تقييم النترا 2012 من واقع تجربتك لها بعد دخولنا علي أزيد من ست شهور علي نزولها الأسواق

[asyl84]

المشاركة الأصلية كتبت بواسطة ahmedelbannan مش هقدر افيدك قوى فى سعر و فئات الخليجى لأنهم كتير احسنلك تخطف رجلك لأى معرض كبير و تعرف الأسعار و الكماليات (انا اتعاملت مع اوتو سمير عشان عندهم كل الوكيل و الخليجى بضاعه حاضره و سعرهم كويس) و لو مكسل كلمهم فى التليفون هيجابوا على كل استفساراتك . اما بالنسبه لسؤال الفرق بين الخليجى و الوكيل 1- فى فرق فى السعر من 3000 - 4000 جنيه بعد الخصم الى بيتعمل على المحلى و اضافه الضمان ال 3 سنين الى عملته عند شركه تريبل ايه (رأى شخصى ان الوكيل مش هايدينى اى حاجه ذياده). 2- فروق بسيطه فى وش العربيه الخليجى الحليات الى فيها كروم فى الوكيل بلاستيك مرشوش فضى 3- حليه كروم فو مقبض الفتيس ده مش موجود فى الوكيل 4- طراره دركسيوم و مقبض فتيس جلد طبيعى غو الوكيل عادى 5-الكاست بلوتوث 6- غطاء للكنسول و ده مش موجود فى الوكيل * فى ناس بتقول ان العربيات الخليجى بتبقى البويه بتاعتها اقوى و تكيفها اشد بس انا مش مقتنع بالكلام ده و بعدين العربيات الهيونداى ديه كلها من الأردن اتمنى انى اكون رديت على سؤالك و لو فى اى سؤال تانى انا تحت امرك

انا بدور على خليجى بس اول فئة اتوماتيك لان الصراحة يهمنى انى اجيب اقل سعر حاليا محدش يعرف مكان بيبيع خليجى اول كاتيجرى اتوماتيك وسعرها كام

[Dr.Mezo]

متاااااااااااااابع

[3bdo]

المشاركة الأصلية كتبت بواسطة asyl84 انا بدور على خليجى بس اول فئة اتوماتيك لان الصراحة يهمنى انى اجيب اقل سعر حاليا محدش يعرف مكان بيبيع خليجى اول كاتيجرى اتوماتيك وسعرها كام

عليك وعلى اوتو سمير ريان احسن معرض خليجى فى مصر

[asyl84]

المشاركة الأصلية كتبت بواسطة 3bdo عليك وعلى اوتو سمير ريان احسن معرض خليجى فى مصر

عندة بـ130 الف هاى لاين وجابر عبد الشهيد عندة بـ144الف

[esam_ayad]

المشاركة الأصلية كتبت بواسطة ahmedelbannan * فى ناس بتقول ان العربيات الخليجى بتبقى البويه بتاعتها اقوى و تكيفها اشد بس انا مش مقتنع بالكلام ده و بعدين العربيات الهيونداى ديه كلها من الأردن

طيب ممكن حضرتك تقولنا تكييف عربيتك عامل معاك ايه في الحر ده؟
وهل هو قوي ولا متوسط ولا ضعيف؟

وفي استفسار تاني: حضرتك قصدك علي العربيات الخليجي هي اللي بتيجي من الأردن ولا ايه قصدك لأني اعرف ان الخليجي بتيجي من اكترمن مكان يعني في سعودي وفي كويتي وهكذا.