|
|||||||
| BMW رغم ما تعرضت له الشركة من ازمات كثيره اخرها ازمة شرائها لروفر الانجليزية الا انها مازالت تؤكد على ريادتها فلسلفتها الخاصة فى سيارتها التى تجمع بين الجمال متعة الاداء اشترت حقوق رولز رويس الانجليزية بالاضافة الى مينى ومن اشهر سيارتها BMW X5 X3 M6 M5 7 series - 5 series - 3 series |
 |
|
|
أدوات الموضوع |
|
#1
05-08-2009, 05:21 AM
|
|||
|
|||
BMW فى حفلة , سقوط الأقنعة
الأصدقاء الإعزاء .........حكاية غريبة جداً ..............تصدق لو حد قال لك أن بى أم دبليو فيها عيوب صناعة ؟؟؟؟؟؟؟؟؟؟؟ أو عوامل الأمان مش ذى ما هما مصورين للناس و دة كلام شيكا بوم و دعاية ؟؟؟؟؟؟؟؟؟؟؟؟؟؟؟؟؟
أنا نفسى لو حد قال لى كدة ....أقصر جواب هايكون قلمين على وشة ....هاتقالى طب إشمعن قلمين و مش واحد بس هاقول لك عشان واحد يلوحوا و التانى يعدلهولى تانى .....وأكمل عليه رايح جاى .....المهم طيب ايه اللى حصل الحالة الأولى والد صديق و الراجل كبير يعنى بتاع 60 سنة كدة ....قلت حلو يبقى الراجل لا بيخرف و لا هوا تايه و مش عارف بيقول أية.......الراجل لسة مشترى البى أم ال 700 الجديدة وراكب هوا و المدام ولسة جايين من مشوار و الراجل داخل يركن فى جراش الفيلا بتاعتة......الجراش كان فى البدروم يعنى العربية هاتكون نازلة منزل ...المهم الراجل نازل و حسب كلامة اللى بيحكى طبعا وهوا فى المستشفى دلوقت ......نازل بالراحة فا طبيعى رجلك بتكون على الفرامل عشان العربية متجريش فى منزل الجراش خصوصا أن منازل الجرشات دى بتكون حادة جدا ...المهم....العربية بتسحب لتحت ...الراجل يوس فرامل ؟؟؟؟؟؟؟؟؟؟؟؟؟؟؟؟؟أوبس مافيش.......يدوس ......مافيش........سرخ لمراتو .........العربية مش بتوقف ............و العربية نازلة و بتقلها و سرعتها بتزيد فى المنزل .......الراجل إداها هاند بريك يمكن تتعظ و تحرم و تقف ................هب .......مافيش بريك...........هب العربية كملت....وجرى على تحت ......وطااااااااااااااااا اااااخ فى الحيط........يا نهار أسود......طب أكيد ال Air bags بقى ما تتوصاش ........تفتكر ......ابدا لا كياس هوا و لا حتى كيس بطاطا فتح فى وش الراجل و مراته عشان يعتقهم من الرزعة اللى إترزعوها........الناس يا ولداه كبيرة فى السن و عضمهم طى ....وكانت النتيجة كسور و رضوض أشلى فى اليد و فى قفص الصدر و الوش متبهدل ......و هب ع المستشفى قلت للواد فيصل تلاقى أبوك أتجنن و داس بنزين و هوا مش دريان....قال لى أبدا و بعدين طب لو داس بنزين ماهو أستخدم الهاند بريك ......على الأقل كانت ها تقف أو تكسح فى الأرض و للأمانة أنا شوفت منزل ال Parking مافيش أثر لكسح على الأرض ....النهاية هما حاليا رافعين قضية على الشركة و طالبين فنيين يعاينو السيارة ...بس الراجل و مراته يا ولداه أخرتهم لسة فى المستشفى. طبعا أنا ضربت كف بكف ....طب إذاى؟؟؟؟؟ماينفعش ...اصل ده مش صينى ولا حتى كورى ....و مش ألى المانى .....دا أبو الألمانى كله فى براءة الإخترعات و عوامل الأمان و الجودة و قياسات الجودة..............