يوم لا ينسى ابداً لكيا سيراتو مهزلة بكل المقاييس !!!!!

[midoelmodamer]

المشاركة الأصلية كتبت بواسطة borio1704 معتقدش إن شوية السن دول عملوا كل ده في العربية!!!! استحالة شوية زلط ولا سن يعملوا كده في أي عربية اللي حضرتك بتوصفه ده أكيد سيخ حديد تسليح معووج ممكن يكون مستخبي وسط السن، وده متهيألي موجود في كل موقع بناء والأعراض اللي حصلت دي كلها نتيجة إن السيخ ده رشق في الاكصدام من تحت للأسباب دي: الاكصدام يتقطع (حصلت معايا بس سيخ الحديد قطع لي الرفرف الحديد) - الإيرباج يتفتح (عشان حساس الإيرباج موجود في الاكصدام) - القربة اتخرمت (عشان موجوده في الاكصدام... زيها زي أي عربية جديدة... راجع الأوبل فكترا من التسعينات وانت تعرف) - أحزمة الأمان حجرت (ده نظام حديث في العربيات عشان تثبت الركاب في أماكنهم) - الإزاز يتشرخ (طبيعي جدا لإن الإيرباج بيتنفخ عن طريق انفجار قنبلة صغيرة... ولو ركبت برابريز جديد لأي عربية جديدة وضغطت عليه شوية حيتشرخ منك ... حصلت معايا وأنا بركب المراية على البرابريز) متهيألي تروح الموقع اللي العربية حصلها فيه الموقف ده وتشوف إذا كان فيه حاجة ناشفة فعلا تحت السن ده ولا لأ... قبل ما نحكم على العربية إنها وحشة ...

لا هو السن بس لكن اللى فهمته من الصنايعيه ان السن دخل كتير من الشبكه او الاكصدام اللى اتقطم ووصل لحساس الايرباج

المشاركة الأصلية كتبت بواسطة tamer.koko مش عارف ليه حاسس ان في مؤامره علي المنتدي ده ضد الكيا سيراتو

لو انت مقتنع انها مؤامرة يا باشا ان كل واحد يحصل معاه مشكلة يعرضها وانت مقتنع داخلياً ان دى مؤامره يبقى فى وجهة نظرك بلاش حد يعرض اى مشكلة تواجهة فى العربية وانت لو لاحظت هتلاقينى مسجل اساساً فى المنتدى من قبل ما يبقى فى حاجه فى السوق اسمها كيا سيراتو !! وفى ناس هنا يعرفونى شخصياً والمقتنع بعربيتة داخلياً وعارف هى ايه بالنسباله استحاله ياثر فيه كلام اى حد وربنا يبارك لملاك العربية فى عربياتهم

المشاركة الأصلية كتبت بواسطة .EhAb يا جماعة احنا متفقين ان كل ماركة ليها محبين و ليها كارهين و دة شىء طبيعى لو لم تختلف الاراء لكسدت السلع و احنا مش عارفين اى عربية تانى لو اخدت نفس الخبطة هايحصلها ايه؟ شوف لو حتة صينى كان حصل ايه المهم ربنا يبارك لصاحبك فى عربيته و يحفظها.:w6w20050411134026 6d

اسمحلى اختلف معاك فى نقطة انا معايا اسبيرانزا m12 والعربية بجد ما شاء الله صاجها لا ياقرن اساساً باى عربية من دول العربية صاجها محمل جداً والعربية مصروف عليها فى التصنيع نظام تعليق منفصل واعلى انظمة التعليق و ثبات بسم الله ما شاء الله ومن تجربتى ليها العربية ما شاء الله بتستحمل اقصى ظروف التشغيل وعالية عن الارض واعتقد لو كانت مرت بنفس الموقف كانت هتطلع على السن وتعدى من الجهة التانية ولا حصل حاجة عمرها ما كانت هتكلفنى كده طبعاً ولا حتى 10 جنية فى شوية سن !!

