العودة   مصر موتورز مجتمع السيارات > السيارات الكورية والماليزية > بروتون PROTON

بروتون PROTON شركة بروتون هي الصانع الماليزى الوطني للسيارات. يعود إنشاء الشركة لعام 1983 بناءًا على توجيهات مباشرة من رئيس الوزراء الماليزى آنذاك، د. مهاتير محمد. شركة بروتون القابضة، هي الشركة المسيطرة على بروتون للسيارات.


إضافة رد
 
أدوات الموضوع
  #1  
قديم 13-12-2010, 06:59 PM
الصورة الرمزية SALAHHAKIM
SALAHHAKIM SALAHHAKIM غير متواجد حالياً
هواياتي: الزراعة
 
تاريخ التسجيل: Sep 2010
الموقع: EGYPT
المشاركات: 319
SALAHHAKIM has a reputation beyond reputeSALAHHAKIM has a reputation beyond reputeSALAHHAKIM has a reputation beyond reputeSALAHHAKIM has a reputation beyond reputeSALAHHAKIM has a reputation beyond reputeSALAHHAKIM has a reputation beyond reputeSALAHHAKIM has a reputation beyond reputeSALAHHAKIM has a reputation beyond reputeSALAHHAKIM has a reputation beyond reputeSALAHHAKIM has a reputation beyond reputeSALAHHAKIM has a reputation beyond repute
افتراضي نصائح لمستخدمى البروتون ساجا الجدد والتجربه بعد 40الف كم

