انا لسه مشترى سايبا 2009 امبارح الحمد لله

[Islam Samir]

المشاركة الأصلية كتبت بواسطة AboNoRa بص هو مفيش كلام العزل مش وحش .. هو مش موجود اصلاً لا الحوض معزول ولا الكابينة تعتبر معزولة فهو صوت البرايد وخاصة الايرانى عالى شوية فعلاً وخاصة لان ظبطة سلانسية الموتور عالية مش زى الكورى (الايرانى على 900) والكورى على (700) بس هو موضوع الصوت عموماً تقديرى يعنى لازم تسمع اختها علشان تعرف اذا كان صوت بتاعتك عالى ولا ده الطبيعى بتاع العربيه لكن حضرتك زى ما ذكرت بتشتكى من صوت ورجة مش صوت بس فقالولك ايه على الرجة طيب ؟؟؟ وبالنسبة للميكانيكى ممكن اوصفلك واحد بس فى جسر السويس .. للاسف معرفش حد من المعادى

هما قالولى ان الصوت و الرجه عادى ؟؟
بس انا فعلا محتاج اقعد فى اختها عشان اتأكد .. بس فرضا لو لقيت اختها مش كده هعمل ايه؟؟ .. اذا كان التوكيل بتاعها اللى مش شغال فى حاجة غير فيها قاللى عادى؟؟ .. و بعدين حكاية التزييقة اللى فى الدبرياج فى الاخر قالولى السلك سليم و زى الفل و محتاج يتزيت .. و مشيت من عندهم ولا كأنى عملت حاجة؟؟ .. بفكر اعملها عند اى ميكانيكيى و خلاص
لكن العربية فى المجمل مريحانى من ساعة ماجبتها ولو اتطمنت من موضوع الرجة و الدبرياج هتبقى مثالية بالنسبة للفئة دى..
صحيح .. هو حضرتك معاك 2006 اللى هى انجكشن؟؟ .. ولو كده يا ترى هى هى بتاعتى من حيث مكونات الحوض ؟؟ .. وهل قطع غيارها اللى هى مش مشتركة مع البرايد القديمة موجودة ؟؟ و فين؟؟ .. عشان انا قالولى فى ناشيونال موتورز ان فى حاجات معينة مش موجودة غير عندهم!!!
و ياريت اسم الميكانيكى و عنواه حتى لو فى جسر السويس .. مدام كويس و فاهم فى العربية
و متشكر جدا يا باشا

[hamaad]

اهلا بيك فى مصر موتوز ومبروك على السيارة الجديدة يديك خيره ويكفيك شره ويبعد عنك شر الناس ويبعدك عن المطبات ويكفيك شر الحوادث ان شاء الله سوال صغير هو حضرتك جبت السيارة زيرو هل جبته من عند ناشينوال موتورز وشكرا ودمت بود

[Islam Samir]

المشاركة الأصلية كتبت بواسطة hamaad اهلا بيك فى مصر موتوز ومبروك على السيارة الجديدة يديك خيره ويكفيك شره ويبعد عنك شر الناس ويبعدك عن المطبات ويكفيك شر الحوادث ان شاء الله سوال صغير هو حضرتك جبت السيارة زيرو هل جبته من عند ناشينوال موتورز وشكرا ودمت بود

لا انا جبتها استعمال عاملة 15 الف كيلو
و خلى بالك ان اصلا ناشيونا موتورز فسخت العقد بينها و بين سايبا .. و كل طرف بيلقى اللوم على الاخر .. الشركة بتقول الوكيل لم يحقق طموحاتها فى السوق .. و الوكيل بيقول انهم غلوا السعر فجأة و بما يخالف العقد !!!
بس هى ان شاء الله نازلة انتى الكام شهر الجايين دول مع وكيل جديد ان شاء الله
بس الامريكان يسيبوا ايران فى حالها و مايضربوهاش

[sherif sadeek]

السلام عليكم
مبروك العربيه كنت عاوز اسئلك سؤال العربيه بتعمل كام معاك فى البنزين وهل طريق التوكيل صعب ولا سهل توصله ولما تكلمت مع بتاع المخزن معرفتش الريموت لو باظ ممكن نلاقى غيره وهل كنت فى الضمان ولا خارجه وكام التلفه غليين ولامعقولين معلش انته بس الى اعرفه راح التوكيل وباين عليك بتحاول تخدم لوجه الله زينا معلش تانى طولت ارجو لك السلامه وشكرا.

[Islam Samir]

المشاركة الأصلية كتبت بواسطة sherif sadeek السلام عليكم مبروك العربيه كنت عاوز اسئلك سؤال العربيه بتعمل كام معاك فى البنزين وهل طريق التوكيل صعب ولا سهل توصله ولما تكلمت مع بتاع المخزن معرفتش الريموت لو باظ ممكن نلاقى غيره وهل كنت فى الضمان ولا خارجه وكام التلفه غليين ولامعقولين معلش انته بس الى اعرفه راح التوكيل وباين عليك بتحاول تخدم لوجه الله زينا معلش تانى طولت ارجو لك السلامه وشكرا.

و عليكم السلام .. الله يبارك فى حضرتك
العربية بتعمل فى القاهرة و الزحمة (لانى ماسافرتش بيها لسه) 8 لتر لكل 100 كيلو
اما بالنسبة لطريق التوكيل فهو فى 6 اكتوبر .. حضرتك هتروح هناك (ميدان الحصرى مثلا) .. ومن هناك تسأل فين المنطقة الصناعية .. ولما توصل عندها اسأل فين مصنع دايو اللى فى المنطقة الصناعية ال 12 -اللى هو دلوقتى اسبيرانزا- الشركة فى ضهره على طول (ناشيونال موتورز)
اما بالنسبة للريموت فهو عندى بايظ و ركبت وولف انذار و سنتر -كويس و سعره 150 جنيه بالتركيب-
اما بالنسبة للضمان فا انا خارج الضمان لكن سعرهم معقول بالنسبة لتوكيل (خدو منى 240 جنيه فى تغيير فلتر هواء و بنزين و تيل امامى و كشف و تربيط عفشة)