طيب دى كانت قصة و نمت بالليل عشان أقوم الصبح على تليفون ترن ترن ترن.............ياصباح يا عليم يا رزاق يا كريم دا مين أبن النشيطة...او الرخم اللى بيكلمنى الساعة 8 الصبح دة الحالة أثنين "ملابسات الأحداث"...وكان الحوار كالأتى أنا : الو .....طبعا صوتى مغشلق و كأنى خروف سكران بيتكلم شادى "صديق": هشام فوووووق كدة عشان تفهم أنا بقولك أية أنا: أنت مين أصلا "أصل أنا بعيد عنكم أول ساعتين الصبح ببقى ولا فاهم أى حاجة و معنديش غير كلمتين ماشى و حاضر .....باقصر يعنى عشان أكمل نوم"...المهم شادى : فووووق بقى يا أبنى و بطل سطل ....أنا شادى أنا: ايوا يا شادى فى أية "جوا نفسى : عاوز ايه ع الصبح ده" شادى: أكرم عمل حادثة مع ولادة على طريق شرم .............. ............. ............. وكأن واحد جاب جردا ثلج و ......هب كابو علية طبعا إتنفتض و النوم طار مع كل الحمام اللى كان معشش فى حلمى .........وهزيت رأسى أتأكد أنى صاحى أنا: بتقول أيه يابنى أنت.......أكرم صاحبنا شادى: أمال أبن الجيران أنا: حصل اية شادى: ماعرفش مراتو كانت عماله تكلم مراتى من الفجر و إحنا طبعا نايمين ولما صحيت شافت المكلمات ....قالتلها ع الحكاية ...و هما دلوقتى نقلوهم فى مستشفى السلام أنا: طيب أيه النظام ...يعنى هما ..مممممممأيه يعنى عايشيين ميتيين ....ااااااااااااااه بظبط شادى: أنا مش عارف حاجة بس هى بتقول قدر و لطف ......يالا هاعدى عليك تكون لبست نروح نشوف الواد أنا: قفلت فى وشة و مستنتش لبست ....و هوا فورارة كان عندى ...و جرى ع المستشفى وصلنا .....سألنا.......طلعنا... .............لقينا اكرم ممد ع السرير و صدرة ملفوف و جزء من رأسة و دراعة ؟؟؟؟؟؟؟؟؟؟؟؟؟يا نهار أسود الواد أتشلفط.................بس هوا ضحك ....وقال أكرم: يا رجالة أنا أتشلفط و مابقتش ليه عوزة لما لقينا بيهرج أطمأننا مش عاليه و بس ....قلنا أكيد و أولادة بخير كمان عشان ماطولش أكثر الأولاد كانو بخير مع بعض الرضووض و الجروح ...أكرم بس اللى أتشلفط ومش هاتصدقو لنا أقولكم أنو أتعلم عالية عارفيين ليه.....لأنو فة=ى وسط حوارة لقيت علامة مميزة جدا و انا عارفها ......محفوره حفر على خدة الأيسر .......طبعا فطسط من الضحك ..............أيه دة يا واد يا أكرم .............هاهاهاهاهاها ها علامة بى أم كانت معلمة فة وشه .......هاهاهاهاهاهاهاهاها يعنى شوية لون أزرق لبنى و تكون هى رسم على وشه أنا: أيه اللى حصل يا واد والتالى كان سرد أكرم للى حص للمعلومة أكرم كان راكب بى أم 320i 2008 و القصة كالتالى أكرم: أبدا يا أخونا أنا ماشى رايح الشرم و معايا العيال قاعدين ورا و بعدين زودت سرعة حبتين 160 كم .....كنت عاوز أقولو BMW و 160 تبق زودت ؟؟؟؟؟؟؟؟؟؟دا أنت طيب أوى ...المهم بيقول على بع قد 50 ...60 متر كده لقة عربية نقل كبيرة .......فا جه يهدى ...........اوبس ....حس أن العربية مش بتهدى...............داس كمان ..........برده مش بتهدى.................... ....و العربيه عمالة تقرب من النقل ............هوب كبس الفرامل على الأخر ..........