عربيتي كانت هتتسرق:(

[handtools123]

أنتى كده خوفتينى أنا سايب زقزوقه بتاعتى لوحدها فى الشارع خايف حد يتعرض لها ويتهجم عليها ويحاول يخطفها من أهلها ويكلمنى عشان يطلبو فدية ربنا يستر عليها ويحميها

وألف حمدلله على سلامة زقزوق

[.EhAb]

يا جماعة انتو ليه ظالمين الحرامى. يمكن هى العربية زهقت من المكان و كانت عايزة تخرج شوية مع عربية 128 . و قضت مشوارين و رجعت. و حمدالله على سلامتها

[خالد دبي]

المشاركة الأصلية كتبت بواسطة mar mar قام احد الاشخاص بسطو مسلح علي عربيتي المدعوه زقوزق اه والله حاولوا يسرقوها بس حرامي نتن اوي يعني جانبها النتر 2012 والناحيه التانيه تريوس وقدمها لوجان وساب كل دول وبص علي عربيتي ال 127 اولا دخل مفتاح وحاول يدورها فكسر المفتاح جوا فقام فاتح الكابوت وفصل الاسلاك وحاول يشغل الماتور بايدوا ولله اعلم دارت ولا لا بس انا واختي بنزنقها يعني بنخلي الناس تقفل عليها جوا الحاره بتاعتنا اموت واعرف كان هيخرجها ازاي المهم لما فشلت محاولات واللي اظنها انها دارت معاه بس معرفش يخرجها راح سارق الفوانيس اللي قدم والذ ما في الموضوع انه لما خرج من العربيه قفل الباب تاني وراه ودتها للمكانيكي طبعا زق لانه كاسر المفتاح جوه المكانيكي من الساعه 10 لحد 6 مش عارف يدورها لحد ماجابو كهربائي وبعد العمليه خرج المكانيكي هو والكهربائي من غرفه عمليات الللي فيها زقوزق وقالوا فلوسكم حلال العربيه دي كانت هتسسرق يعني هتسسرق لولا ربنا طلعت انا واختي علي بتاع الكولين غيرنا اكوالين وركبنالها انزار دلوقتي لو دبانه وقفت عليها هتصوصو اللي غايظني انه قعد يحاول فيها كتير اوي يعني كان واخد راحتوا علي الاخر واللي غايظني اكتر ان في عربيها شكلها بالظبط ونفس الموديل ومش مزنوقه وكان هيعرف يطلعها ومتلمستش نصيب بقي ربنا يبعد اي حرامي عنكم

ههههههههههههههههه معلش نصيب والحمد لله جت على فوانيشس زقوزق اعتقد ان التسميه الصحيحه زقزوق مش كده بس طريقه سردك للموضوع دمها خفيف والله كنت لسه صاحي من النوم وشفت الموضوع قعد اضحك على طريقه السرد حرامي عبيط فعلا بس والله هوا ربنا عماه مش موضوع عبط بس وسلامه زقزوق

[hamaad]

حمد الله على السلامة زقزوق

[محمد فيصل]

قدر الله وما شاء فعل
الحمدلله على سلامة زوقوزق

اللهم احفظنا جميعاً من شر السلب والنهب