركة الأصلية كتبت بواسطة نمر الساحة السلام عليكم ورحمة الله وبركاته فى الحقيقة انا سعيد بإنضامى ضمن اعضاء المنتدى الكرام وكنت اريد أخد إستشارة هامة من حضراتكم ملاك وأصحاب الباسات لانى على وشك شراء تلك السيارة وكنت حابب اعرف افضل موديل " اتوماتيك " من 2006 الى 2010 لانى سمعت عن مشكلة فى نوعية الفتيس الخاص بموديلات معينة لكن لم أتمكن من معرفة التفاصيل فما هو أفضل موديل للسيارة أى موديل ماتور بالتحديد ممكن يعمل بنزين 92 بدون مشاكل وايضاً هل قطع غيار السيارة هيختلف ثمنه بإختلاف سنة الموديل فى خلال 2006 الى 2011 " اتوماتيك " علما بأن الميزانية الحالية هى 165 الف جنيه وشكرا مقدماً لحضراتكم

وعليكم السلام ورحمة الله وبركاته
المشاكل اللي في الفتيس ظهرت مع نزول المحركات ال 1400 تربو يعني من أواخر موديل 2009..و المشاكل بتنحصر في حاجتين 1- قطعة الميكاترونكس 2- طقم الدبرياج
قبل كده يعني 2006 الى منتصف 2009 العربية كانت بتنزل بمحرك 1600 FSI بس شرط اساسي 95 علشان تاخد اداء منه انك تحط 95 غير كده بتبقى العربية بطة بلدي
هناك فرق رهيب في الأداء ما بين المحركين طبعا لصالح ال 1400 تربو
لو حضرتك عجباك الباسات من هذا النوع(1400 تربو) و عايز تشتريها حيبقى بشروط أساسية
1- أنها تكون فابريكة كلها (ما تكونش حتى راشة إكصدام)
2- أنها تكون بتعمل صيانات منتظمة في التوكيل
3- يستحسن إنها تكون غيرت وحدة الميكاترونكس علشان الجديده ما بتبوظش بسهوله
العربية طالما سليمة و بتعمل الصيانات بانتظام في التوكيل يبقى هما ملتزمين باصلاحها حتى لو انتهى الضمان طبقا لسياسة الشركة الأم