مشاهدات في أيام الإنتفاضة

[islam_galal]

السلام عليكم ورحمة الله وبركاته
أسئلة لمن أراد أن يتفكر
- إلي من تابع و قرأ تصريحات وزيرة الخارجية الأمريكية (هيلاري كلينتون) ، ما هي إنعكاساتها علي أوضاع مصر (في الـ 24 ساعه بعد كل تصريح).
- التصريحات الأمريكية الرسمية اليوميه عن الوضع بمصر ، ما الغرض منها
- ما هي الدول التي تعاطفت مع التظام بمصر ، رتبها طبقا لشدة التعاطف
- هل حدثت تفجيرات في أملاك الإخوة المسيحيين في أيام إنعدام وجود الشرطة
- بماذا تسمي إنسحاب هيئة الشرطة من كل الخدمات الشرطية
- بماذا تسمي إنقطاع النت و شبكات الموبايل
- هل توقعت الإنتفاضة بهذا الحجم

[sad-bird]

المشاركة الأصلية كتبت بواسطة islam_galal السلام عليكم ورحمة الله وبركاته أسئلة لمن أراد أن يتفكر - إلي من تابع و قرأ تصريحات وزيرة الخارجية الأمريكية (هيلاري كلينتون) ، ما هي إنعكاساتها علي أوضاع مصر (في الـ 24 ساعه بعد كل تصريح).

اولا انا ضد كلامها هيا او اوباما او بلير او المبعوث بتاع امبارح مش فاكر اسمه ايه
لأن ده شان داخلي مصري وهما عاوزين مصيبة ويشبعوا فيها لطم ويا احب ما على قلبهم ان حد يقولهم علشان خاطري تعالو الحقونا هوب تلاقي قاعده امريكية عندك في البحر الاحمر والمتوسط واحنا بنحميكم ونبقى عراق تاني

المشاركة الأصلية كتبت بواسطة islam_galal - التصريحات الأمريكية الرسمية اليوميه عن الوضع بمصر ، ما الغرض منها

في البداية الغرض منها تهدئة الوضع علشان متأثرش على مصالحها الشخصيةو المكاسب اللي حققتها عبر السنين من مصر والنظام القديم
ثم وجدت ان الوضع بدأ في الانقلاب 180 درجة على عكس ما كان متوقع فرأت ان تكون بجوار الكفة الرابحة وهي كفة الشعب ثم تتحولت صيغة الخطابات من خطابات بادرة لا تحمل معاني حتى تحولت في اللهجة الي خطابات تحمل صبغة التهديد للنظام المصري ( على الرغم من انه تغير فعليا حتى وان لم يتغير في الوجوه )

المشاركة الأصلية كتبت بواسطة islam_galal - ما هي الدول التي تعاطفت مع التظام بمصر ، رتبها طبقا لشدة التعاطف

اللي اعرفه ومتأكد منه هو موقف الشعوب وليس موقف الدول لان موقف الدول على صعيد رسمي ومفيش حاجة رسمية نثق فيها

المشاركة الأصلية كتبت بواسطة islam_galal - هل حدثت تفجيرات في أملاك الإخوة المسيحيين في أيام إنعدام وجود الشرطة

طبعا لأ لان وقت المظاهرات الأولى كان الكل همه واحد ومكنش فيه مشجعي الفتن اما في حالة الفوضى ابتدء من يوم الجمعة طبعا مكنش ينفع التفريق بين المسلم والمسيحي لان كلهم واخدين نفس اللون ولابسين نفس اللبس وبيهتفوا نفس الهتاف

المشاركة الأصلية كتبت بواسطة islam_galal - بماذا تسمي إنسحاب هيئة الشرطة من كل الخدمات الشرطية

مؤااااااااااااااااااااامر ة مدبرة لصالح من الله اعلم اتمنى ان نجد اجابة قريبا

المشاركة الأصلية كتبت بواسطة islam_galal - بماذا تسمي إنقطاع النت و شبكات الموبايل

غباء حتى وان ظن متخذي القرار انها وسيلة لمنع التواصل لانه كان اصلا تم التواصل له بالفعل لان الدعوة ليوم الجمعة كانت من اول ما مظاهرة الثلاثاء بدأت تنفض امنيا وكمان القنوات الفضائية ذات الاجندات المغرضة بتزود الموضوع

