مشاكل تاجير السيارات ؟

[Ammon]

انا انصحكم ان محدش يأجر عربيه الا للضرورة القصوى جدا جدا جدا جدا جدا
يعني ما تأجرش عربيه الا لو كان في كارثة ها تحصل لو ما أجرتش العربية ..
أو انك تأجر عربيه من واحد يكون معرفة شخصيه .. او شخص مقرب
لأن اللي بيروح يستأجر بيمضي على ورق ياما
وممكن لاقدر الله تكون العربيه فيها حاجه من الاول ولما تروح ترجعها يشيلك الليله كللها

[ابو يمني]

علي فكرة صاحب المعرض ملوش حق يأخذ شيك خالص لأن المستأجر مؤتمن وليس ضامن اي ان المستأجر يعامل معاملة من اودعتة امانة فأذا تلفت منة دون اهمال او تقصير فليس علية شئ ولا يضمن (اي يعوض صاحب السيارة) الا باهمال ولتوضيح المعني اكثر انت استأجرت سيارة وسرقت منك فأن كنت قد اغلقتها جيدا وذهبت فليس عليك شئ اما اذا كنت اهملت وتركتها مفتوحة وبها المفتاح فانت مهمل ويلزمك تعويض صاحب السيارة والله اعلم

[طارق عبد السلام]

الموضوع بيتوقف على الاتنين صاحب المكتب وده لازم تروح له على سمعته يعنى يكون امين
وايضا المستأجر يجب ان يحافظ على السياره
انا لى صديق فاتح مكتب ايجار وانا شبه عايش اغلب المشاكل دى لو المستأجر مكتبش وصل امانه
على نفسه بيجيب العربيه ويرميها للمكتب ومتعرفش تكلمه وبردوا لو صاحب المكتب معندوش ضمير بيستغل وصل الامانه غلط يعنى الوصل ده حق لمكتب الايجار المحترم لاكن غير المحترم متأجرش من عندوا اصلا
صديقى ده اغلب السيارات عنده موديل السنه او اقل سنه او اتنين بالكتير اقسم بالله هناك من يستأجرالسياره ومجرد مابيطلع بعيد عن المكتب حرق للماكينه وللكاوتش انتقام يعنى علشان دافع 200 جنيه عايز يدمر عربيه ب140 الف جنيه وفيه كتير بيرجعوا عاملين حوادث لولا وصل الامانه هيرميها لصاحب المعرض لاكن دايما بيكون التعامل بضمير يعنى تكلفه الاصلاح وعطله العربيه والاخوه اللى بيقولوا التأمين موضوع التأمين والتوكيل ده بيأخد وقت طويل وكل ده على حساب المستأجر يعنى اصلاحها بره اوفر
هى العمليه كلها المكتب لازم يكون سمعته طيبه وبردوا المستأجر يعرف انه راكب عربيه سعرها غالى فلازم يحافظ عليها لاكن لا قدر الله لو حصل للعربيه شىء فمن اتلف شىء فعليه اصلاحه
يعنى لو واخد العربيه يوم مثلا ب200 جنيه وخبط العربيه ورجعها لصاحبها تخيل العربيه هتروح لسمكرى وبعدين دوكو والعربيه هترش دوكو يعنى سعرها نزل لو هى فبريكه كل ده عطله وخساره بردوا لصاحب العربيه فلازم كل واحد يحفظ حقه ؟؟ مش صح بردوا نقول اللى لينا واللى علينا

[ahmed zawawy]

السلام عليكم
كل الناس واخده فكره وحشه اوي عل صحاب مكاتب الايجار انا بقالي 7 سنين في مجال تاجير السيارات وعمري مرفعت ايصال امانه واحد وليه فلوس بره كتير جدا
بالاضافه ان سيارات الايجار في البيع بتخسر اكتر من النص دي في حاله لو مشتريها زيرو وكاش ولو قسط انته ونصيبك في الخساره بالاضافه لو العربيه عملت حادثه جامده يبقي ربنا يستر
انا ليه واحد صاحبي بيع فيرنا 2008 نص كماليات ب 29000 جنيه ده بعد المصاريف الي صرفها عليها
كل الي انا حكيته ده لو المكتب بيراعي ربنا وضميره ومبياذيش حد وبياخد فلوس علي قد الحادثه والواقفه وبيصبر علي الناس الي معهاش فلوس
الصوره التانيه لمكتب الايجار لو مبيرعيش ربنه ولا ضميره كل الخساره الي فاتت دي تتحول مكسب ازاي عربيه عملت حادثه متامن عليها ياخد فلوس تمن الحادثه اكنها حتتعمل في التوكيل ووقفه العربيه ويروح يعملها في التامين ببلاش ويدعي ان العربيه تيجي مخبوطه وتلاقيه كمان معتمدها يعني لما يسلم العربيه لصاحبها ملوش دعوه بيها انشله تتباع ب 10000 جنيه ميهمهوش وكسب من وراها اد كده
ولا في ضمير ولا امانه هي دي الناس الي مسوئه سمعه مكاتب الايجار
واسف علي الاطاله واي شخص يريد اي استفسار بامانه عن الموضوع واي تفاصيل عنه بالنسبه للورق او ماشابه ذلك انا تحت امره

[amrou_samir]

الايجار سهل جدا فى الخليج يعنى تروح شركة الايجار تمضى عقد يديك عربية تعمل مشاويرك كلها وترجعها كل حاجة سهلة لو اتخبطت تيجى الشرطة تعمل محضر تحدد المتسبب فى الحادث المتسبب ياخد ورقة حمراء والمتضرر ياخد ورقة خضراء فى كل الاحوال التامين شامل على كل السيارات وهو متكفل بالتصليح.
فى مصر كل حاجة صعبة لان مفيش قانون ولو فى قانون لايطبق وطبعا مفيش تامين وفى ناس عاوزة تسرق مثلا بعض مكاتب الايجار يشترط توقيع شيك بقيمة السيارة كاملة دية سرقة وفى نقطة مهمة الثقة بتعمل تنمية وانتعاش فى السوق والناس كلها تشتغل وتستفيد وعدم الثقة يؤدى الى الركود الاقتصادى والبطالة و................ وشكرا