حقك علينا يا ريس

المشاركة الأصلية كتبت بواسطة BASSEM BESO كل اللى انت بتقوله ده صح يااحمد بس ده فساد حكومى وتنفيذى مش نظام بأكمله واقولك نقوله حقك علينا ليه : - طوال 30 عاما فى امن وسلام . طبعا امن وسلام ما احنا بنتركب من الامريكان والاسرائليين ومنقدرش نقولهم علي حاجه لا فلازم طبعا نعيش في امن وسلام - طوال 30 عاما فى تقدم مستمر . بامارة ان في مناطق كتير جدا لسه الميه والمجاري مدخلتهاش ولا الكهربا واتفرج علي محمود الليثي وبرنامج واحد من الناس وانتا تعرف الكلام اللي انا بقوله ده كويس - طوال 30 عاما فى ازدهار وتطور . بامارة ايه اكيد المنتجات الصيني هيه السبب ان ملكش اي اختراع بيتصدر حتي للمنوفيه - طوال 30 عاما فى عدم تدخل فى شؤون مصر . مش محتاجه حد يدخل لان احنا اساسا مبنتكلمش علشان حد يدخل عاملين زي الاب اللي بيروق ابنه بالضرب كل يوم الواد مبيفتحش بقه حتي يعيط الجيران هيدخلو ما بين الاب وابنه ليه - طوال 30 عاما فى تطوير الصناعه والأستثمار . صناعة ايه يا راجل يا طيب هو الصين خلت لينا اي صناعه ده حتي شركة نصر قفلوها - طوال 30 عاما فى حب وتأمين مصر . اكيد قصدك مصر للتامين مش تامين مصر يا عم الحاج سيبك من الشعارات ديه اللي جابتنا ورا - طوال 30 عاما فى حريه . يبقي المظاهره ديه ناس مفترية واحنا عايشين في حرية لابعد الحدود ولا حد بيعتصم قدام مجلس الشعب بالشهور ولا حاجه احنا بلد 10/10 - طوال 30 عاما فى محاوله جاده فى طرد الفساد . عندك حق ده حتي معين احمد عز علشان يحاربه - طوال 30 عاما رئيسا وقائدا عظيما لمصر . يا زعيم مش هوا لوحده اللي حارب والله والدي شارك في الحرب وخرج من الجيش يا مولاي كما خلقتني وكل اللي عمله في اكتوبر ولا حاجه اتشالته وانا معرفش لمصر رئيس غيره ولا عايز اعرف والرجل عمل كل مافى وسعه من محاربه للفساد والقضاء عليه ومننساش ابدا يااحمد انه بطل وقائد من ابطال حرب اكتوبر العظيمه فميستهلش ابدا اللى يتعمل فيه كده ابدا

كان علي الاقل كرم الناس اللي حربة وهيه خارجه ومن ضمنهم ولدي خليني ساكت يا باسم بدل ما اخترق حظر التجول واجيلك اطلع كل القديم والجديد عليك ههههههههه

[sawy22]

المشاركة الأصلية كتبت بواسطة corsair ممكن بس اعرف يا جماعه حقه علينا في ايه بالظبط في السرطان اللي ملا البلد ولا الالتهاب الكبدي الوبائي ولا الظلم ولا الفساد ولا الرشوه ولا الزرع اللي بيتسئي بالمجاري ولا الديكتاتوريه ولا السجون اللي اتفتحت علينا ولا الرصاص اللي اضرب علينا ولا علي التزوير ولا علي ايه ولا علي ايه انا علي فكرة عمري ما كنت تابع لحزب او اي تيار سياسي بس انا فعلا بقول كفايا كدا ولا اقوله حقك عليا ولا يقولي حقك عليا حقنا عند ربنا هو اللي هيجبهولنا كلها 8 شهور وربنا يتوب علينا من اللي بنشوفه ده

اخي الفاضل
لابد وان نعتذر لرجل قادنا 30 سنه في سلام ولو علي الفساد تقدر تقولي انت او غيرك حاول يغير ايه قبل المخطط اللي بيحصل للبلد الغريب ان كل واحد فينا عارف ان البلد دي عمرها ما هتوقع غير بالفتنه وبرضه كالعاده كلنا بنسخن بسرعه من غير ما نفكرة انا طالع مع مين او بنادي بايه وبعدين سرطان ايه وكبد وبائي ايه انا معرفكش واتحداك لو عندك حد من قرايبك عنده اي من هذة الامراض