السلام عليكم fficeffice" />
1 لو بتفكر تشترى بروتون ساجا انزل وقارن بينها وبين السيارات الاخرى (الشكل الخارجى -الشكل الداخلى - جوده الفرش - خامات التابلوه -قوه الموتور -الثبات -الكماليات - الامان الامان الامان وده تعمل ليه الف حساب )
الخلاصه حتلاقى احسن عربيه هيا البروتون ساجا ولو مش عجباك فى حاجه تانيه كويسه الداتشيا لوجان
خلاص اقتعنت بالعربيه فى مشكله تانيه فى موزع او بائع بروتون . حيعمل البدع عشان يخليك تشترى اى عربيه تانيه يكون بياخد فيها عموله اكبر انما بروتون فيها ملاليم
خلاص استخرت الله وربنا هداك ليها الحمد لله
2 وانت بتشترى حاول تفاصل وحاول تطلب فاتوره ضريبيه عشان بابا ( مفيش حد بيدى فاتوره بالسعر الرسمى انما الحركه دى حتنزل حوالى 500 الى 1000 انت اولى بيهم )
3 وانت بتستلم العربيه بتاخد معها استيبن - شنطه عده - كوريك - اغطيه لقلب الجنط 2 مفتاح ريموت واحد فيهم معاه رقم حافظ عليه - طقم دوسات كتالوج للخدمه كتالوج مستخدم كتالوج للكاسيت الاريال فى شنطه لوحده -محضر استلام للعربيه وشهاده الافرج او يبعت حد معاك المرور يخلص كل حاجه )
4 الاستلام يكون فى عز الشمس راجع على دهان السياره بالكامل الاكصدام المريا الابواب الشنطه الكبوت حوض السياره . اهم حاجه بص على العتب من اسفل السياره دة بيعرفك العربيه اترفعت بكوريك تمساح ولا لا بمعنى لو لاقيت ثنى فى عتب السياره ده معناه على اقل تقدير ان العربيه الكاوتش اتخرم واتعمل مثلا كله تمام الحمد لله افتح العربيه قول بسم الله الرحمن الرحيم وتوكل على الله ودور وامشى على اول محطه بنزين وحط بنزين 95 وفول التنك لحد ثالث فصله عشان تنضف بنزين80 الى بيحطوه فى المعرض . وليه تالت فاصله عشان متوقعش بنزين على دهان السياره
5 مراحل الترخيص مش فاكر قوى بس التعامل مع الحكومه النظيفه سهل وسلس
6 اشترى ماده (الديفكون) الماده المزدوجه للصق المعدن خلط المادتان على بعض واغمر الجزء المعدنى للاريال وركبه على اخره بمتهى القوة ( حاسب عشان متوقعش حاجه على سقف العربيه ) وده ابقى قابلنى لو الحرامى عرف يفكه
7 اشترى غطاء ووتر بروف مبطن ( وده بسمك حوالى 3 مم ) طبعا تحمى العربيه على الاقل فى الاول من الشمس والبهايم الى معها مفك ومفتاح وعامله فراعنه وبتكتب على عربيات الناس
8 شيل الدوسات الى جايه مع العربيه فى البيت وهات دوسات لها حواف ( شفه مرتفعه ) بتحافظ على التراب داخل الدواسه
9 العربيه جاى معها كوريك لرفع السياره من اربع اتجهات يمن وشمال امام وخلف ولهم مكان مخصص وده بيحافظ على جسم السياره من اسفل كا الجديده وفى التوكيل بتترفع العربيه من الاربع اتجهات مره واحده لو ده محصلش بتكون مصيبه مستخبيه
مثال
بتاع الكاويتش بيرفع العربيه بكوريك تمساح بيبوظ شفه العربيه السفلى .. ولو انت فاهم حيرفع من المقص ويبوظ جلب المقص . ولو بيرفع من الشاسيه حيطبقه ويعمل فيه تشوه
الخلاص كوريك العربيه الى جاى معها احس حل بدون اى تلافيات
10 وانت بتغير فرده الكاوتش عن بتاع الكاوتش ركز فى الى جاى
خد علامه على جانب الجنط بطباشير او اى حاجه من عند البلف خد خط مستقيم على الكاوتش ده حيفيد بثبات الترصيص بتاع الفابريكه
وهو بيفك الكاوتش تحزره من تجريح الجنط ولما يرجع يركبه يركب الكاوتش مع علامه البلف والطابشير ولو حصل حاجه غير كده العجله حتعمل رفه
11 حاول تحط استيكرز اسود على كل الاكصدام وتحط عليه طبقه بنفس لون العربيه وده متاح ( الفضى -الاسود - الابيض ) عربيتى لونها احمر ومش لاقى الدرجه
12 علاج اخرم الكاوتش يكون باللاصق السريع او استخدام المكوه استخدام الخابور لا لعدم عمل فرق فى طبقات الكاوتش
13ابعد السياره قدر الامكان عن الشمس اول 6 اشهر من الانتاج لضمان جفاف اللون وثباته بدون تغيير
14 حاول لصق فاميه على الزجاج لو حضرتك ظابط عادى ولو حضرتك مش حط دارجه فاتحه من الفاميه وذاللك للمحافظه على لون الفرش
15 احتفظ بـ ورقه وقلم معك فى السياره واكتب كل ملحوظه عن اى مشكله وبلغ بيها وانت بتعمل صيانه الالف
16 غير زيت موبيل او شيل او فيسكو اى حاجه انت عاوزها بره التوكيل وده عادى ( انا بستعمل مصر فينكس)
17 اختم الضمان فى التوكيل فى اول زياره
18 بص على مستوى الزيت فى علبه الباور لو ناقص عن مستوى الماكس . العربيه فيها علبه دركسيون لازم تتغير ( الحل الوحيد والفورى كلم جهاز حمايه المستهلك وطالب برجوع العربيه الدنيا حتتقلب والعلبه حتتغير فى نفس اليوم ) اى حاجه غير كده حيغيروها بردو انما بعد اسبوع او اتين الله اعلم ولو اتبعت الطريق السلمى ممكن العلبه تخر زيت على جلب المقص وتبوظه المهم اعمل الحل الحربى وروح فرع الصحراوى ابو رواش
وقابل مهندس امر الكوافى او محمد عبد الهادى او داليا او مهندس طويل مش فاكر اسمه
المهم هما دول وبس الى تتكلم معاهم اى حد تانى فى الطراوه فعلا
خلصت النصايح الى محدش قلها ليا وشربتها واغلبها وقعت فيها الحمد لله
تجربتى مع العربيه دى بعد 40 الف كم
انا عبد الله الى ربنا بيحبه واهداه الخير . سياره تحترم الركاب فى كل شى امان جوده سرعه تقفيل ثبات الحمد لله لازم لازم بروتون تكون رقم واحد فى مصر بلا منازع محدش يزعل منى بس انا جربت كل حاجه ب4 عجلات تقريبا فى السوق لاقيت اودى فورد مرسيديس بى ام بيجو فولفو وبروتون السيارات دى بس الى بتحترم الركاب
عيوب البروتون عموما فى
الدعايه المعدومه تقريبا
استهلاك البنزين الى يساوى السيارات الاعلى 1300=1600 قولا وفعلا 1600=1800
اهم عيب ان فى مهندس امر وداليا ومحمد عبد الهادى فى ابو رواش بس ربنا يكرمهم اى توكيل بيحترم نفسه لازم يعمل استنساخ منهم
والسلام عليكم زللحديث بقيه لو عوزين
رد مع اقتباس
  #2  
قديم 15-12-2010, 01:18 AM
dahy dahy غير متواجد حالياً
 