راحت العربية كاسحة على الأرض و لبسة فى النقل...........STOP أنت هاتهرج يالا أنت......يعنى أيه كسحت ....ده مش ممكن........إذي يعنى دا أكرم: أه و الله ده اللى حصل .....و هب ال air bags راحت مفرقعة كلها ....اللى فى وشى و اللى فى جنبى ...و أدينى بقيت متعلم بالعلامة الزفت اللى فى وشى دى ........دى عربية زبالة و كل الكلام ده أونطه...نصب فى نصب و شغل بروباجندا ده كان الكلام ....طبعا أنا خرجت مش مقتنع ............طب إذى يعنى ماهو برضة لو حد قالى ...هيونداى ...تويوتا...باسات و لا ايه حتى هاصدق إنما بى أم .........مش ممكن وجلست بعدها أتلمس الأعذار للشركة التى بالنسبة لى هى حلم أن أقتنى أحد فئتها الحديثة ذات يوم .....يمكن عيب كمبيوتر....طيب أى Error حصل .......يمكن عيب فى العلربية دى بس ...ما احنا بينزلنا فى مصر العجب ............بس كانت النتيجة و المحصلة النهائية الأتى 1- كيفية حدوث هذا فى موديلين مختلفين إذل العيب ليس قاصر على فئة معينة 2- تكرار الحادث بنفس السيناريو .............حاسب مافيش فرامل 3- رجل شاب و رجل كبير ....يعنى لو واحد بيخرف التانى عاقل المهم ده اللى حصل و أنا قلت أقوله لكم مع ملحوظة أخيرة.................... . لو قالولى البلا أم بتفرقع و تنفجر و هى ماشية لزوم الشقاوة و العفرته ...وكان عندى إمكانيىة لشراء أقل فئات الب أم ...................هاشتري ها بدة و اللى يحصل يحصل ..............بس السؤال هوا ............ايييييييييييه اللى بيحصل فى بى أم 
|
|
#2
05-08-2009, 06:45 AM
|
||||
|
||||
|
رد: BMW فى حفلة , سقوط الأقنعة
والله يا اتش مش عارف
انا تفسيري للحاله الاولي فهلا وجود error في الفرامل لانها كلها كهربا مافيهاش اجزاء ميانيكيه بيسموها drive by wire علي ما اعتقد حتي الهاند بريك بتاع الفئه السابعه الكتروني و بتمسك الاربع عجلات مش اتنين بس كالعاده و بالتالي دي ممكن نقول كان فيها العيب دا اما بالنسبه ان الاير باج ما فتحتش ف دا ليها كذا حاجه انت بتقول علي منزل جراج يعني مهما كانت السرعه عمرها ما حتزيد عن 40 و الايرباج مش بيفتح في السرعات القليله ابدا الحاجه التانيه ان ممكن تكون الخبطه جات في مكان بعيد عن السنسور اللي تحت الاكصدام فبالتالي السنسور ما حسش بالخبطه علشان كده ما فيش امر وصل للاير باج انها تشتغل. بالنسبه لموضوع اكرم فدا بصراحه شئ عجيب فعلا و انا عن نفسي مستوعب فكره الفرامل تتعطل مره واحده في عربيه زي البي ام ماهي مش 128 حنقول خرطوم فك و الفرامل هربت اكيد فيه حاجه قويه انا من رأيي يرفع قضيه علي الشركه لاني سمعت و قريت قبل كده كذا مشكله عن عربيات بي ام المجمعه في مصر
__________________
حـازم خـضـر
|
|
#3
05-08-2009, 09:19 AM
|
||||
|
||||
|
رد: BMW فى حفلة , سقوط الأقنعة
سؤال علشان تكتمل الصورة
العربيتين تجميع مصري؟
__________________
مقولة مأثورة (اللَّهُ يَنْصُرُ الدَّوْلَةَ الْعَادِلَةَ وَإِنْ كَانَتْ كَافِرَةً وَلَا يَنْصُرُ الدَّوْلَةَ الظَّالِمَةَ وَإِنْ كَانَتْ مُؤْمِنَةً)
|
|
#4
05-08-2009, 11:50 AM
|
||||
|
||||
|
