برجاء المساعده عن الاستهلاك الطبيعي لجراندشيروكي 2005 وبعض الاستفسارات الاخى

[Sherif Elwan]

السلام عليكم
ياهل المنتدي الكرام
دي اول مشاركة ليا هنا لكن انا متابع مجهودات المنتدي من زمان
انا مصري ومقيم بالسعوديه ولسه شاري جراند شيروكي 2005 بدون دبل وسته سلندر وماكينه 3.7
المهم انا ملاحظ ان استهلاكها عالي اوي في البنزين
اولا انا اعتقد ان التانك فيها 80
تجربتي معاها اني علي طريق سفر بسرعه فوق ال 140 استهلكت معايا خمسين لتر في 200 كيلو
ولما رجعت المدينه اللي انا فيها كان استهلاكها حول ال 70 لتر في 300 كيلو بسرعه لم تتعدي ال 120
السؤال هل ده طبيعي ، انا قريت ان معدل الاستهلاك 17 لتر لكل 100 كيلو
واذا مكنش الطبيعي فياتري ايه المشكله معايا
بالنسبه للكهربا العربيه صافيه معايا جدا لان ناس قالتلي غير البوجيهات بس قالولي لو البوجيهات فيها مشكله حتقطع معاك وهي صافيه حدا
وناس قالتلي نضف البخاخات
فلو ممكن حد يفيدني في الامر ده
،،،،،،
تاني استفسار انا عندي 3 حساسات للعجل عايزين يتغيروا هل اجيبهم من هنا علما ان تمنهم الواحد حوالي 130 ريال مستعملين او حول ال 200 جداد ولا اجيبهم من مصر انهي افضل جوده وسعرا
،،،،،،،،،
اطلت عليكم بس انا حابب استفيد منكم بحكم انكم اهل خبره عني في العربيه دي وشكرا

[ahmed_eng2001]

بصفة عامة ... قطع الغيار فى مصر غالية .. و خاصة للجيب .. اقترح حضرتك تجيب الحساسات من السعودية
عذرا مش حقدر افيد حضرتك فى الصيانة علشان معرفش عنها حاجة !!1
متابع معاك

[ali zahran]

الف مبروك السياره اولا استاذى الكريم فى اسباب كتير ممكن تخلى العربيه تصرف بنزين ومنها البوجيهات فا نصيحه اعملها صيانة من فلاتر وبوجيهات وزيت وتصفيه اللى هيا تنضيف بخاخات وتنضيف دعسة البنزين (البوابه) علشان لما تيجى تغيرهم تانى تكون عارف انت غيرتهم امتى وبالنسبه لحساسات العجل لو هتشترى اشترى جديد فى كذا شركة غير الوكاله (نجم الرمال ) و(بالبيد) طبعا لو انت فى الرياض واى استفسار اخر اتفضل

[Sherif Elwan]

اولا شاكر جدا لحضراتكم ولسرعة الرد
ربنا يجعله في ميزان حسناتكم
انا في ملاحظه برضه عندي
وهي ان العربيه وانا علي سرعه ظ،ظ*ظ* او فوق اذا قابلت مطب او هبوط بالطريق فجائي متمثل مثلا في دغدغه اسفلت في الطريق بلاقي الطاره بالعربيه طبعا بتتمرجح معايا يمين وشمال بشكل ملحوظ اوي ومبالغ فيه وخطر لو مكنتش ماسك الطاره كويس
ياتري ده من ايه
مع العلم اني ظبطت زوايا والمحل قالي عندي فضاوه بسيطه بالركبه الشمال قدام دي حاجة
ورشه الصيانه لها قالي في شغل بسيط في العكس ورا مش عارف في مصر اسمه ايه لكن اعتقد انه شغل في العجله ورا شمال الكرونه وده مخلي لمبه ال abs منوره
والكاوتش فيها نص نص
ياتري ايه السبب من اللي انا ذكرته
بعض زملائي السعوديين قالولي مساعدين والبعض قالي الاذرع الخاصه بالطاره والبعض ارجعها للركبه وقليل ارجعها للكاوتش
لو ممكن رايكم
وياتري لو نزلت بيها مصر ممكن صيانتها عندنا تكون احسن
وشكرااااا

[Sherif Elwan]

سرعه 100 هي فوق مش واضحه