تاريخ التسجيل: Dec 2009
المشاركات: 6
dahy is on a distinguished road
افتراضي رد: نصائح لمستخدمى البروتون ساجا الجدد والتجربه بعد 40الف كم

جزاك الله خيرا علي التوضيح الرائع
تفتكر اشتري ساجا ولا لوجان اتوماتيك
رد مع اقتباس
  #3  
قديم 15-12-2010, 01:25 AM
sayed1977 sayed1977 غير متواجد حالياً
 
تاريخ التسجيل: Oct 2010
المشاركات: 67
sayed1977 will become famous soon enough
افتراضي رد: نصائح لمستخدمى البروتون ساجا الجدد والتجربه بعد 40الف كم

ساجا طبعا وعموما مفيش لوجان اتوماتيك
رد مع اقتباس
  #4  
قديم 15-12-2010, 03:35 PM
الصورة الرمزية MEGAREKAB
MEGAREKAB MEGAREKAB غير متواجد حالياً
 
تاريخ التسجيل: Aug 2010
المشاركات: 66
MEGAREKAB is just really niceMEGAREKAB is just really niceMEGAREKAB is just really niceMEGAREKAB is just really niceMEGAREKAB is just really nice
رأى رد: نصائح لمستخدمى البروتون ساجا الجدد والتجربه بعد 40الف كم


المشاركة الأصلية كتبت بواسطة dahy مشاهدة المشاركة

جزاك الله خيرا علي التوضيح الرائع
تفتكر اشتري ساجا ولا لوجان اتوماتيك
الأستاذ الفاضل / ضــــاحــــــــى

بما إن حضرتك بتسألنا بروتون ولا رينو ...

وبما إنك بتسأل فى منتدى البروتوناويه ..

يبقى الإجابة أكيد أكيد و 100% طبعاااااا

رينو رينو رينو

سيدى الفاضل ... نصيحتى الخالصه لك الا تسأل مثل هذا السؤال هنا ولكن يمكنك السؤال عن مميزات وعيوب الساجا ورأى الناس فيها ..

ثم تذهب الى منتدى الرينو وتطرح نفس الاسئلة بالنسبة لللوجان وهكذا ....

وإنت بقى تجمع المميزات هنا وهنا والعيوب هنا وهنا ....

وفى الاول والاخر إنت وإختيارك

لكن إياك أن تنسى إستخارة المولى عز وجل ..

إوعى يكون كلامى يزعلك .. أنا قصدى مصلحتك والله عشان تجمع معلومات صح عن كل حاجة دون تحيز أو ضغط من أصحاب الرأى الاخر..

مع خالص تحياتى وتمنياتى لك بالتوفيق والاختيار الموفق....

محمد عبد المجيد
الاسكندرية
ساجا - ابيض - اوتو
رد مع اقتباس
  #5  
قديم 16-12-2010, 01:21 AM
الصورة الرمزية SALAHHAKIM
SALAHHAKIM SALAHHAKIM غير متواجد حالياً
هواياتي: الزراعة
 
تاريخ التسجيل: Sep 2010
الموقع: EGYPT
المشاركات: 319
SALAHHAKIM has a reputation beyond reputeSALAHHAKIM has a reputation beyond reputeSALAHHAKIM has a reputation beyond reputeSALAHHAKIM has a reputation beyond reputeSALAHHAKIM has a reputation beyond reputeSALAHHAKIM has a reputation beyond reputeSALAHHAKIM has a reputation beyond reputeSALAHHAKIM has a reputation beyond reputeSALAHHAKIM has a reputation beyond reputeSALAHHAKIM has a reputation beyond reputeSALAHHAKIM has a reputation beyond repute
افتراضي رد: نصائح لمستخدمى البروتون ساجا الجدد والتجربه بعد 40الف كم

السلام عليكم
الرجاله كلها منوره منوره الموضوع وبجد انت يامحمد بيك رافع معنويات المنتدى بكلامك الجميل
وكفايه تشريفك للموضوع وطبعا الناس كلها .
الاستاذ الى بيطرح اصعب موضوع دلوقتى وهو بروتون ساجا ولا داتشيا لوجان
طبعا الداتشيا لوجان ممتازه محدش يقدر يقول حاجه بس
لو عاوز امان وكماليات وتكنولوجيا وتقفيل وجوده وثبات وقوه مش حتلاقى اى عربيه غير السجا فيها كل ده بالسعر ده وكمان حتلاقى انها بتنافس حجات غريبه بسبب كل ماسبق بدون مبالغه
لانسر1300
تويوتا ياريس
بردو السجا تكسب
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML متاحة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 08:23 AM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017