سيارات للبيع لمصر ببلاش

[ahmed zawawy]

مفيش حد بيرد علي حد اصلا

[alkhmary]

المشاركة الأصلية كتبت بواسطة kooknook offers 10,000 LE BMW /E36//1,6/1994/SPORT OR COUPE/MANIUAL//ABS.COMPLET

من فضلك عاوز بريدك الالكترونى للتواصل انا مستورد كمبيوتر وعاوز اعمل شغل معاك فى السيارات
ممكن تبعتلى رساله على الخاص

[a7med fat7i]

يا جماعة الموضوع مش عشوائى كده يعنى مش العربية هتيجى الميناء هنا هتروح تستلمها وتمشى وبعدين تعدى على اى سمكرى تقوله جمعلى العربية دى .
طبعا لازم العربية تخرج من الميناء على بطاقة استيرادية واللى بيخلص الاجراءات فى الميناء مستخلص جمركى مينفعش شخص عادى والجمارك بتسمح بحجات معينة تدخل مصر وبعدين مينفعش السيارة تدخل من غير شاسية لان بيطلع افراج جمركى علية رقم الشاسية وطبعا الماتور ينطبق علية نفس الكلام علشان المرور تعترف بية . بالظبط شكل اللى بيشترى ماتور استعمال الخارج واللى بيشترى نص للعربيتة اللى عملت حادثة
موضوع تجميع العربية ده لة طريقة معينة ميعرفهاش غير تجار الاسكراب .

هو المفروض اللى كاتب الموضوع يحدد ويقول للتجار.

[TOOLA]

بحكم ظروف حادثة حصلتلى فى وصادفت ان ليا معارف فى نفس الوقت ده جابوا بضاعة عربيات من بره هحاول الخص الأتى:

1- صاحب الموضوع بيعرض بضاعة لسلع رائجة فى مصر و فى كتير يعرفوا تفاصيلها.
2- العربيات بتتبعت من هناك بناء على طلبك, النوع و الكمية و طريقة تقطيع السيارة و عاوز ايه بضبط يتبعتلك من السيارة (النصفين كاملين - نصف أمامى فقط - أجزاء العربية متفككة) و طبعا بتفرق على حسب طبيعة التجار البتتعامل معاهم هناك.
3- الغرض الأساسى هوا تقطيع العربيات لاستخدامها فى محلات قطع غيار الاستيراد المنتشرة فى الحرفيين و طبعا بضع المناطق الأخرى.
4- الغرض الأخر هو وجود عربيات حوادث من الصعب تصليحها و رجوعها لحالتها, فبيتم شراء العربية متقطعة نصفين بالطريقة البتفضلها ده لو جيالك مخصوص, و بيتم تلحيمها هنا و نقل الموتور بورقه و نقل رقم الشاسيه.
5- الموضوع ده اساسا غير قانونى, و الأعرفو ان ليه مخرج قانونى واحد و هوا انك تودى العربية الحادثة لمرور الدراسة تقريبا و بيتم فحصها عن طريق خبير و لو غير نافع تصليحها بيأشرلك بتركيب نصف أمامى للسيارة بشرط حفر رقم الشاسيه على القايم و طبعا كده العربية مشمومة و يكاد من المستحيل اعادة بيعها (ديه معلومات متجمعة و ليست عن تجربة).
6- أعتقد مش من السهل اكتشاف لحام رقم الشاسيه لأن من ما ريت به فى ترخيص سياراتى السابقة سواء مدينة نصر أو النزهة (سيارات سليمة طبعا انا بصراحة اشتريت دماغى و مخدتش التجربة) لقيت فنيين الفحص مش اد المستوى و أعتقد مش هيكتشفوا الموضوع (الا لو لون السيارة خارج او داخل مختلف عن الفى الرخصة و ساعتها ده ممكن يخليه يركز شوية)
7- السمعتو ان عربيات كتيير فى بلدنا ماشية انصاص خصوصا الالمانى و عشان كده عند شرائك لسيارة المانى لازم حد متخصص سمكرة و دوكو يبص عليها للتأكد من خلوها من اى لحومات فى الشاسيه و دهان الدواخل و عموما انا كنت عامل حادثة توتال لوس بسيارة بورا و كان فى تهافت على شرائها و العربية اتباعت و اتلحمت و خرجت عادى جدا.
8- جمرك بورسعيد اسهل فى التعامل و حساب الضرائب و خروج السيارات المتقطعة عن جمرك الاسكندرية, و أغلبية التجار بيبعتوا على بورسعيد و لازم مستخلص اليخرجلك البضاعة و يفضل يجيلك عن طريق حد معرفة و مجربه عشان ميشتغلكش و عشان تضمن انو يخرجلك البضاعة (الفرش الداخلى أعتقد دخوله صعب, و اسمع ان الكاوتشات و الفوانيس ممنوع) بس ده ميمنعش ان الحاجات ديه كلها بتدخل عادى.
9- نصيحة: لو ملكش حد بره و كمان حد هنا فاهم فى الحوارات ديه و هيعرف يخرج البضاعة و فاهم الأسعار كويس و عارف حسبة الشراء و الشحن و البيع و الربحية, يبقى ابعد عن الموضوع لأنه مكلف و متعب و ممكن يلبسك فلوس, ياما تشتغل مع حد تتعلم منو قبل متدخل بفلوسك أو لوحدك.

[كومندا]

طيب لو عاوز متور بالفتيس بتاعه بس هل ممكن تشحنهولى على اى شركة شحن ؟؟؟