المشاركة الأصلية كتبت بواسطة islam_galal - هل توقعت الإنتفاضة بهذا الحجم

في البداية لأ لكن مع منتصف يوم الثلاثاء كنت بقول ربنا يستر لان اللي بيحصل فوق مقدور اي جهاز امني في العالم ولو زاد اكتر من كده هتصبح مجزره وهيبقى البقاء للأقوي وبصراحة كنت متوقع ان الجيش يدخل قبل يوم الجمعة واللي زود الموضوع اكتر حالة التجاهل من الرئيس للشعب 4 ايام قبل اول اعلان او تصريح يقوله لكن الحمد لله من امبارح ورئيس الوزارة الجديد وبعض الوزراء موجودين على اي قناة تطلبهم ( طبعا قدر المستطاع لان زي ما مطلوب ظهورهم برضة مطلوب يروحوا يلحقوا حجم الخراب اللي بيحصل

[د0تامر محمد]

أ0إسلام العزيز عودا حميدا فى البداية
أبدأ معك من آخر سؤال والإجابة لا 00 فى مدينتنا لم يكن أحد يدرى عن هذه الوقفة شىء ولم يهتم أحد وعندما زرت الزقازيق يوم الجمعة الماضى فوجئت بالجموع المحتشدة ومررت من بينهم بالسيارة وأنا أشير لهم وأحييهم ولظروف العمل وشىء من السلبية لم أنضم إليهم إلا بالتشجيع والهتاف معهم من سيارتى وقد تعذبت فى عودتى لظروف تحويل وإغلاق الطرق بواسطة الشرطة

بماذا تسمي إنقطاع النت و شبكات الموبايل
لا بديل عن كلمة غباء

بماذا تسمي إنسحاب هيئة الشرطة من كل الخدمات الشرطية
مؤامرة مؤامرة ويجب أن يعدم المسئول عنها بتهمة الخيانة العظمى

- هل حدثت تفجيرات في أملاك الإخوة المسيحيين في أيام إنعدام وجود الشرطة
لم أسمع ولم يحدث من قبل فى مدينتا التى تحوى كنيسة أم كبيرة وعدد لا بأس به من أخوتنا منهم من علمنا وربانا وعالجنا ومنهم أصدقاء

- ما هي الدول التي تعاطفت مع التظام بمصر ، رتبها طبقا لشدة التعاطف
من تعاطف مع النظام هو كل مستفيد داخليا وخارجيا وكل من يخاف أن يحدث له مثل ما يحدث بمصر
ولا أحد يتعاطف مع مصر إلا رجالها وشبابها الذى كون مجموعات شعبية تدافع عن امنها

- التصريحات الأمريكية الرسمية اليوميه عن الوضع بمصر ، ما الغرض منها
أمريكا شيكا بيكا

أنا مع التغيير 00قلبا وقالبا أنا مع رحيل النظام وكفاية لكن مع بقاء الرئيس حتى نهاية فترته لضمان الإستقرار وثبات الأسعار والإقتصاد وعدم الإنهيار المفاجىء وعدم القفز على السلطة ودعونا نأخذ الوقت البسيط المتبقى للتفكير العميق فى مستقبلنا ومستقبل أولادنا بشرط تعديل دستورى شامل وإعادة إنتخابات وجمعية وطنية من الحكماء والأحزاب والجماعات والمنظمات لوضع تصور كامل للمرحلة المقبلة وضمان حيادية ونزاهة الإنتخابات وفى شهر
نوفمبر القادم نختار رئيس شرعى ممن يرشحون أنفسهم ولست من البداية مع أى مرشح للحزب الوطنى ولو كان والدى شخصيا

تحية لشباب مصر العظيم فى ثورته البيضاء وأنا معكم ومع كل مصرى شريف سيخرج مرة أخرى لو كان هناك إلتفاف أو خداع او تسويف وعندها ستكون ثورة عارمة
هذه وجهة نظرى وأحترم كل من يختلف معى بشدة وقد أكون مخطئا ولمصر كل سلام وأمان ولكل ثائر حر ألف تحية

[sad-bird]