رد: BMW فى حفلة , سقوط الأقنعة
للأسف من ساعة مابافاريا بقت بتجمع بي إم دبليو في مصر وهيه عندها مشاكل بالعبيط في التجميع غير معقوله
أنا كنت شايف بنفسي وخالي بيستلم BMW X3 من عندهم وكان الكلام ده في شهر أكتوبر 2007 وكان الإستلام في فرع القطاميه وواحد باشا باشا باشا واقف عند مدخل الصيانه وبيهلل وبيخبط على العربيه وكانت السياره الفئه السابعه (تجميع مصري كانت من أوائل السيارات المجمعه بمصر من هذه الفئه) وبدأت أسمع هوه فيه إيه وكان عمال يشرح لبتوع الصيانه إنه مش عايز حد يستقبل العربيه في الصيانه وعايز مدير المكان بحاله يكون واقف دلوقتي قدامه حالا وما لبث أن كان هناك راجل باشا وقف جاله وحاول يدخله جوه في مكتبه لكن التاني راسه وألف جزمه إن يعمل فضيحه وكان مجمل ماسمعته التالي: الراجل كان لسه مستلم العربيه ومكملش بيها حوالي 2000 كيلو وفجأه وجد عطل مفاجيء بالفتيس وتوقفت السياره عن الحركه ... وكلمهم فقالولوه إن ده عيب صناعه وحيودا العربيه التوكيل عشان يصلحوا العيب أو يغيروا الفتيس لو لزم الأمر والرجل ودماغه فيها مليون جزمه قديمه (وهوه معاه حق) وفالهم إنه مش على إستعداد إن يكون كان دافع 1,200,000 جنيه وتكون العربيه فيها عيب صناعه ولابد من تغيير السياره كاملة مش الفتيس ولا غيره وحاول الراجل المحترم الكبره إللي نزله أن يقنعه بأن يطلع معاه فوق ومفيش فايده ثم بدأ يحاول يقنعه بعكس كلامه وأن العربيه خرجت بإسمه وإنتهى الموضوع وأي مشكله بها حتتغير وتتصلح بدون تحمل أي تكلفه لكن صاحب السياره رفض بشده ولما لقى الطريق مسدود قالهم أنا مش عايز العربيه ديه خالص وحعرف أجيب حقي كويس وإزاي ... وراح مطلع ماهو أشبه بشومه وراح نازل تكسير في الفوانيس الأماميه والبرابريز الأمامي والخلفي ....... (على فكره أرقام الحاجات إللي بيكسرها ديه مش هينه .... يعني قعد يكسر في شوية حاجات تعملها بتعا 100ألف جنيه ... كقطع غيار) فحاولوا يوقفوه ولكن بدون فائده .... فرد عليه المدير المزعوم وقاله هذه التلفيات خارج الضمان فيما عدا الفتيس .... فبص عليه بصه شرسه جدا وقاله العربيه أهيه وبالحاله إللي إنت شايفها ديه وحتتغير بواحده جديده برضوا وغصب عن عين التخين في الشركه الـ...................... .............. ديه . للأسف تجميع البي إم دبليو من بعد أبو الفتوح راحت في خبر كان ........ فرق كبير بين ماجمع بألمانيا ومايجمع ببلدنا ...للأسف الشديد وألف سلامه يا إتش لضحايا الحرب من أصدقائك وكله من وراء بي إم مصر ...... وده سبب أن البي إم دبليو ذات أسعار أقل من مرسيدس للترويج أكثر ..... مع أن البي ام ومرسيدس بالخارج أسعارهم واحده تقريبا
__________________
|
|
#5
05-08-2009, 12:48 PM
|
||||
|
||||
|
رد: BMW فى حفلة , سقوط الأقنعة
لا حول ولا قوة الا بالله
اى حاجة داخل فيها شغل مصرى لازم تبقى فضيحة كدة؟ بس انا كنت فاكر الفئة التالتة بس اللى بتتجمع فى مصر .... طلعت السابعة كمان ..... سلملى
__________________
 ......................... .. يا ترى جاهزين لتجربة السواقة اللى جاية ؟؟؟؟؟!!!!!!!
|
|
|
|