كفايه يا ناس البلد بتقع ولازم كل واحد فينا يساعدها علشان توقف علي رجليها تاني الناس اللي اتدمرت محلاتها واماكن اكل عيشها والشوارع لازم ننضفها

والاجنده اللي الناس اتدربت عليها في الخارج ب 500 دولار في اليوم ترحم نفسها شويه لانك مش هتلاقي مكان يشيلك غير ارض بلادك

نعم للاستقرار ولا للدمار انا اسف يامصر واسف ياريس

(( وحشتينا يا مصر ))

انا نفسي اعرف ليه مش راضي يعدل المادة 88 من الدستور اللي بتدي رجال القضاء مهمة الاشراف علي الانتخابات ولا احنا هنفضل طول عمرنا عايشين في تزوير

[sam ram]

من مقال لابراهيم عيسى في الدستور

انتشرت ربات البيوت فى المحطات الفضائية المصرية الخاصة المملوكة عمليا لمباحث أمن الدولة ويديرها كما هو واضح ضباط يعملون بعد الظهر مذيعين ومدراء محطات تحلل خطاب الرئيس مبارك وتقول إنه كان عظيما حيث أعلن الرجل عن اصلاحات والحقيقة أن هذا التفكير إذا كان مقبولا من ربات بيوت طيبات غير مثقفات فهو يصبح عندما يخرج من أفواه كهنة ومداحين ومنافقين جريمة تضليل تضاف الى جرائمهم المتتالية فالمؤكد أن مبارك لم يقل أنه لن يرشح نفسه فى الانتخابات القادمة بل قال أنه لم يكن ينتوى الترشيح لمدة قادمة، ونحن نعرف جميعا بما فينا المنافقين أنه قال أنه باق معنا حتى آخر نبضة وأن ابنه كان ملصوقا على ملصقات الدعاية التى روجها له رجال أعمال فسدة وآفاقون ممن يصطحبون نجل الرئيس وممن يديرون الآن حملات الهجوم البلطجى على المتظاهرين ضد مبارك، ثم إن الرئيس لم يذكر كلمة واحدة فى خطابه على أن هذه هى فترته أو مدته الأخيرة بل كان يصفها بالفترة الحالية ولم يقل الأخيرة، ثم من يضمن لنا وعود مبارك فكلها أوهام وأضاليل على مدى ثلاثين عاما (هل تتذكرون وعده بإنتخابات حرة نزيهة؟ هل تتذكرون وعوده لمحدودى الدخل ؟) سنجد أنفسنا إذن بعد شهرين ثلاثة وقد وقف مئات من أعضاء الحزب الوطنى فى قاعة يهتفون بالمطالبة بترشيح الرئيس فتغرورق عيناه بالدموع ويعود عن قرار عدم ترشحه ويرشح نفسه بناء على رغبة الجماهير!
أما تعديل المادتين ستة وسبعين وسبعة وسبعين فهذا والله عين المراوغة والالتفاف فمن سيعدل هاتين المادتين ؟ مفيد شهاب وفتحى سرور ورمزى الشاعر ومحمد الدكرورى ؟
يا خبر أسود وهل لايزال هناك فى بلدنا عبيط يصدق هؤلاء أو يطمئن إليهم؟
وكيف سيتم تعديل المادتين مثلا ، هل سيفتح باب الترشيح لكن يقفلوا الشبابيك؟ ويقللوا من عدد المطلوب أصواتهم لتزكية مرشح مستقل من 250إلى 225مثلا ؟
كيف يمكن بالفعل لعاقل أن يتصور أن يكون ما طرحه مبارك يحمل أى ذرة من أمل فى استكمال رئاسته ؟
أما المزاح الطريف فى خطاب الرئيس فهو كلامه عن البرلمان حيث أن الرئيس نفسه الذى نفحنا حتة دين خطبة منذ شهر يتكلم فيها عن روعة انتخابات مجلس الشعب وقوة الحزب الوطنى ونزاهة الانتخابات وجمالها وخفة دمها وخضار عيونها فإذا به يقول الآن انه سيحترم أحكام القضاء ببطلانها ، يا فرحتى ، ثم الأهم هنا هو ومن قال أن انتخابات جديدة فى الدوائر المطعون فيها سيكون نزيها وحرا ؟ ما هى الضمانة أساسا وهل مجرد تنفيذ الصفقة القديمة بمنح الأحزاب الأليفة السخيفة ثلاثين مقعدا أو أربعين معناها أنها انتخابات بقت حرة والبرلمان فلة ؟
