احسن طرق تنظيف الموتور و ماحوله داخل حوض السيارة

[toti1975]

الاخوة الافاضل...
بعد التحية
انا عربيتى لانوس1 مو 99 و كان خرطوم العمة اللى طالع من فلتر الهواء اتقطع و انا بصراحة مبفتحش الكبوت منذ فترة طويلة و كمان الاويل سيل اسفل الكويل كان جايب زيت فغيرت الاثنين الحمد لله بس كنت عاوز اعرف طريقة كويسة لتنظيف الموتور و الحوض و ماحوله لان المنظر اصبح سيئ جدا من التراب و الزيت الملتصق بكل حاجة..
هل الفوم احسن ثم تركه شويه ثم استخدام الهواء للازاله ؟ ام الماء المضغوط وسوائل التنظيف ؟

[احمد على 1999]

معظم عبوات الفوم مكتوب عليها لازم الشطف بالميه

روح البنزينة ( الافضل اخر نفسك العربية تبرد شوية حتى كويس للطنابير عشان متلوحش )
غطى الكويل بكيس ناشف من معاك
و رش كل اثار الزيت و الطين بالجاز رشة كويسة يسيبه شوية يحل التكتلات
يشطف بالميه كويس ( بقدر الامكان مينشنش على الفيش و سلوك البوجيهات )

[محمد فيصل]

ممكن الدخول بالسيارة بعد التغطية كما ذكر م.احمد على
ورش الحوض كله بسبراى سيلو وليس فوم ثم هواء مضغوط وغير موجه بقوة على الاسلاك وبقوة على باقى الحوض
السيلو ليس فوم ولكن سبراى لتنظيف الحوض بالكامل من اى اثار زيت او شحم

[أبومازن333]

المشاركة الأصلية كتبت بواسطة محمد فيصل ممكن الدخول بالسيارة بعد التغطية كما ذكر م.احمد على ورش الحوض كله بسبراى سيلو وليس فوم ثم هواء مضغوط وغير موجه بقوة على الاسلاك وبقوة على باقى الحوض السيلو ليس فوم ولكن سبراى لتنظيف الحوض بالكامل من اى اثار زيت او شحم

إيه هو سبراي سيلو ؟ وأجيبه منين ؟ ممكن التوضيح وصورة لو أمكن

[zing0]

بص يا ريس أنا مريت بتجربة بنت تيييييييييت
طلعت أرش حوض العربية و الراجل غطى الإسبراتير (الإشعال عندى عادى مش الكترونى) بس الكيس اللى الباشا غطى بية طلع مخروم, و قضيت اليوم كله فى الشارع + طقم كهربا كامل جديد

عاوز ترش حوض العربية, أفضل طريقه عن تجربة
بالبنزين فقط, بشرط المكنه بارده و تعملها بنفسك مش محتاجه بنزينه
حط البنزين فى زجاجة بلاستيك بتاعة بيبسى أو مياه معدنية و إخرم الغطا و أقلب الإزازة و إضغط عليها, و ركز على أماكن الزيت و التراب, و ممكن تستخدم فرشاة دهان نظيفه مع البنزين. و بعد متروق الحوض كله سيب الكبوت مفتوح لحد ما البنزين يطير, هتلاقى العربية بقت فل و بدون أى مشاكل بإذن الله .
و أى خدمه