ارجو الافادة

[abotiour]

بسم الله الرحمن الرحيم
انا معايا اسبرانزا516 2008 عامل 41000كم والحمد لله العربية معايا تمام
من اسبوع روحت مشوار للعبور ولفيت شوية بالعربية على شيراتون وبعدين على المطرية وركنت العربية وبعد يومين نزلت ادور العربية لمبة absمنورة ومش عاوزة تطفى عملت ريستارت وفصلت كابل البطارية ووصلتة تانى برضو لسة منورة روحت للميكانيكى عمل نفس الموضوع وفصل البطارية وبرضو منورة
فكينا العجل الامامى الفيش سليمة وقالى كدة لازم تتحط على الجهاز وسيبتة وروحت خرجت بعدها بيومين طفت وانا ماشى وشوية نورت تانى بس فى حاجة بسمع صوت هواء جاى من عند دواسة الفرامل لما اضغط عليها ضغط متقطع ارجو الافادة من اهل الخبرة وأسف للاطــــالة

[حسام البورسعيدى]

بص يا باشا طالما بتنور ساعات وتطفى ساعات يبقى غالبا فى حاجة معلقه بس ..

حاول تكشف عليها بالجهاز ممكن يكون error ويتشال بالجهاز وخلاص او على الاقل يعرفك المشكله فين ..

ممكن برضو تاخد العربية فى شارع فاضى شويه فيه تراب وتضرب فرامل جامد وتشوف الـ ABS شغال ولا لا (هتلاقى دواسه الفرامل بتترج فى رجلك ده معناه انه شغال) ..

[جورج شاكر شوقي]

اكشف علي مستوي زيت الفرامل و علي التيل و علي فيوزabs
انا مرة عندي الabs نورت بسبب صرة العجلة اليمين كان السلك الي طالع من الصرة مقطوع غيرت الصرة والمشكلة اتحلت

[abotiour]

المشاركة الأصلية كتبت بواسطة حسام البورسعيدى بص يا باشا طالما بتنور ساعات وتطفى ساعات يبقى غالبا فى حاجة معلقه بس .. حاول تكشف عليها بالجهاز ممكن يكون error ويتشال بالجهاز وخلاص او على الاقل يعرفك المشكله فين .. ممكن برضو تاخد العربية فى شارع فاضى شويه فيه تراب وتضرب فرامل جامد وتشوف الـ ABS شغال ولا لا (هتلاقى دواسه الفرامل بتترج فى رجلك ده معناه انه شغال) ..

عملت كدة وضربت فرامل كذا مرة مفيش حاجة حصلت الفرامل كويسة بس مفيش رجرجة يعنى الabs مش شغال الف شكر يارجالة وان شاء الله احطها على الجهاز والله المستعان

[mahmooud135]

صرة العجلة عايزة تتغير