بانغل.. المصمم الأكثر ثورية في العالم.. غادر BMW

[Nour_peugeot]

تسلم يا سام علي امنتك و علي نقل الموضوع الرائع ده

و علي راي حازم مفيش شركه علي واجه الارض مغيرتش نمط تصاميمها

[fadynabil]

المشاركة الأصلية كتبت بواسطة hazem_khidr كريس بانجل رغم اني من المعترضين علي تصميماته و فعلا بي ام دبليو سيارتها اختفت ملامحها بس اساسا بي ام ملامح سيارتها مكنتش حلوه خالص الفئه الخامسه موديل 77 بالمقارنه بالتمساحه من مرسيدس مثلا الزد3 عجبتني لانها مكنتش ثوريه لكن الزد 4 قبيحه

إعتراض شديد جداً جداً جداً جداً
بقي معقول بي إم ملامح سيارتها مش حلوه ... بجد حرام عليك أنا مش مصدق أنا عمري مسمعت حد بيقول الكلام ده
د أنا بشوف أي عربيه بي إم جايه ورايا في المرايا ... بوسعلها بحس إنها جايه تاكلني

هوه حضرتك مشفنش الفئة الثالثة مو ٩٩ ٢٠٠٠ ٢٠٠١ ولا إيه

ولا الخامسة الجديدة ولا السابعة ولا إيه ولا إيه ..... بجد أنا مش عارف أرد أقول إيه ...ptmnlo123per144

ولا يمكن تويوتا وتصميماتها الميكروباصاتية الملعبكة .... أو سبرانزا وأشكالها الهلاميه هيه اللي محتاجة تاخد ...... جايزه !!!

بجد أنا مشفتش عربيه ل بي إم من ساعة ما إتولدت شكلها مجننيش .... بجد براڤو بانغل

[فادى]

يحسب لبانغل انو الوحيد اللى ابتدى يغير فى شكل عربية المانية, و خلاها فيها جديد, عكس الشركات الألمانية الاخرى اللى بتغير التصميم بشكل بسيط بطريقة الدفع الزمنى لا أكثر.
يعنى بورش من ساعة ما عملوها لحد دلوقتى هى هى نفس الفوانيس و نفس الشكل مع خطوط انسيابية مضافة من ان لأخر لاعطائها بعض العصرية.
مرسيدس نفس الطابع من الخمسينات,
فولكس و اودى بلا ملامح, فقط خطوط سخيفة و مكررة و بلا روح.
و كلها بصراحة عربيات سخيفة.
بى ام كانت نفس الفكرة, لحد ما جه بانغل, صحيح انو بعض تصميماته كانت مبالغ فيها بس قدر يغير شوية و يخرج بى ام من نفق التصميم الألمانى السخيف.
المانيا و اليابان فى رايى بيتنافسوا حول جائزة أسوأ التصاميم و أسخفها, لكن بانغل خرج بى ام من المعادلة.

[hazem_khidr]

المشاركة الأصلية كتبت بواسطة fadynabil إعتراض شديد جداً جداً جداً جداً بقي معقول بي إم ملامح سيارتها مش حلوه ... بجد حرام عليك أنا مش مصدق أنا عمري مسمعت حد بيقول الكلام ده د أنا بشوف أي عربيه بي إم جايه ورايا في المرايا ... بوسعلها بحس إنها جايه تاكلني هوه حضرتك مشفنش الفئة الثالثة مو ٩٩ ٢٠٠٠ ٢٠٠١ ولا إيه ولا الخامسة الجديدة ولا السابعة ولا إيه ولا إيه ..... بجد أنا مش عارف أرد أقول إيه ...ptmnlo123per144 ولا يمكن تويوتا وتصميماتها الميكروباصاتية الملعبكة .... أو سبرانزا وأشكالها الهلاميه هيه اللي محتاجة تاخد ...... جايزه !!! بجد أنا مشفتش عربيه ل بي إم من ساعة ما إتولدت شكلها مجننيش .... بجد براڤو بانغل

دي وجهات نظر يا فادي ولولا اختلاف الاذواق لبارت السلع
مش شرط ان حاجه تعجبني تعجبك و العكس

[sam ram]

انا عموما بحب تصميمات بي ام ... من فتره التمانينات .. يعني حتى من قبل بانغل ..
خصوصا الفئه التالته ..
طبعا الفئه التالته الجديده ... وحش ..
والفئه الخامسه تجنن ..
لكن مبطيقش اي عربيه رودستر لبي ام .. من اول ال Z1 لحد ال Z8 ... بلا استثناء
او على رأي محيي اسماعيل .... جمعاااااااء

ال z 1 بحس انها بتقول انا عربيه غبيه .. و ال z4 فوانيسها شكلها واحد نايم على نفسه ... اما ال Z3 و ال Z8 فهما ما بين الاتنين ...

عصابه البلهاء ptmnlo123per178
THE Idiot Gang

الغريبه على اد ما بحس ان الرودستر شكلها غبي .. بحس ان بقيه الموديلات وحوش فعلا .. و ليهم شخصيه واضحه وخطوط قويه طاغيه... وفوانيس ...مرعبه ... خصوصا الفئه التالته و الخامسه ...
اوعدنا يا رب ptmnlo123per1127