هذا استخفاف بالناس لكن تعمل إيه وربنا العظيم من فوق سبع سموات قال لنا أن فرعون استخف قومه فأطاعوه وهذه النطاعة التى يتعامل بها منافقو ومؤيدو ومنتفعو الرئيس فى برامج العاشرة والتاسعة والثامنة ماهى إلا طاعة للفرعون !
أما المأساة فى خطاب الرئيس فتكمن فى قناعته التى يصمم عليها وهى قناعة مضللة ومزورة فى تصوير أن المظاهرات تحولت إلى عصابات نهب وسلب ، فالذى أمر الداخلية وقواتها بالانسحاب هو وزير داخلية مبارك والذى أطلق العصابات والبلطجية والفوضى فى البلد هو وزير داخلية مبارك وهى مسئولية يتحملها مبارك شخصيا ولا يمكن للضمير ولا للتاريخ أن يغفر له هذا الحريق الذى اشعله فى مصر ، قل لى يا سيادة الرئيس ماعلاقة المظاهرات فى ميدان التحرير بانسحاب العساكر والشرطة من مطار القاهرة ؟
هذه خطة تمت بعلمك أو يغير علمك لكن تتحمل مسئوليتها فى الحالتين حين قررت الداخلية بث الفوضى والرعب فى قلوب الناس حتى تضللهم زعما بأن الفوضى سببها المظاهرات ، المجرمون فى وزارتك وحكومتك هم المسئولون عن إلقاء الرعب وبث الفوضى فى الشارع المصرى وكون الرئيس يخرج مصمما بمنتهى الفظاعة تلبيس المظاهرات مسئولية الفوضى فهو ما يؤكد أنه لا أمل فى إصلاح منه وحتى لو أن بعض الناس من شعب القناة الأولى وبرامج العهر الساسى فى قنوات رجال الأعمال صدقوا خرافة أن الفوضى سببها المظاهرات فهذا لا يعنى إلا أن البلهاء لا مكان لهم فى صناعة مستقبل بلادهم !
إن مبارك يقول فى خطابه أنه يريد أن يموت ويدفن فى مصر ولا أجد مانعا واحدا لذلك ، ما علاقة تنحيه بأن يموت خارج مصر أو يدفن فى غير أراضيها ، فليبق فى بلده آمنا مطمئنا مدفونا فيها كرئيس مصرى سابق تنحى عن الحكم ، وكأنه لو تنحى لن يعيش فى بلده ولن يموت فيها ؟ من قال له هذا ، نحن نطمئن سيادته أنه لا يمر على خيال أى معارض أو متظاهر ضده أن يطالب بعدم موته فى مصر أو دفنه فيها ثم إن الأعمار بيد الله ولا شأن لنا بهذا الأمر وأطال الله عمر الرئيس ومتعه بالصحة والعافية بعيدا عن مقعد الرئاسة !
أما أن يعتبر البعض أن تنحى مبارك إهانة له فهذا كلام فارغ يهين الشعب المصرى ويهين الديمقراطية كأن تنفيذ إرادة الشعب إهانة وكأن إستقالة رئيس موضوع يهينه ، بعض المرضى الذين يروجون أن التنحى إهانة لا يتذكرون أن جمال عبدالناصر وهو زعيم جماهيرى حرر مصر من الملكية والاحتلال قرر التنحى بعد هزيمته الساحقة فى سبعة وستين وخرج ببيان تنحى لم يقل بنى آدم فى الدنيا أنه إهانة لعبدالناصر بل كان اعترافا بالمسئولية عن التقصير وقرر فيه أن يعود مواطنا وجنديا إلى صفوف الجماهير لكن الجماهير ذاتها التى خرجت بالملايين تطالب بعدوله عن التنحى رغم انه المهزوم المكسور ، لماذا ؟
لأنها كانت تصدقه أما جماهير مصر الآن فهى لا تصدق مبارك !

http://dostor.org/editorial/11/february/2/35820

هل نثق في كلامه الان بعد 30 سنه .....
مش هو اللي قال
سيبوهم يتسلوا

ولا نسينا خلاص !!!!

[lol64]

هاتتعدل يااحمد بس ربنا يستر علينا الفتره دى والله يااحمد البلد هاتضيع وماسكين ناس انا شفتهم دلوقتى بباسبورات اجنبيه ومش مصريين ومعاهم متفجرات ومنشورات بتتوزع