الي عشاق سيات كوردوبا

[mmouneer]

بعد طرع الموضوع من اسبوع ومرور أعضاء كتيــــــــــر في المنتدي عليه بلا ردود اثبتلي ان السيات كوردوبا بلا عشـــــــاق كما توقعت وبالتالي هغير وجهتي الي سياره تانيه افكر في اقتنأها وشكرا سيات ومرحبا بمعشوقه جديده افكر في الحصول عليها.

[Ahmed_lol2007]

السيات الكوردوبا ممتازة
محرك ممتاز سحب جميل أوبشنز عالى جدا من زجاج كهربة لفتحة سقف لغيره
لكن فعلا بيعها تقيل
أنا لو معايا تمنها هشتريها من غير ما أفكر
وتقبل مرورى

[doglas]

المشاركة الأصلية كتبت بواسطة mmouneer شكرا علي مرورك أولا أنا بقارن الجديد مش المستعمل ثانيا بالنسبه لاأولوياتي كالتالي ( سعر الشراء - الاداء - الاعتماديه - الامان - سعر أعاده البيع - أسعار قطع الغيار والصيانات - أوبشنز) وشكرا علي ردودك واهتمامك اللي هو متوقع دايمـــــــــــــــــــــ ـا

الكوردوبا عربية ممتازة جدا ، و ده يتوقف عليك إنت إذا كنت عايز عربية ركوبة ولا عربية تقضي الغرض و السلام و تعرف تبيعها
سعر الشراء: ممتاز و معتقدش فيه عربية في السوق كله (حتى الكوري و الياباني) فيها الامكانيات دى و بالسعر ده

الأداء : عربية سحبها خرافي (موتور و فتيس الجيتا على الحجم الأصغر ده كمان)
الإعتمادية: إسأل أى حد راكب سيات او فولكس عن عمر قطع الغيار مثلا (لو احتاج لها) ، و قارن بينها و بين الكوري ، و ممكن أديك أمثله كتير أوى من واقع تجربتى الشخصية
الأمان : عربة حاصلة على 4 من 5 في اختبارات الأمان ، إتزان رائع جدا جدا يشعرك فعلا بالأمان ، 2 إيرباج ( و لو إنى مش بقتنع بكتر عدد الإيرباج بقدر ما بقتنع بكفاءة الإيرباج ، ممكن يبقى عندى 10 إيرباج و لا واحدة تفتح نتيجة سوء الخامات المستخدمة و سوء جودة الحساسات)
سعر إعادة البيع : هنا الكوردوبا تخسر امام ثقافة و توجهات الشعب المصري اللى عمل من الكوري و الياباني أفضل السيارات في إعادة البيع ، ولو ان لو العربية قعدت معاك 4 او 5 سنين مثلا الموضوع ده مش هيفرق معاك لإنك هتكون إستخدمت العربية بالفرق ده فعلا ( وجهة نظري الشخصية إنى الأهم أركب و أكون مبسوط بيها و أفكر في النقطة دي لما يجي وقتها و الرق ده بتاع ربنا
أسعار قع الغيار و الصيانات: انا أطلب منك إنك بنفس تتصل او تروح توكيل سيات و تسأل عن الأسعار و قارنها بأى عربية كوري حتى او ياباني و انت احكم بنفسك ، و قطع الغيار متوفرة في الحرفيين بالنسبة للإكسسوارات و في التوكيل و خارجه بالنسبه للميكانيكا
اوبشنز: انا رأيي كفاية إنى الفتيس ستبترونيك 6 سرعات ، و فتحة السقف و الباور الكهربائي و الطارة المالتي فانكشن،و على فكرة عربيات سيات كلها مليانه حاجات كده صغيرة و حركات جميلة اوى تكتشفها مع إستخدامك للعربية (ناس إهتموا بكل التفاصيل مهما كانت صغيرة بالنسبالك)

أخيرا القرار ليك ، و بدون أى تحيز- انا لو منك أجيبها فورا

[mmouneer]

شكرا جزيلا ل Ahmed_lol2007 وكمان المبدع في الشرح Dogls وأكيد المشركتين دول هيفرقوا معايا كتير في التقييم والأهم اني عرفت ان لسيات كوردوبا عشــــــاق بعد ما كنت قربت أفقد الأمل ان حد يشجعني علي اقتنأها
شكرا للمرور الطيب وتقبلوا تحياتي

[ahmedmohelsayed]

شكرا جزيلا يا شباب
وشكر خاص doglas
انا كنت في نفس حيرة صاحب الموضوع
لكن الى حد كبير قربت استقر ان شاء الله على السيات كوردوبا
وان شاء الله آخذ قرار الشراء قريبا جدا
بس ادعولي ربنا يكتب لي الخير ويوفقني له بإذن الله