كابل البطارية

[tham1010]

يا جماعة انا ناوى اجيب كبل بطارية علشان لو حصل والعربية نامت اقدر اقومها عن طريق توصلها ببطارية عربية تانية.

وجدت نوعين
1- 75 جنية وهذا يتحمل حتى 200 امبير
2- 85 جنية وهذا يتحمل حتى 400 امبير

أنا اعرف ان بطاريات العربيات بيكون اما 50 امبير او 60 او حتى 70 امبير فلماذا الكابل يأتى بهذا القيم العالية؟ اى الكابلين اختار؟ هل السعر مناسب:: مش عندى خبرة؟ هل من نصائح قبل الشراء بمعنى حاجات اخد بالى منها؟؟؟؟

[svneleven]

البطارية بتتوصف بحاجتين مهمين.
أولا ال Ampere Hour أو AH. البطارية ال 60 أمبير معناها 60AH معناها أنها تقدر تديك 60 أمبير لمدة ساعة واحدة بدون الحاجة لشحن أو مثلا 30 أمبير لمدة ساعتين و هكذا.
تاني حاجة اسمها Cold Cranking Amps أو CCA و ديه الأمبير اللي البطارية ممكن تديه للعربية لمدة ثواني معدودة قد تصل ل دقيقة متقطعة و ديه بتكون أكبر من ال 60 أمبير اللي فاتو و تكون في حدود 100 أو 200 أو 300 أمبير و قد تصل ل800 أو 900 أمبير أو أكتر في حالة الأوناش و المعدات الثقيلة نظرا لكبر حجم المحرك و ده اللي المارش بيسحبه في بداية دوران العربية عشان كده حضرتك بتحتاج كابل يتحمل الأرقام ديه.
رأيي فرق السعر مش جامد لكن فرق الأمبير من 200 ل 400 كتير. خليك في ال 400 أمبير لو شكله نضيف.
أتمني أكون أفدت حضرتك و أنا أسف لأني عارف أني مش بعرف أشرح كويس.

[abokoko]

انا عملته بنفسي
اشترى 4 او 6 متر سلك 10مم نحاس
عند بنوع الاكسوارات هتلاقى مشبك تمساح او قشاط مش فاكر الاسم
هتشترى 4 وبيكون نوعين نوع كبير ونوع صغير ومتنساش تجيبهم لونين
وبالبنسه والزراديه قشر السلك وربك المشبك التمساح واعزل ببلاستر
وهيكون عندك اقوى كابل بطاريه وبالطول اللى انت عايزه
وهتفرح انك عملت حاجه بنفسك

[abokoko]

[tham1010]

المشاركة الأصلية كتبت بواسطة abokoko

ولا اجدع كابل بيشترى... بجد فكرة كويسة لو الواحد لقى البنسة التمساح