سؤال عن الإبيزا 94 من فضلكم

[menna sleem]

أول مشاركه فى المنتدى بعد المجهود الكبير اللى لمسته من الباشمهندس محمد إبيزا

ياريت لو سمحت أعرف بس لو أمكن أسعار الإكصدام الأمامى والخلفى لو إستيراد ولو جديد
وكمان عاوزه أركب تكييف للعربيه لأنها بدون ، وعندى كمان الفانوس الخلفى شمال مكسور ونفسى أغيره ، ياترى يعمل كام يا أستاذ محمد
معلش أنا بتقل على حضرتك لكن ملناش غيرك متخصص نسأله فى المسائل دى
عربيتى إبيزا 94 موتور 1300
أه نسيت أسألك ينفع يركب لها إكصدام خلفى بتاع البولو 95 ؟؟
أنا آسفه على الإطاله وشكرا مقدما أستاذ محمد إبيزا

[mohamed ibiza]

الف شكر علي كلامك يا منه

الجوز ادام و ورا استيراد بتوع ال 99 ب 550 جنيه بتوع ال94 هيبقوا اقل شوية و جداد مش هيقلوا عن 300-350 بس مش اصلي بيبقي تايواني و الفيبر بتاعه مش حلو


بلاش تكييف علي ال1300 لو اللي بيركبها بيجري لو مشي عادي بيتكلف حوالي 2500 جنيه و يركب عادي


هتلاقيه مستعمل في الوكاله و الحرفيين هيعملوا بتاع 50-70 جنيه بالكتير

معتقدش يركب لان الابيزا اعرض من البولو شوية و حتي لو نفس العرض و يركب يستحسن تجيبي حاجتها

[ahmed_kamel]

يارافع راسنا على طول ... وحشتنا مشاركاتك ومواضيعك ياباشا

[menna sleem]

المهندس محمد إبيزا
أشكرك كثيرا من القلب على اهتمامك بالرد على استفساراتى ، وأعتذر عن تأخرى فى شكرك نظرا لسفرى خارج مصر فى الفتره الماضيه .
نرجع لموضوع التكييف ، أنا شايفه إن حضرتك لا تؤيد تركيب التكييف ، هل لضعف الموتور ؟؟
على فكره أنا يدوب مسقطه الموتور دا من 5 شهور بس وحالته ممتازه ، قالولى إن الشكمان لما يجيب ميه تبقى حالة الموتور تمام .. تفتكر ؟؟
كنت عاوزه أستفسر منك على موضوع سير الكاتينه ، يتغير كل أد إيه ؟؟
بليييز يابشمهندس متزهقشى من تساؤلاتى ..
وأنتظر ردك

[mohamed ibiza]

المشاركة الأصلية كتبت بواسطة menna sleem المهندس محمد إبيزا أشكرك كثيرا من القلب على اهتمامك بالرد على استفساراتى ، وأعتذر عن تأخرى فى شكرك نظرا لسفرى خارج مصر فى الفتره الماضيه . نرجع لموضوع التكييف ، أنا شايفه إن حضرتك لا تؤيد تركيب التكييف ، هل لضعف الموتور ؟؟ على فكره أنا يدوب مسقطه الموتور دا من 5 شهور بس وحالته ممتازه ، قالولى إن الشكمان لما يجيب ميه تبقى حالة الموتور تمام .. تفتكر ؟؟ كنت عاوزه أستفسر منك على موضوع سير الكاتينه ، يتغير كل أد إيه ؟؟ بليييز يابشمهندس متزهقشى من تساؤلاتى .. وأنتظر ردك

لا شكر علي واجب حضرتك..

انا مش بأيد تركيب التكييف لهواة الجري و التجميع السريع لانه بيبقي محمل علي الموتور مش اكتر و برضه مش بأيد تركيف تكييف علي موتور شقيان يعني مثلا انا عربيتي موتوري ماشي فوق 400 الف كيلو ده موتور بيشقي مبيبطلش شغال علي طول ممكن تعد اليوم كله شغاله مينفعش اركب عليه تكييف كده ابقي بقصف اللي باقي من عمره بصورة اسرع

انما لو موتورك كويس ركبي تكييف عادي بس يكون بتاعها يا اما تركبيه في التوكيل و ده هيتكلف اكتر من العادي بس هيبقي مضمون يا اما تجيبي تكييفها الاصلي من الحرفيين او الوكاله عشان لو مش بتاعها الموتور هيضيع و يتركب و يتظبط كويس عشان ميأثرش علي سحب العربية اوي

الموتور لما بيعرق ميه من الشكمان في الدواره الصبح بالذات بتبقي حالته ممتازة فعلا بيبقي لسه بيقول يا هادي

حضرتك مسقطه موتور ايه ؟؟ 1300 برضه بس بحالة نضيفه ولا موتور اعلي

سير الكاتينه بيتغير المفروض كل 40 الف بس انا بغيره علي 35 الف كيلو

و مفيش زهق ولا حاجة و انا مش بشمهندس علي فكره ptmnlo123per122