سؤال لملاك الميجان، ليه بتبيعوها برخص التراب

[maxim82]

المشاركة الأصلية كتبت بواسطة AboNoRa ربنا يباركلك فيها يارب ويكفيك شرها ،،، واضح من كلامك انك بتحب العربية جدا ومهتم بيها وديه اهم حاجة تخلى فيه عشرة طيبة بينك وبين عربيتك ايوه عشرة لان العربية زى الزوجة الى حد ما والميجان تحديدا فى راى عاملة زى بنت الناس الذوات اللى عايزة تعامل بشياكة وحرص دائمين وبالطبع تصرف عليها كويس زى علشان تديك اداء وخدمة ترضيك المشكلة ان بايو مش عايز كده بايو وغيرة من اصدقائى اللى شوفتهم بيشكوا من العربية ديه عايزين (ست) او عربية بنت بلد حمالة قسية وتعيش باى حاجة يعنى بلغة العربيات الميجان عايزة عربية معروف تاريخها او جديدة قطع غيار اصلية دعم فنى وصيانة من متخصصين فى السيارة حتى قائد السيارة لازم يكون قارى كفاية عن الخواص والمزايا المعقدة اللى فيها استخدام معقول وقيادة طبيعية (لان العربية مش معمولة للخدمة الشاقة او للقيادة الرياضية) فالطبيعى ان مش كل الناس تقدر او تحب انها تعاشر (ست) او عربية محتاجة النوع ده من المعاملة لاكن مش معنى ده انها وحشة او كارثية ومالكيها مفيش قدامهم غير انهم يتخلصوا منها باى سعر ارجوا ان اكون وفقت فى شرح وجهه نظرى ومحدش يتدايق من كلامى او من المثال الغريب ده ptmnlo123per1127

انا لية واحد صاحبى مات فى العيد الفطر الى فات فى طريقة الى شرم الشيخ و كان راكب ميجان و العربية مش نافعة تانى و هوة اتشوى و مات و الغريب انة سواق ماهر جدا يتمتع بقيادة جامدة و كان معاة لانسر و باعهاو اشترى ميجان و اول مرة يركبها فى طريق مفتوح و سريع و اللة يرحمة
بجد الموضوع دة مش حوار دة صحيح و هو صديقى و هوة من اسكندرية

[ringoo]

المشاركة الأصلية كتبت بواسطة maxim82 انا لية واحد صاحبى مات فى العيد الفطر الى فات فى طريقة الى شرم الشيخ و كان راكب ميجان و العربية مش نافعة تانى و هوة اتشوى و مات و الغريب انة سواق ماهر جدا يتمتع بقيادة جامدة و كان معاة لانسر و باعهاو اشترى ميجان و اول مرة يركبها فى طريق مفتوح و سريع و اللة يرحمة بجد الموضوع دة مش حوار دة صحيح و هو صديقى و هوة من اسكندرية

دة قضاء ربنا ومكتوب له انه يتوفى بالطريقة دى الله يرحمه ويدخله فسيح جناته
ولاحظ انك بتتكلم على عربية واخدة 5 نجوم فى اختبار التصادم الاوروبى يعنى العربية ليس لها دخل فى الموضوع

[ahmedmohelsayed]

شكرا يا بايو على الرأي الصريح ptmnlo123per171
والمعلومات المفيدة
"انت نورت المحكمة"

[12345smsm]

بصراحه انا مش عارف اقلك ايه علي صرحتك
انا كنت هشتري بعد اسبوع سياره مجان 2005
بس بعد الي شفته لله الحمدمش هشتري خالص
اشكرك اخي الكريم وتقبل خالص تحياتي

[shamstec]

ياجماعه انا شاكر ليكم جدا انا كنت هاشترى ميجان لكن كده مستحيل كنت هادبس انا عايز عربيه تريحنى مش اريحها وتتعبنى
والف شكر مره اخرى