رابطه ( قول معاك كام و انا اقولك تجيب ايه بفلوسك )

[haythom_7]

انا ان شاء الله ناوى اشتري عربية مازدا 323
كنت عاوز من حضرتك تقولي هل اختياري موفق ولا اشوف حاجة تانية مع اني ميال للمازدا
انا معايا حوالي 17 الف
وهل انزل سوق الجمعة
واخد معايا سمكري ولا ميكانيكي وكمان اخاف يشتروه مني هناك
منتظر ردك واسف اثقلت عليك
السلام عليكم

[YahiaAshraf]

المشاركة الأصلية كتبت بواسطة old_love معلش حته صغيرة نسيتها الحقيقة بسمع كلام كتير عن موضوع السيارات الصيني و مشاكل قطع الغيار و الحاجات دى برضة كنت عاوز رأيك في النقطة دى بما انك كنت مرشح الجيلي فروته مشكور

يا باشا قطع الغيار الصينى فى كل حته
يعنى بالنسبه للجيلى
انا سالت فى اسكندريه قالى فى شارع صلاح الدين

و عندك فى القاهره فى اماكن بتبيع الحاجات الصينى كتير
و اماكن مخصصه للصينى بس
الصراحه معرفش اساميهم فى القاهره
لكن موجوده و مش غاليه كمان
لانى كنت راسلت واحد عارض عربيته للبيع و سالته عن قطع الغيار
رخيصه
بس الصراحه مش فاكرها دلوقتى
لما افتكرها هبقى اقولها
تحياتى

[YahiaAshraf]

المشاركة الأصلية كتبت بواسطة haythom_7 انا ان شاء الله ناوى اشتري عربية مازدا 323 كنت عاوز من حضرتك تقولي هل اختياري موفق ولا اشوف حاجة تانية مع اني ميال للمازدا انا معايا حوالي 17 الف وهل انزل سوق الجمعة واخد معايا سمكري ولا ميكانيكي وكمان اخاف يشتروه مني هناك منتظر ردك واسف اثقلت عليك السلام عليكم

اولا قبل ما اقول موديلات السيارات اللى بالتمن ده

بلاش المازدا
مشاكلها كتير
ملهلش قطع غيار
عربيه نادره
بالنسبه لسوق الجمعه ابعد خالص عنه
و عن تجربه انا شارى عربيتى من النت و الله ممتازه
و مفيهلش نصب
هتقولى بيبالغوا فى الاسعار
لما بتتصل بيبقى حاجه تانيه
يعنى بتاعتى كانت معروضه غاليه و اشترتها رخيصه
يعنى عادى و مش هتتعب خالصض كمان و لا هيتنصب عليك
نيجى بقى لعربيه ب 17 الف

عندك اهم حاجه سوزوكى ماروتى من موديل 96 الى موديل 98 الشكل 2011

عندك جيلى فروته هاتشباك 1100 سىسى موديل 2004 او 2005 تعمل 19 او 18 لو عاوز تزود حاجه بسيطه


عندك فيات اونو موديل 1982

عندك دايهاتسو شاريد موديل 93 2 باب
ب 17 الف

عندك بيجو 205 موديل 85

اختار بقى اللى مناسبك فى دول
تحياتى

[Mohamed Hassanein]

المشاركة الأصلية كتبت بواسطة yahiaashraf اولا كل سنه و انت طيب بالنسبه للفيات 132 فى منها 1600 سىسى كتير مش كلها 200 سىسى و ده رابط عليه 132 للبيع كتير http://www.contactcars.com/UsedCars_...15&ModelID=137 بالنسبه لموديلات تانيه عندك سوزوكى ماروتى من موديل 94 الى 97 عربيه ممتازه قطع غيارها بملاليم ده رابط عليه ماروتى للبيع كتير ده الرابط http://www.contactcars.com/UsedCars_...=46&ModelID=92 اختار بقى 132 او ماروتى : waving:

بسم الله الرحمن الرحيم
اولا شكرا جزيلا على افادتكم لى . ولكن اعذرنى فانا محتار كثيرا بين 132 2000 سىسى و الادا من فضلك ايهما افضل بالنسبه ليا. لكن السوزوكى ماروتى متنفعنيش خالص وده لاسباب كتير اولا انا تخين وطويل ومتجوز. ههههههههههههههه. وديه اسباب تخلينى افكر الف مره قبل ما اجيب عربيه تسجنى جواها

[YahiaAshraf]

المشاركة الأصلية كتبت بواسطة Mohamed Hassanein بسم الله الرحمن الرحيم اولا شكرا جزيلا على افادتكم لى . ولكن اعذرنى فانا محتار كثيرا بين 132 2000 سىسى و الادا من فضلك ايهما افضل بالنسبه ليا. لكن السوزوكى ماروتى متنفعنيش خالص وده لاسباب كتير اولا انا تخين وطويل ومتجوز. ههههههههههههههه. وديه اسباب تخلينى افكر الف مره قبل ما اجيب عربيه تسجنى جواها

يبقى خليك فى الفيات 132
احسن بكتير من اللادا
و لو عاوز اى استفسار برده انا تحت امرك
تحياتى