[midoelmodamer]

المشاركة الأصلية كتبت بواسطة tonsy1979 ربنا يعوض على صاحبك وعايز اقولك ان الجديد كله عامل زى الكانز مفيش فعلا حاجة فى الجديد جامدة زى BMW وفيها معاملات امان عالية وصاج جامد طيب سؤال كدة على الماشى هو الايرباج لما بيفتح لازم يتغير بعده التابلوه ولا المعلومة دى غلط

لا ياباشا انا كنت فاكر زيك بالظبط لكن كل اللى حصل حتة من الطابلوة طلعت لفوق وطلع منها الاير باج والتانيه طلعت من ورا الكلاكس والايرباج الجديد اتحط واتردوا عادى من غير تغيير اى حاجه فى الطابلوه الحمد لله

[ahmed_zamalek7]

اهم حاجه انك طلعت بالسلامه انت وصحبك والباقى مش مشكله وربنا يعوض عليه ان شاء الله

[وائل فاروق البرنس]

المشاركة الأصلية كتبت بواسطة midoelmodamer السلام عليكم انا حضرت النهارده موقف لكيا سيراتو طوول اليوووم وبجد عرفنى قيمة كل عربية كويس اوووى وايه العربية المنظر وايه العربية العملية فى واحد صاحبى معاه كيا سيراتو كان ماشى بالعربيه فى شارع والشارع ده فيه بيت بيتبنى جديد وكان فى سن من اللى بيبنوا بيه فى الطريق بس مكنش عالى كان يا دوب علو لغايه تحت لمبة الشبورة كده فهو مشافوش وهو ماشى ودخل فيه تتخيلوا ايه اللى حصل للعربية !!! الاكصدام اتقطم من تحت والايرباج فتح !!! والاغرب بقى الازاز بتاع العربية اتشرخ بغباااء يعنى لو خبطه بالايد عليه يقع فى ايدك !! و احزمة الامان بتاع العربية اتشدت وبقت عاملة زى الحجر بالظبط ومعدش ينفع غير انهم يتغيروا وراح عيسى يسال على تكلفة التصليح طلعوا له فاتورة عجب الايرباج لوحده تقريباً ب 15الف وشويه !! ومش عارف ايه وايه وايه يتيغر حسباية اكتر من 20 الف جنية مثلاً !! رحنا لبتوع قطع الغيار والاستيراد وجبنا حاجتها ورحنا للصنايعيه والموضوع دخلة تكلفة فى حدود 8 الاف جنية !!! و الاكصدام بتاع العربية اتلحم كمان ما اتغيرش وبعد ما مشينا لقينا ريحة شياط وجينا نبص لقينا قربة الميه بتاع العربية فاضية خالص جينا نزودها ميه الميه تنزل على الارض !! القربة اتخرمت !! وصاحبى روح ولسه هيرجع بكره يشوف موضوع القربة ده كمان تخيلوا ده كله بسبب حبة سن مبانى فى الطريق !! بجد انا العربية دى كانت من اكتر العربيات اللى بحترمها لكن بجد بعد اللى شوفته النهارده اكتشفت بجد ان صناعة السيارات مش هزار ولا بتعتمد على الاشكال ولا يجوز فيه المغامرة يا تشترى المضمون اللى معمول عليه اختبارات فى اقصى الظروف ومتكلف صح فى الصناعه مش اللى يعملوا قنطرة خلفية مثلاً علشان توفير فى التكلفة على حساب التصميم يكون حلو مثلاً !! يا بلاش يتغامر فى العالم ده وفى النهاية مش عارف اقول غير حسبى الله ونعم الوكيل ارجوا ان كلامى يكون ميزعلش حد بس حبيت انقل التجربة اللى شفتها بعينى طول اليوم واترك لكم التعليقات ونقاش وجهات النظر تحياتى

انا متوقع اي حاجه في العربيه دي لانها عربيه مش متزنه علي الطريق حتي في الخليجي منها

[zmzm0000]

عربيه زي الطين وياما حكينا عنها عن تجارب ملاكها واللي كنت واحد منهم بس برضه الناس مش بتصدق اللي لما تقع فالمحظور عربيه منظرررررررررر وبس وربنا يسترها عالجميع وقولنا 100000000 مره فيها عيوب تصميم كتيييره جدا