المشاركة الأصلية كتبت بواسطة د0تامر محمد أأنا مع التغيير 00قلبا وقالبا أنا مع رحيل النظام وكفاية لكن مع بقاء الرئيس حتى نهاية فترته لضمان الإستقرار وثبات الأسعار والإقتصاد وعدم الإنهيار المفاجىء وعدم القفز على السلطة ودعونا نأخذ الوقت البسيط المتبقى للتفكير العميق فى مستقبلنا ومستقبل أولادنا بشرط تعديل دستورى شامل وإعادة إنتخابات وجمعية وطنية من الحكماء والأحزاب والجماعات والمنظمات لوضع تصور كامل للمرحلة المقبلة وضمان حيادية ونزاهة الإنتخابات وفى شهر نوفمبر القادم نختار رئيس شرعى ممن يرشحون أنفسهم ولست من البداية مع أى مرشح للحزب الوطنى ولو كان والدى شخصيا تحية لشباب مصر العظيم فى ثورته البيضاء وأنا معكم ومع كل مصرى شريف سيخرج مرة أخرى لو كان هناك إلتفاف أو خداع او تسويف وعندها ستكون ثورة عارمة هذه وجهة نظرى وأحترم كل من يختلف معى بشدة وقد أكون مخطئا ولمصر كل سلام وأمان ولكل ثائر حر ألف تحية

: THUMBS~220::T HUMBS~220:

اتفق معك يا دكتور تامر يا بلدياتي ياللي معرفش لغايه دلوقتي انت في اي مدينة
لكن الثورة اخيرا اطلق عليها ثورة الجمال حيث ان الجمال عرف عنها الصبر كثيرا لكن عند الثورة على من حولها لا يستطيع احد ردعها وهذا كان حال الشعب المصري

المشاركة الأصلية كتبت بواسطة islam_galal السلام عليكم ورحمة الله وبركاته أسئلة لمن أراد أن يتفكر - إلي من تابع و قرأ تصريحات وزيرة الخارجية الأمريكية (هيلاري كلينتون) ، ما هي إنعكاساتها علي أوضاع مصر (في الـ 24 ساعه بعد كل تصريح). عم اسلام حمدلله علي السلامه يا زعيم وربنا ما يعود ايام الجهل وقطع النت ديه تاني وبالنسبة للنعجه دوللي قصدي هيلاري كلينتون انها ماشيه مع التيار يعني في بداية الثورة كانت مع حسني طبعا لانها كانت عارفه اننا شعب جعجاع كلمتين ونمشي لكن لما الوضع تطور بعد يوم الجمعه ابتديت تيجي في صف الشعب علشان طبعا هيه ديه سياسه اليهود - التصريحات الأمريكية الرسمية اليوميه عن الوضع بمصر ، ما الغرض منها الغرض منها طبعا ومفيش غيرانه يجي واحد موالي ليهم يمشي تحت طوعهم زي اخينا الله يعدي الفترة بتاعته ديه علي خير - ما هي الدول التي تعاطفت مع التظام بمصر ، رتبها طبقا لشدة التعاطف طبعا الكويت والسعودية واليمن واسرائيل قبل منهم ومحدش هيموت من اللي بيحصل ده قد اسرائيل وده يثبتلنا ان قد ايه حسني كان مدلعهم ومركبهم علينا كلنا الله يسامحه - هل حدثت تفجيرات في أملاك الإخوة المسيحيين في أيام إنعدام وجود الشرطة ده بردك يثبتلك ان مين اللي كان ورا المصايب اللي كانت بتحصل ديه علشان في الاخر يلزقوها ياما للاخوان يا لفلسطين يا لتنظيم القاعده مينفعش ابدا ان الموساد يكون وراها او هما بالاخص يكونوا وراها ربنا ينتقم منهم - بماذا تسمي إنسحاب هيئة الشرطة من كل الخدمات الشرطية سياسة عليا ومنسحبش كدا بمزاجه وعلي فكرة هيظهر خلال اليومين اللي جايين دول مين السبب في انسحابه وطبعا انسحب علشان يرعب البلد وفتحوا السجون بزمتك يا حاج اسلام في حد يهرب من السجن يروح يسرق ويحرق ويقتل وينهب قبل ما يروح لاهله يطمنهم عليه ديه خطه منظمه ومدبرة من الشرطة نفسها والنظام علشان البلد تقول فين ايامك يا حاج حسني لما كنا بنام واحنا مطمنين ونرجع نلطم زي الولايا علي يوم من ايامه هيه ديه السياسه - بماذا تسمي إنقطاع النت و شبكات الموبايل اسميه خوف وجبن من الشعب المصري وده تخلف في حد ذاته لان في اختراع اسمه بلاك بيري بيوصل الناس ببعض من غير نت ولا خط واديك شوفت امبارح كان العدد قد ايه في ميدان التحرير بس من غير نت ولا حاجه - هل توقعت الإنتفاضة بهذا الحجم

عمري ما كنت اتوقع اللي بيحصل ده لاني كنت متاكد ان الشعب المصري ده شعب جبان عمره ما هيقدر يجمع اكتر من 5000 واحد يقولو لا والباقي نايم في بيته