عاجل محتاج مشورتكم في شراء رينو

[krim71]

بس بجد شكلها غريب اوي مش طبيعي... في السعر اللي انت بتقول عليه فيات 132 احسن عربية من حيث الشكل و الفخامة بس ربنا يعينك على تكاليف البنزين بقى P:

[hossamhussein0]

عربية 100% و متينة جدا و قطع غيارها ببلاش ارخص من اي فيات (128 و 127 ) و موجودة في كل حته و معمرة جدا و كل ما تتخيله فيه منه تركي و فيه منه فرنساوي و فيه منه تيواني و صيني و فيه منه استيراد فرنساوي اصلي و هي موفرة جدا في البنزين و حمالة اسيه ، بس خللي بالك ليكون اصلها كانت اجرة و تبقي بويتها حلوة من برة بس حالتها الحقيقية و حشة و خصوصا صوت الموتور لا بد و ان يكون ناعم ،،،، و علي ما اتذكر فيه منها موتور 1200 و موتور 1400 و ده الافضل و بيركب عليه فتيس الـ 18 السريع الستة غيار يعني دي معلومة خليها في بالك لو حبيت في المستقبل و كمان فيه فلانشات جاهزة عند الخراطين بتحول الصرة الثلاثة مسمار الي 4 مسمار و ساعتها تقدر تركب جنوط لو حبيت ،، برضه معلومة ثانية خليها في بالك ،،،، المهم انك تراعي بيض المقصات و تهتم بيه و متخليش العربية مشبوحة من الخلف علشان ما تضغطش علي العفشة من الامام ،،،،

و أحب اقول لك سيبك من اللي بيقولو شكلها حلو و شكلها وحش ده تفكير سطحي و كان هقولك معلومة كويسه (فيه منها فوانيس و شبكة يطلق عليها اسباني ) بتيق العربية باربعة فوانيس مستطيلين من الامام كلهم في نفس مستوي الكبوت و بيتخلي شكلها تحفة

و هناك سايت اتذكره رائع لعشاق تلك السيارات

www.1418.net

بالنسبة للسعر فاعتقد ان عشرة كويس جدا و ممكن تلاقي موديل 80 في حدود 12 و تكون حلوه برضهptmnlo123per154

و الف مبروك مقدما ،،،، أحسنت الاختيار ،،،،

[الصيداح]

انا عندي رينو 12 موديل 97
السيارة معمرة وقطع غيارها رخيصة ومتوفرة وأنا أعرف أحد المحلات عنده كل صغيرة وكبيرة في هذا النوع داتشيا
ربما يكون شكلها غبي شوية لكنها واسعة وعائلية حلوة جدا

[hossamhussein0]

المشاركة الأصلية كتبت بواسطة الصيداح انا عندي رينو 12 موديل 97 السيارة معمرة وقطع غيارها رخيصة ومتوفرة وأنا أعرف أحد المحلات عنده كل صغيرة وكبيرة في هذا النوع داتشيا ربما يكون شكلها غبي شوية لكنها واسعة وعائلية حلوة جدا

اعتقد ان سيادتك تقصد 79 مش 97 لانني اود ان الفت انتباه الزميل الي ان الرينو 12 اخر النتاج لها كان 82

[الصيداح]

مش عارف ايه هي الرينو 12
بس أنا كنت فاكر إن هي الداتشيا
أنا عربيتي داتشيا 97 مش عارف بقى إذا كانت هي رينو 12 ولا لأ
أنا كنت فاكر إن هي رينو 12
بس بتاعتي 97
عموما أنا أقصد إنها ليست سيئة بل عملية