لمبت الزيت جننتنى

[waleed mamdouh]

االسلام عليكم ورحمة الله وبركاته

لمبة الزيت ألى فى الطبلوه عندى كنت ماشى فى شارع زحمة لقتها بترعش قلت عادى وكملت المشوار وروحت بعد كدا باليل رحت مشوار تانى بس طويل شوية لقيت اللمبة كل مادوس بنزين تنطفى غريت فلتر الهوا ألى فى العمة فوق الكربراتير المبة اطفيت وذى الفل بعد كدا تانى يوم رحت الشغل لقتها بترعش بعد ما وصلت دست بنزين وأنا واقف قبل ما أبطل لقتها بتطفى اسيب ترعش وفجأه تنور كأن العربية مش ديرة طبعآ سبتها ودخلت الشغل وبالى مشغول (أزود تنطفى أسيب تنور) ورمضان كريم

[Sniper1612]

هو ممكن تكون كهربا او حاجة فى طرمبة الزيت

و تقبل مرورى

[Vanditta]

نبتدى بالحاجات الصغيرة اللى ممكن تعمل المشكلة دى
1- الزيت ممكن تكون حضرتك مغيرتوش فى ميعادة وبالتالى فقد جزء كبير من لزوجتة وبيخلى اللمبة تنور
2- شيك على ساعة الزيت
3- شيك على الفلتر ممكن يكون مسدود او ممكن يكون مش نفس النوع والحجم بتاع سيارتك
4- شيك على مستوى الزيت ممكن يكون منخفض

لو اللى فوق كلة تمام يبقى للأسف هنضطر نشك ان العيب من طرمبة الزيت

وبالتوفيق ان شاء الله

[mhamdy75]

يا إما العربية عايزة تعلى

أو الزيت عايز يتغير

أو لو فيها ترس إسبراتير يبقى عايز يتغير

أو بتسخن شوية

وكلها حاجات بسيطة جداً

بس عايزة ميكانيكى فاهم

[sayed2077]

المشاركة الأصلية كتبت بواسطة Vanditta نبتدى بالحاجات الصغيرة اللى ممكن تعمل المشكلة دى 1- الزيت ممكن تكون حضرتك مغيرتوش فى ميعادة وبالتالى فقد جزء كبير من لزوجتة وبيخلى اللمبة تنور 2- شيك على ساعة الزيت 3- شيك على الفلتر ممكن يكون مسدود او ممكن يكون مش نفس النوع والحجم بتاع سيارتك 4- شيك على مستوى الزيت ممكن يكون منخفض لو اللى فوق كلة تمام يبقى للأسف هنضطر نشك ان العيب من طرمبة الزيت وبالتوفيق ان شاء الله

100 100